如果秦始皇當年冇統一到六國，中國而家會唔會好似歐洲咁變得有多個國家？

真

應該難d，始終西北等雨線之外，農作物收成不足
遊牧民族人口增加到某個程度就會入侵

學到嘢

我覺得唔會
首先可以諗點解會有大一統傾向
歐洲分咁散某程度上係地緣政治因素影響
歐洲唔大，但由北歐到地中海
東歐至西歐
地理氣候嘅差異其實好大
比較難統一管治
對比中國雖然有南北差異
不過都冇歐洲咁大差異


古時科技唔發達
高麗越南呢啲地方，打得嚟遠又難打
俾你打到咁遠都難管治
所以就算短暫佔領過，都唔會長久視為「中國範圍」
逆向咁諗
所謂大一統國嘅範圍就係打得到又管得到嘅地方
中國都會打到盡
就算秦始皇唔「統一」
都會有其他人做

中原諸侯就會有聯軍有霸主，促使統一

理性分析

定一或係 有咩原因阻止 歐洲諸位國統一呢？

冇秦始皇咁勁君主

唔洗講咁遠，講返孫中山北伐就得

真正統一是劉邦

秦始皇雖然消滅左六國, 但六國遺民日日諗住復國, 不認同自己是秦人
結果不到15年就六國紛紛起義復國

項羽 雖然是霸王, 但佢唔係做皇帝, 而係分封諸侯, 玩返周朝果套

反而係劉邦消滅所有諸侯國, 再建立一個全新既 漢帝國, 然後七國遺民都認同自己是漢人, 放棄自己原本既 秦人/趙人/魏人/楚人 ....身份
然後就開始左中原統一思想

係喎

古中國個地理逼住要統一

以你個LOGIC
真正統一是漢武帝呀

唔關君主事
如果只係一個大國就係統一嘅話羅馬同查理曼時代嘅法蘭克都可以算係統一（統一一個洲幾本上冇可能）
歐洲咁難再有統一嘅其中一個原因係因為有教會嘅存在
國王要利用教皇去維持自己嘅統治合法性，而教皇為咗自己嘅權威性一定會用唔同嘅國家嚟互相制衡，就算打贏咗只要教皇唔承認就等如國內嘅貴族可以合法造反，所以歐洲好多時好講求「合法性」啫係話你要有佔領當地嘅理由先可以佔領 e.g. 自古以來/同被佔領嘅國王係親戚
第二個原因係制度，歐洲嘅分封制就基本上決定咗歐洲冇可能發動到大規模嘅滅國戰爭，秦國當時雖然話係封建但中央集權都強過歐洲中世紀好多，歐洲要到路易14時代先有返強啲嘅中央集權，而之後嘅拿破崙亦都接近統一歐洲

其實 拿破崙, 希特拉 都唔同秦始皇
秦始皇 係直接消滅其他國家

拿破崙, 希特拉 係攻佔人地國家之後, 扶植個傀儡政權上台執政, 唔會完全將人地國家消滅
感覺上 拿破崙, 希特拉 係類似項羽咁

咪就係嗰九州咯