!
如果睇緊呢篇文既你成功入到City，咁就恭喜晒啦！
相信各位新生都對CityU非常之陌生
不過唔洗緊張！
依家我就為大家一一介紹俾你聽City學生之間既唔同術語，等大家同各位City學生傾計既時後都可以得心應手啦!
City唔同既Zone
City 入面有Red Zone，Yellow Zone，Blue Zone，Green Zone，Purple Zone。
但係有一個特別既Zone就係White Zone啦！White Zone就係指又一城，因爲又一城既裝修以白色為主，所以被稱為White Zone.
四不像
面對住又一城方向嘅位置，有兩隻四不像，傳說話掂過摸過嘅都會畢唔到業，所以經過見到就唔好多手多腳啦
時光隧道
連接City校園同又一城既行人隧道，由於入隧道後視野會忽然變黑暗， 所以就有個咁嘅名。
3m橋
連接紅門同時光隧道的天橋，因連接方潤華樓及蒙民偉樓 所以就有3M呢個嘅名
紅門
雖然城大有好多對門都係紅色，但一講到紅門，就一定係指Ac1入口既五對門。傳說如果有學生穿過中間紅門， 佢嘅GPA一定唔會過三。各位新生記住就唔好經中間紅門入AC1啦！
三上四
Ac1連接3樓同4樓嘅扶手電梯。
南山
南山邨，3m橋電梯可以直接通向南山邨出口。南山邨同時都係我地Shitty學生既宵夜聚腳點。
AC1
係最大嘅教學樓，學生最主要活動地區。學校以顏色分區 (zone)，分為blue/yellow/green/purple zone。一般freshman入到去都會覺得好似行左入迷宮咁。
Podium
係Blue Zone 4樓中間嘅枱，通常大家會係轉堂中間或者落左堂想同Frd吹吓水既Common area。
Ac2
李達三葉耀珍學術樓，ac2 G/F, 4/F同5/F都有電腦室，係除左拉把外唯一可以print 野嘅地方。sem 樓大排長龍時記得唔好咁傻係Libra呆等啦！
Ac3
劉鳴偉教學樓(business school department 嘅所在地，入面嘅課室大部份都係供商科學生使用。
CMC
邵逸夫創意媒體中心（Run Run Shaw Creative Media Centre），位於宿舍Hall 10對面，則仁中心對面。
咁辛苦入到大學，唔係唔玩爆佢啊嘛?
相信各位Fm最最最關心既一定係O camp啦！咁身為Shitty既屎忽，等我用過來人既身份，同大家講解下宜家City所有既ocamp，仲有點樣揀一個啱自己既ocamp，避免大家中伏啦！
咁有樣野好多師弟妹都問我既就係：
今年有冇ocamp玩架？
疫情之後仲有無Soc搞O camp?
City Su都摺埋，仲有無O camp玩架？
答案係有既!!!!!
大O（SU搞嘅ocamp）
大o係city 入邊最多人嘅ocamp，但係自從上年學校唔再承認學生會之後，大o就冇再出現過喇
中O（商院、人院、科工搞嘅ocamp）
中O 黎講，就係每個學院d人搞嘅ocamp，相信大家都係為左可以識翻一起上堂同埋做project mate嘅人，但係入到ocamp你會發現好多人都唔係同你讀同一科嘅，例如你讀marketing但係你入左到商院中O入邊會同其他讀 accounting或者 management 嘅人一齊玩。因為中O係俾所有讀商科嘅人入去玩嘅，所以入去識完人，之後上堂既時候，你會發現幾乎大部份都唔會一齊上堂
咁如果你玩ocamp 系為左搵project mate或者攞source嘅話，咁中O嘅作用就唔係好大喇。
而中O嘅人數黎講，相對於除大O之外嘅所有ocamp都比較多，組爸媽未必可以個個組仔女都可以take care 到，所以如果你玩中O嘅話記住要同組爸媽frd少少喇。不過，話曬都係中O，人多識多d人對於大家嘅大學生活都冇壞，傳聞中O仲係出pool勝地
所以大家有興趣都不妨試試玩。細O（自己個科d人搞嘅ocamp）
係細O入邊，所有嘅組員都會係讀同自己一樣嘅科，所以報細o黎識project mate 同埋搵人之後一齊上堂就實冇死喇
但係細o 嘅組爸媽就未必係自己果科甚至唔係city嘅人喇，所以係挽完ocamp之後就要靠自己黎同人保持conection喇。
而以商科為例，因為商科有六科，所以商科入邊會有6個細O，大家有興趣就可以睇翻自己個科黎報喇。根據以往經驗，ocamp個質素都唔差嘅，不過個ocamp挽嘅嘢都差唔多，少左d自己嘅特色。
Ac soc
嚟到重頭戲了
細中o都係比大家識groupmate同埋有個同科照應，而ac soc既ocamp就一定係最好挽同埋識同一大班frd既地方，city最出名就有四大soc既，分別就係水會，insoc，天文，同永遠唔知嘅soc水會：出名夜行船p，都幾撚恐怖，淫賤
聽講之前年年ocamp都挽得好喪但係幾年前已經收左皮，想要淫亂U life既手足就報其他soc啦Insoc：姐係投資學會，日日都見到佢地圍爐
佢地成班友係podium圍威喂好嘈同埋出左名挽開小圈子。佢地年年ocamp都收得勁撚平但係ocamp質素又幾好，聽聞成個camp 都好chur。但係好似會揀比靚仔靚女挽，完左Ocamp仲有勁撚多活動
亦係唯一唔洗dem beat既ocamp，自問好挽得樣又唔差先好報喇，柒頭就有翻少少自知之明咪報啦
天文：Sell warm就係佢哋嘅唯一宗旨！Ocamp出名有夜行同埋觀星年年都係去黃宜洲搞ocamp
仔仔女女質素正常，有dem beat既野，ocamp都唔錯既但係聽聞今年好似冇人搞ocamp，所以大家要考慮下其他soc喇
gym soc：算係新soc，不過前兩年有淫亂事件流出之後出晒位
近年仔女質素都幾好，但係真係想做占既手足可以收皮先，準備入去挽腳趾啦Cook soc：對煮嘢食有興趣嘅朋友可以試吓，算係比較新嘅soc，聽聞好似比完錢冇活動玩
同埋今年支莊好似已經收左皮，想煮野食既手足就冇計喇。
排soc：今年係第三屆排soc，第一屆有ocamp
通常每個月都會有一兩次排球fun game，仲會有教新手既game想學同埋識打排球既手足可以考慮下入會，因為第一年ocamp，所以質素黎講都冇人知
Music soc：識音樂既可以入去搵下人夾band雖然入面啲人好似都唔多識音樂
個ocamp 好似會有音樂會busking，不過前兩年有警犬做組爸直接比人屌到上天
Dance soc：鍾意跳舞既可以報
啲仔女質素普遍都唔錯，有joint-u 跳舞event要練舞都幾chur聽聞Anson Lo都上過dance soc莊
Cul soc：今年第四屆 同香港文化野有關，睇佢哋嘅IG都整得幾好
大部分人都會報一個細O 加一個ac soc 嘅ocamp
咁樣可以搵到project mate之餘 又可以識到唔同嘅人 咁大家就可以睇自己嘅心水報喇咁講完ocamp之後，希望大家對city 嘅ocamp 有初步了解。不過通常大家會對reg day 都有d 疑問，咁下邊就係小弟認為大家通常會問嘅問題，做翻個Q&A黎解答啦
