2. 同埋想問吓大家有冇類似風格嘅漫畫推薦
《終之退魔師》
好似從來冇見人討論過呢套
個名好中二但係內容唔中二
算係格鬥/魔幻類漫畫
故事大概係環繞妖魔、殺手、協會之間嘅故事，
亦都講好多權力鬥爭嘅嘢。
包含咗好多格鬥方面嘅知識
畫風方面偏寫實，我個人幾鐘意。
以下係我鐘意佢嘅原因（同埋想揾有呢啲條件嘅漫畫）：
格鬥好睇
格鬥分鏡畫得好寫實、細緻，係會每個動作拆解嘅嗰種畫法
打得好有型，而且合理。
佢唔係嗰啲主角開大技一次過打幾百隻嗰種無腦漫畫
亦都唔係打一下飛到好遠、啲牆爆晒都冇流血嗰種
內容成熟，主角唔on 9
角色性格塑造唔on9(例如hunter x hunter 男主角
)即係冇嗰啲 「因為我哋係朋友」「友情可以戰勝一切」、
或者內容上「啊啊啊啊啊」大喝一聲跟住就打贏咗嗰啲on9嘢
劇情多血多斷肢，唔知大家會唔會介意
同埋我覺得個作者好有諗法
佢好似好鍾意西方電影，成日都有啲reference，對於鐘意睇西片嘅人係一大加分位
同埋作者畫嘅另外一套漫畫最後會駁返落呢套，搞到我覺得佢好有鋪排
想睇波都有得睇少少嘅
類似嘅漫畫：
直到死亡將我們分開
亞人
無咁相似但係我都覺得好睇嘅：
火星異種
Gantz
刃牙道嗰啲就免了，畫風我搞唔掂
