（正視聽！）唔好再講Zone2跑

跑步完全唔需要壓心率

心率代表運動對你嚟講嘅強度

你初頭學跑 緊係對你嚟講係高強度

而同樣時間嘅高強度 好處係好過中等強度 亦即係所謂zone2跑

所以世衛點解講 1分鐘嘅高強度有氧 = 2分鐘嘅中度有氧

而佢地都係用心率去分個強度

只要你唔係到咗無氧個stage就得

而正常easy run係唔會上到去

當你跑得多 帶氧能力強咗 自自然然心率就會跌返

所以你一開始學跑 其實益處係最大 身體由50分好快上到70-80分 壓心率只係on9嘅行為

反而跑得耐咗嘅人就知咩係樽頸位 身體已經到達90分 嗰10分好難再上 要交叉訓練 搵其他野做下先可以再突破

睇到啲跑po 成班係度講壓心率

誤人子弟

唔識就唔好亂講啦，科學愈黎愈發達，關於跑步訓練既研究呢幾十年不斷進步，書都愈出愈多。

黎到你呢度就反而退返步，話唔需要理啲理論，又去返原始人咁9練
一句模糊不清既「唔好去到無氧個stage就得」
咩叫高強度低強度阿，又1分鐘嘅高強度有氧 = 2分鐘嘅中度有氧，我諗你連高強度低強度定義都唔清楚，就係度出po誤人子弟。

不嬲大量研究實證耐力運動係行極化訓練最有效，無論上限同效率都係一撚定好過你鳩練，講緊唔理係精英運動員定普通人，都建議80%低強度配搭20%既高強度去最大化訓練效果。
「正常既easy run係唔會上到去」，你up乜春，壓心率咪就係講緊比一個客觀標準比你知自己係咪easy run緊，每人對辛苦程度既感覺都好主觀，有啲人鍾意逞強喘晒氣都可以話自己唔係好辛苦，仲有你覺得你夏天跑同冬天跑同樣速度個強度又一樣?心率／功率／血液乳酸濃度咪就係比一個客觀化既標準你去參考，係人類文明進化出黎既工具。

你而家十足十果啲一成不變，怕麻煩就唔學新野既死廢老，自己呃自己果啲理論野係無用

近年各種運動都講要科學訓練，健身都要講究rm同肌肥大理論，單車又勁講功率/FTP，人地大陸跑步都講左心率十幾年，得你懵憕憕咁仲要彈出黎話正視聽，獻醜不如藏拙啦

鳩跑都係跑，都係會進步，但最終上限同效率都係唔會比得上人地科學咁練，唔識就睇多啲書，推介埋比你Daniels' Running Formula同Hansons Marathon Method

個邏輯滑坡到

佢眼中只有有氧同無氧
咁人地分咁多個HR zone把撚

我咪講咗強度用心率去分

條formula比埋你

心率/最大心率嘅百分比

你又點分啊

我唔否認中等強度要係訓練core 但呢啲已經係跑咗好耐嘅人

但一開頭對新手嘅訓練 心率隨便就上到去 根本冇必要壓心率 搞到堆新手比壓心率呢樣野影響

建議你睇Daniel Lieberman 呢排運動最hit嘅教授 講明心率高有佢嘅好處

講得淨係睇最大心率都知你咩料

新手要“壓心率”，好多係因為對科學化訓練唔熟或者一知半解

你就將自己既一知半解變做不求甚解再出post否定一切

你係咪想講卡氏公式

舊野嚟 可以唔洗理

唔壓心率又要跟人講心率分zone係多此一舉定自相矛盾
無人講過話高強度無用，不嬲跑步都好興有高強度間歇跑（high intensity interval training簡稱跑interval)
但你根本就唔清楚高強度跑同低強度跑個分別，你仲以為低強度跑帶黎既野高強度都做到晒
簡單咁同你解釋返，唔單止肌肉有分快肌慢肌，係唔同既運動強度／速度下會徵召得比較多。連能量系統都有分三大，

唔係你以為既得有氧無氧咁簡單，高強度同低強度既時候根本係訓練緊唔同系統，雖然最終個結果可能都係跑得快左，但實際上練到既野係唔一樣，vo2max/燃脂效率+肌肉耐力 等等。

唔信你試下鳩練玩HIIT走去跑馬拉松，同人地系統性訓練比較，仲係度剩係識講hiit真係井底之蛙。

首先 interval已經係無氧層面 係跑咗好耐嘅人先要練

Tempo先係中高強度有氧

而我都講過 中度有氧做core係好

但都市人嚟講 HIIT係最省時間嘅方式

而有心學跑嘅新手根本完全唔洗分zone

easy run按自己節奏跑就得

你跑得耐 穩定落嚟先算把啦

係呀係呀，你啱，你自己跑既節奏啦，唔好害人

唔一定跟zone2, 自己覺得輕鬆就得

你地就成班害人

壓心率根本冇意義

比隻錶定義自己都幾好笑

你啱，跑到180，只係我同自己講係easy，就係easy! 信念！心態！唔好俾心率數字定義自己！個心跳緊180下，我覺得easy就係easy! 感覺良好！

不如樓主定義下咩叫新手先

結論：

講easy run, tempo, interval冇問題


分zone意義不大

或者專業跑手 完全穩定先有啲意義

但其實講到尾可有可無


我今日可以係新手easy run但到咗zone3-4

但練得多 帶氧能力強 easy run自然變zone2


成過進步過程 根本唔洗刻意「壓心率」

Somehow我又認同部分嘅
真新手唔好太規範喺zone 2
遊走zone 2-3之間去建立習慣係未嘗不可
特別係下下就爆zone 2會好frustrated

但另一方面HR zone其實人人唔一樣
當用heart rate reserve好
Latacte threshold好
每個人嘅zone已經唔一樣
所以easy run 嘅zone 2/E pace已經係tailor made
跟到一定會最大效益化

唔壓，但唔可以爆到上85%以上，一到左呢個心率練既唔係有氧，係無氧，同埋跑唔得耐