《暗花》梁朝偉爆頭一槍冇人敢開　編劇游乃海︰杜Sir話等我嚟

由MCL戲院舉行的《香港有個劉青雲電影選》，精選了12套經典作品5月開始放映，七月二十九日是活動最後一日，而特別放映的《暗花》便邀請到編劇游乃海出席映後談，同大家分享拍攝趣事。對於《暗花》，大家都會記得結局篇梁朝偉為甩身，不惜剃光頭去扮劉青雲，但原來梁朝偉這個光頭並非為《暗花》而剃，只是韋家輝靈機一觸，因利成便。



杜生負責開槍爆偉仔

提到結局一幕，梁朝偉被人近距離開槍打爆頭死，原來當日大家都唔敢開這一槍。「因為冇乜人敢近距離開槍，對方還要是梁朝偉，結果這一槍就由杜生（杜琪峯）一句︰『等我嚟啦！』就由他去開。」


右一負責開槍的正是杜生，還有對白，只是畫面較遠未必一眼認到。（《暗花》影片截圖）

韋家輝要求「撲朔迷離」

游乃海回想創作《暗花》，主要是他跟司徒錦源拍住上，故事發生在澳門，但拍到三分一左右，故事仍未成型，加上成本問題，劇組不想再到澳門取景，於是杜琪峯先生便邀請韋家輝參與幫忙。游乃海︰「他看完劇本，覺得這個故事應該要附合四個字︰撲朔迷離，然後便重新寫過分場，又加入宿命題材及『洪生』這個幕後老闆，令戲中所有角色頓變成一隻棋子。」



剃光頭為下部戲作準備

韋生的加入，除了改變了故事的走向，連結局都出人意表。戲中講到梁朝偉被追殺，為逃離澳門，只有殺掉劉青雲。游乃海︰「最初結局是偉仔殺死青雲便完，但當時一路拍一路剪，發覺片長不夠。後來韋生知道偉仔將會到台灣拍《海上花》，這是一部清裝電影，要剃頭，於是靈機一動，便發展成偉仔剃光頭扮青雲逃離澳門一幕。」

當日看《暗花》，一直以為是偉仔為最後一幕作出犧牲剃光頭，斷想不到是韋生一個因利成便的點子。至於青雲點解一來便是光頭，游乃海解釋寫劇本時，青雲是個剛出獄的釋囚，一出來便接了這筆暗花，所以這獄中的髮型，只是這情節沒有拍出來。

另一有趣是偉仔在戲中不斷用手巾仔抹汗，游乃海表示這是杜生意思︰「起初是想表達他壓力大，狀態好繃緊，但到後來他好幾次遇險都死唔去，原來他七年以來都一直有著避彈衣，於是韋生就將他不停抹汗的原因，歸究他大熱天時都著避彈衣，這又是一個神來之筆。」


戲中的幕後策劃人洪先生，劇組一直未找到人演出。游乃海︰「直至我們剪完片去飲早茶，見到有位阿伯，羅永昌見到覺得好適合，於是找他客串一角。」（《暗花》影片截圖）

文：01

點解之後偉仔唔多拍杜sir嘅戲
剩係拍王大導

兩大導勢不兩立,通常拍完一邊既戲就唔會拍另一邊

本身偉仔同杜SIR無問題？

呢個真係第一次聽

型

扮我

幾好睇

茶樓阿伯

個主題係《香港有個劉青雲電影選》
但不停都係講偉仔 onL9

食個飯有得同偉仔拍戲

應該冇同場

呢個有啲好笑
阿伯幾廿歲人都仲可以比星探發掘咁

以前香港拍戲個手法真係好神奇
可以開拍前連啲演員甚至導演都未摸透要拍乜、點拍
個腦有個大概、同老細sell咗橋拎到水就開住機先
場場飛住紙仔拍、一路拍一路剪
到最後都竟然可以剪得成一套完整嘅戲仲要有啲上埋神檯

可能電視台磨練出嚟

係老杜先咁姐。槍火聽聞都係邊拍邊諗，好難想像咁樣拍個成品會咁勁

我覺得係錢少迫出黎，無錢做咁多前期預備
不過係得老杜咁拍都出到優秀作品

型到

當年入戲院睇（9點半）
睇完散場即刻掉頭去買午夜場再睇一次
之後買碟，前後睇咗唔知幾多次

演《暗花》嘅青雲真係巔峰（大部分時間都係冷面）
氣氛最正果場係被鎖喺臭格
自己一條友玩彈彈波仔
呢場戲，玩光暗高反差
臭格空氣瀰漫飄浮嘅微塵
加上只有彈彈波落地打牆嘅聲音
超級有氣氛

邵美琪又係演得一流
前面扮醉酒夜場知客
詐嘔，仲要俾人打
點知原來都係刀/殺手一名
仲要係比青雲（角色變成跑腿）更有有本事

反而係偉仔仲差啲果種無惡不作嘅黑警味道
不過，因為發現自己被老屈
果種由心震出來嘅驚慄感又幾自然

《暗花》尾段玩風暴下
青雲偉仔响鐵皮屋頂打生打死一幕
感覺有啲拖（因為橫風橫雨畫面無可能夠光，於是覺得有啲拖）
但係兩個人打到咁激
竟然青雲嘅死法就有啲反高潮

唯一唔明
點解杜sir拍親天林叔
大部分時間都要佢食過唔停⋯

呢個澳門一夜嘅計劃咁周詳
美琪去夜場臥底
又去咗差館栽贜俾偉仔
又放咗個死人頭响碼頭儲物櫃
然後响適當時間扮驚慌揭發偉仔車尾藏屍⋯
成個清理門戶計劃度到咁仔細
無可能係茶客洪老先生諗出來呱⋯

《暗花》呢個故仔嘅緊湊鋪排
近年港產片真係無見過
（個人觀感，《踏血尋梅》《智齒》嘅查案設計都好，但同《暗花》嘅江湖殺戳唔同層次。《鎗火》都係江湖片，但只係畫面設計高，但故仔略簡單，唔夠《暗》正）

Sor 㩒錯負皮

尋日杜sir 條新聞咪講咗
佢自己拍戲一樣無完整劇本⋯
（可能係東方荷里活（過氣）嘅傳統
五六七十年代嘅七日鮮練就一代電影人嘅驚人功力）
（照計以前拍完要等沖印
無可能风竹日就有毛片睇，再定補拍定改拍⋯
仲計當年導演其實個個都係王家衛
劇本在心中，無寫好晒出來啫）
（應該唔關電視台事呱
聽講電視台編劇
來來去去都係幾條大橋，然後換唔同人物設定⋯）

所以少d演技都唔得, 不過咁拍演員就要信哂個導演, 信佢個套work先, 導演亦要夠功夫

兩邊都固定班底。拍黎拍去都係果幾堆。仲要如果一散好難再拍同一導演