新養布偶淚痕好重，有咩方法處理？

近排養左隻布偶。3個月大左右、打左針、日日有大小便，但好多眼屎，淚痕都幾重下，想問需唔需要處理？

上網睇D 人都係話有淚痕會樣衰D , 如果唔影響健康我都唔想搞咁多野

睇錯戾氣好重

從食入手

+日日清眼屎


呢家我隻布偶無咩眼屎了

依家比佢食兩餐罐、一餐乾糧，食咩會少D 眼屎

介唔介意講下賣家同你比緊d咩佢食，最好有埋相睇下

有淚痕多啲幫貓貓抹眼、剪下眼周圍嘅毛
亦都有機會關日常飲食事
比離胺酸及葉黃素嘅supplement貓貓食下
之前試過Petzential隻L-lysine

通常係糧有問題
轉d天然d嘅（唔好食乾糧，乾糧好多時係導致淚水分泌多嘅元兇，尤其果d大牌子r字頭h字頭），最好轉食生肉
另外勤d幫佢用silver water抹眼

乾糧食INSTINCT隻幼貓糧 無穀物雞肉配方
罐罐就食汪喵星球 母貓主食貓罐 


番工番學，都係朝早同夜晚先比到罐佢食，中午主要係乾糧...

我諗住叫你易下隻貓d淚痕黎睇下係咪好嚴重

你另外再買d lysine比佢食啦，lysine對淚痕有幫助，

offtopic taurine同骨粉都要另外買，呢3樣supplement 對貓好緊要

同埋貓有淚痕有機會係唔適應環境，你係接左佢翻黎先咁定佢之前不嬲都係咁？或者可能係病左eg耳仔感染，你可以照下佢耳仔睇下乾唔乾淨。如果佢真係非常健康又有好深淚痕就有機會係先天問題搞到淚管好易塞

接翻黎之前佢仲好細好細粒，唔太覺佢淚痕。
依家佢耳仔粉粉地色，又唔似有感染。
我試下買lysine 比佢

咁可能係佢免疫力差或者食物／環境敏感，試下轉糧同埋屋企盡可能吸多d塵，塵入邊有好多致敏原，如果負擔到可以試下轉凍乾

市面上好似有d專門抹淚痕嘅紙巾，你可以試下盡量同佢抹多d，同埋上面我講嗰幾隻supplement 就算佢第時無事都應該keep住日日補充

留名睇方法
我d 貓有食牛離酸，大貓淚痕改善好多
細貓就仲有

竟然，我餵Ojien 牌子

我隻異短都係咁 比好多supplement 都冇咩幫助
但上次睇獸醫 醫生話可能會關感冒事 番去冷氣調番去24，25 度，佢真係少左分泌物

係，本身健康就會少分泌物，唔解決日常飲食就抹極都有。

乾糧濕糧本身都有足夠既lysine同taurine，我就覺得唔需要再俾，同埋之前有研究顯示lysine對感冒冇幫助。不過食多少少又唔會有咩副作用既。
我就選擇俾少d supplement等佢少d壓力，除非佢真係缺先至補。

又唔可以話d淚痕一定關乾糧事，同埋生肉又唔一定適合每一隻貓嘅
我朋友隻布偶食RC布偶糧，又冇聽過佢隻貓有咩淚痕問題

rc個成分表咁精彩依家冇事唔代表將來冇其他健康問題貓最大嘅敵人係老咗之後嘅腎衰竭
如果點都要食乾糧可以睇下連登個乾糧post，佢地個database都唔推rc