夢想穿婚紗、當新娘　美國10歲女童「閃嫁」青梅竹馬　過百親友含淚見證

未成年「童婚」是文明社會的禁忌，但美國北卡羅萊納州一間小學早前卻舉行一場「新郎新娘均年僅10歲」的婚禮，現場並有過百人見證。原來這是從小憧憬當新娘的愛瑪（Emma Edwards）的「圓夢」儀式，雖然距成年還有一大段時間，但她與同齡的青梅竹馬「DJ」（Daniel Williams, Jr.）在6月29日舉行「婚禮」。在當上新娘的12天後，罹患血癌的愛瑪帶著新婚祝福下「無憾」離世。

綜合美國傳媒報道，愛瑪父母指女兒一直都很健康，但某天開始突然頻繁嘔吐，及至去年4月因跌倒送院，更意外檢查出患上急性淋巴性白血病。雖然這於屬兒童常見的癌症之一，存活率相對為高，可惜發現時「癌細胞正侵蝕她的骨頭，讓她變得非常虛弱」。

儘管如此，愛瑪父母仍然堅信女兒能戰勝病魔，讓愛瑪不斷嘗試各種療法，希望盡快痊癒。惟醫生於今年6月告知他們，愛瑪的病情已無法醫治，更預料「生命只剩下數天」。愛瑪母親形容當刻尤如被一記重拳打中，「我們原本正尋求新的治療方案，以為有所作用」，沒料卻得知女兒的生命「可能只有幾天到一周，而不是數周」。

在得悉噩耗後，愛瑪父母決定為女兒完成最後的夢想：成為新娘。由於愛瑪時日無多，他們與DJ的母親共同策劃這場「婚禮」，只用兩天便安排好一切。在婚禮當日，雙方找來約百名親友到場見證，由愛瑪最好的朋友擔任伴娘、愛瑪父母的朋友主持儀式，小學老師更上台致詞，訴說兩名「新人」之間的故事。穿著紫色的禮服的愛瑪隨後在父親陪同下，坐著輪椅踏上紅毯，在眾人見證下和DJ交換戒指。

據報道，順利完成婚禮的愛瑪在上月11日離開人世，她父母很感激DJ一家能替女兒完成夢想，「DJ的心地非常善良，而且他真的非常喜歡愛瑪」。愛瑪母親亦表示，很多孩子的夢想是想去迪士尼樂園，但愛瑪是想成為妻子，並生三個孩子，「她是個貼心的孩子」。事件傳開後，社區更發起慈善活動，製作「愛瑪的軍隊」（Emma’s Army）貼紙，籌集資金幫助愛瑪家人。

https://www.i-cable.com/post/?p=150522

個女仔可以圓夢才離去

都已好好
唔知行禮時有冇咀咀

好慘，知道嗰時已經冇乜時間剩

個男仔會唔會有陰影第時唔敢結婚

個男仔應該都係當Role Play 咁玩

會
但係當時全世界得佢可以完成呢件事

有洋蔥

點解會有陰影?好多人結婚都只係因為一張紙可以一齊生活先結既儀式 但至少果下個女仔係死之前真心愛佢想同佢結既重要性大好多

未必嘅 又唔係佢害死個女仔

睇個男仔既樣似純粹當做善事

10歲邊會諗到咁多野

好彩男方細路都肯做下樣，係現代大人應該無問題。

rip

睇到想哭

男仔第日大個咗同第二個結婚算唔算重婚？？

唔算啦 依個應該冇法律效力

咁玄學上呢？？

唔會啦
應該佢老豆老母都同佢講清楚
幫你個朋友完夢,當做話劇咁

就算大個再結婚,點解算係重婚先?
個女仔已經死左

個天係玩人冇咗，好多小朋友從小萬千寵愛在一身，竟然得到絕症
有啲小童生活係水深火熱之中, 日日艱苦難熬, 竟然冇病冇痛咁撐落去

仲以為係The Fault in our stars

諗起咒迴既乙骨同里香

有呢段咁凄美既故仔 俾著我大過一定出文扮文青呃西屌
btw 老竇老母生我出黎又唔幫我搵埋個青梅竹馬 搞到我懂事到讀完書都係同男仔過