日本租車你會點揀？［2.0］

其實真係冇分別，大家覺得toyota同nissan係直屬廠隱陣d咁解, 我自己就唔buy啦，情願去orix,budget,times,ots依d租，一來平二來服務仲好d, 剩係etc/kep已經唔使煩，直接網上訂哂不過toyota有到好，加錢可以指定車款。

租fit既話多數會比hybrid還是油車

Hybrid車同油車通常都分開級數，唔同價錢，你唔使諗住用油車價錢租到hybrid車

Share 番少少E-Kick Feedback, 見香港比較少人提到呢架車。我揸車當代步工具, 可能有D位無其他巴打講得咁詳細, 唔好意思。

係博多站丸井Nissan 拎車, 如果有時間, 建議搵第二個位置拎車; 博多站丸井 係Kitte 入面; 文件係2樓整, 拎車係B2 地下停車場拎; 上落靠Kitte入面部𨋢, 等𨋢時間有D耐; 拖住喼拎車還車唔算方便。預留半個鐘時間; 由文件到可以開到車。

架車本身行左3xxx km, 內籠正常, 正副駕真皮櫈, 揸左4日幾, 上山落山行碎石路加泥路都無話坐到屎忽痛; 係靠背位置唔多舒服, 如果本身條頸有問題, 建議加個頸枕會揸得舒服D。波棍係電子式, 呢個就睇個人手感。

性能方面; 架車有3個Mode, Eco/ Sport/ Normal; Normal 行市內, Sport 上高速; Normal 行到80 左右會有D力不從心既感覺, 但市內黎講基本上都係keep 40-80, 所以都夠用; Sport 可以輕鬆踩到80以上, 大約去到120 會有少少阻力, 不過大力踩都可以輕鬆上140。(我高速keep 110 左右) 。剎車無特別comment, 正正常常。有線道輔助功能。(其他功能無機會試到就唔特別提) 佢仲有個E-pedal 功能, 基本上係Eco mode 先會用上, 大致同純電車感覺一樣。而避震方面, 上面有提到我行程有上山落山碎石路加泥地, 除左碎石路有明顯感覺外, 其他時間就算係高速公路開得快D, 基本上都係舒適。

泊車有360 景, 泊車輔助, 基本上都好夠用, 以日本車位黎講, 只要唔係太細既停車場一手軚都係輕鬆做到。

隔音方面係非常好, 車內係非常寧靜, 就算上到120-140 既話, 基本上都唔會點聽到引擎聲或者車外既聲音。

行李箱比較細, 大約放兩個30吋 (橫放) 就爆爆地; 目測可以再放多個24 或者26吋。 2個人既話, 呢架車係岩岩好, 一家大細就唔多建議。

sienta toyota 100%

夠啦

我試過同你一樣人數+行李數
冇問題 坐得舒服

如果7個人+7件gip 係咪無咩車款選擇到

日子咁啱無？
隨手揀幾日都仲有
大

Alphard, 中後排要推前, 坐迫d

想問吓如果五個大人+五件28吋行李，租sienta係咪難搞啲？定係要直上noah voxy

Hiace 啱晒

頭先行緊福岡都市高速
踩快左，見到車導航彈左張相，懷疑係影左快相
有無師兄試過，後續係點樣？