日本預備「一億特攻」之際，原子彈、蘇軍、天皇點導致日本投降，避免最大規模嘅兩棲作戰發生？丨《日本史1600-2000》

二戰尾聲，日本面對同美國明顯嘅戰力差距，喺太平洋節節敗退。如果你認為日本喺頹勢之下就一定會投降，咁你就太唔了解日本，又或者應該話，你唔了解太初存有論（天皇神話）嘅力量。
按：太初存有論出自耶律亞德嘅講法，呢度唔解釋咁多，有興趣可以睇我講《宇宙與歷史》同上一集日本史。最簡單解釋，就係支撐一個文化嘅神話。

何況當時嘅日本仲有超過二百萬軍民喺中國領土之上，仍然係一股不容忽視嘅戰鬥勢力。

喺日軍意志仍然高昂、軍事力量尚未用盡嘅情況下，盟軍已經預定以過百萬嘅軍人參與「沒落行動」，強行攻佔日本本土，逼使日本投降。

pic from:https://zh.m.wikipedia.org/zh-hk/没落行动

日本軍人亦打算下定「本土決戰」嘅決心。

pic from: https://www.amazon.co.jp/決定版-太平洋戦争⑧「一億総特攻」～「本土決戦」への道-歴史群像シリーズ-片岡-徹也/dp/4056060576
今次，就要為你講講點解日本政府喺軍人準備死戰之際，執意投降。歷史如何避免一場惡戰。

內容包括：
1. 簡介原子彈嘅歷史同沒落行動嘅規模
2. 面對連日轟炸、無力重返太平洋，日本決定宣佈「一億特攻」
3. 日本政府對盟軍勸降嘅《波茨坦公告》不作理會，被當成拒絕投降
4. 點解美國咁想盡快令到日本投降
5. 廣島被原子彈攻擊同蘇聯對日宣戰之後，日本內閣嘅反應
6. 天皇喺投降當中嘅角色

lm

正文內容
沒落行動
美國並非一開始就打算用原子彈去逼使日本投降。因為原子彈喺1945年7月初先發明出嚟、喺7月16日先喺阿拉莫戈多沙漠作史上第一次嘅試爆。換言之，喺七月之前，美國其實係無原子彈呢一個選項。人只係知道美國有曼哈頓計劃去研發原子彈，但無人預料到咁快研發成功。

喺無原子彈嘅情況下，以麥克阿瑟為首嘅盟軍司令就為咗佔領日本本土而制定「沒落行動」（operation of Downfall）（我哋喺s1ep26提過麥克阿瑟），企圖喺1945年10月嘅時候對日本本土發動總攻擊，當中有兩個計劃：
一個係10月實施嘅奧林匹克行動（Operation Olympic），目的係攻佔九州南部；
一個係1946年春天實行嘅小王冠行動（Operation Coronet），目標係關東平原。

兩個行動預計會投放二百萬盟軍到戰場，麥克阿瑟甚至估算會有超過十萬嘅美軍死亡，因為美軍喺擊退日軍喺太平洋嘅駐軍嘅時候，進攻部隊有17.2萬人，當中就有5萬人傷亡；進攻日本本島嘅話，雙方一定會面臨更嚴峻嘅惡戰。

如果「沒落行動」真係實行，應該會成為人類歷史上規模最大嘅兩棲作戰行動。

喺「沒落行動」預定嘅10月之前，美軍已經開始喺避免登陸嘅情況下，大規模轟炸日本，企圖癱瘓日本。

強貼留名學野 (對呢段歷史既認知完全黎自日本最長的一天）

牛哥講經Youtube
今集無youtube

留名等睇字

Lm

留名

我都係睇呢本先
但因為呢本寫個範圍好細
所以睇埋本範圍大好多嘅書

呢集整youtube 應該會剪死人

留名強帖

呢排多咗d post 講二戰
幾有趣
強帖留名

火焰中的日本
美國嘅轟炸機喺日本如入無人之境，表面原因係，日本失去大量飛機、無有效嘅雷達、只有陳舊嘅防空炮，只能派出兩隊夜航戰鬥機應戰。但實際原因係，日本放棄防守，儲備燃油作本土作戰以及反攻之用。

1944年6月，日本已經全面退出太平洋，而美國B-29「超級堡壘」轟炸機開始出動。美軍一開始選擇精確轟炸日本嘅工業設施，但當時嘅轟炸瞄準雷達根本就瞄唔準，八次攻擊都只能夠對目標造成輕微損傷。所以1945年初，美軍嘅科蒂斯·李梅少將就開始改變策略，決定喺B-29上面裝上燃燒彈，並且低空飛行，因為日本有好多小企業係位於居民區，呢種擁有密集建築嘅地區令到燃燒彈嘅威力得以最大發揮。3月9日到3月10日，334架B-29轟炸機出動，每架載住近6噸石油、磷、凝固汽油同燃燒彈駛往東京東北人口最密集嘅淺草地區。400萬磅嘅燃燒彈所產生嘅火焰，殺死8到10萬人。李梅少將喺回憶錄當中寫到：「燃燒、沸騰、炙烤到死」。一夜之間，淺草成為焦土，東京五分之一嘅工業設施消失，100萬人無家可歸。

pic from: https://zh.m.wikipedia.org/zh-tw/東京大轟炸

跟住落嚟嘅十日，轟炸機又飛向大阪、神戶、名古屋嘅上空。5月26日，500架轟炸機喺東京西北居住區投下4000噸燃燒彈。6月10日，2000架轟炸機一齊襲擊九州到本州。到8月，B-29轟炸咗日本66座城市，燒毀40％嘅大阪同名古屋、一半嘅東京同神戶、90％嘅青森同整個仙台。日本40％嘅工廠成為焦土、火車海運停頓、25％住宅化成灰燼、25萬人死亡、30幾萬人傷殘。

大多數日本人選擇離開城市，走到鄉下避難，造成鄉村比城市多人嘅奇怪情況。

而就算每日每夜嘅火焰燒遍日本，日本政府仍然無跡象打算投降，更喺1945年6月13日開始將所有15－60歲嘅男性平民同17－40歲嘅女性平民組織成「國民義勇隊」，用竹棍操練、沿住海岸挖掘掩體，以抵抗美軍踏入日本本島。官方提出一句驚人嘅口號，要全體日本人組成「一億特攻」，仲記唔記得特攻係咩意思？無錯，所以「一億特攻」就係「一億人玉碎的強大特攻隊」。

佢哋明知道再戰爭落去，會守護唔到自己嘅財產、住所、甚或生命，但係為咗原型（天皇），佢哋就仍然唔願意投降。

聽講天皇都係俾人鏈住春袋
佢想投降，只係D將軍唔俾佢投，好似係

Lm

Lm

lm

lm

無去過

呢篇文差唔多半年前寫 原來自己無post

有無咁受限就真係唔敢講
可以確定嘅係後期係天皇作主導去投降

有興趣都可以睇上面巴打講嗰本《日本最漫長的一天》

最後通牒
面對日本強硬嘅態度，1945年7月26日，美國向日本提出最後通牒，美國、英國、中國共同向日本宣佈《波茨坦公告》，要求日本無條件投降，否則，就會面臨「迅速和徹底之毀滅」。其實，「迅速和徹底之毀滅」並非指日本所預料嘅「沒落行動」，因為登陸作戰過程長、死傷大，並非美國所樂見。呢一個「迅速和徹底之毀滅」係我哋開頭提過，喺7月16日先喺阿拉莫戈多沙漠作史上第一次試爆原子彈。

當時蘇聯開始集結軍隊，好明顯預備要打入日本。美國為咗避免喺德國5月4日投降嘅時候，盟軍同蘇聯各自佔領德國，最後分出東德同西德嘅結果，所以就想喺蘇聯插入日本之前，就令到日本接受向盟軍投降，避免日本要喺戰後分裂，所以美國好急切想日本投降。為此，總統杜魯門喺日記當中寫到：「別誤會，我認為原子彈是一種軍事武器，我從不懷疑應該使用它。」佢願意用原子彈作為強逼日本投降嘅手段，去取代投入大量美軍嘅「沒落行動」。

雖然《波茨坦公告》充滿住強硬以及威嚇嘅語言，更喺最後寫明：「上述條件必須兌現」，否則唔會有任何談判機會。但當時嘅日本內閣並無人將《波茨坦公告》當成「最後通牒」、無人將盟軍嘅威嚇認真看待。其實天皇喺收到《波茨坦公告》已經表示投降嘅傾向：

「無論如何，總算可以預料戰爭終將結束。我想，僅此一點就很好了。儘管還有各種討價還價的空間，但原則上只得接受公告，不是嗎？如果不接受的話，戰爭還將繼續下去。不能再讓國民受苦了。」

但日本內閣認為《波茨坦公告》並無明確指明天皇投降後嘅結果，佢哋懼怕投降即係允許外國佔領軍推翻天皇制，將天皇當成普通戰犯起訴，咁就係對國體嘅摧毀。

所以，對內閣而言，天皇地位一日未確定，開放性投降就唔係一個可能嘅選項。天皇，成為政府唔願意投降嘅主因。最後，政府決定接納外相東鄉茂德嘅「靜觀」嘅態度。由首相鈴木貫太郎向外回覆個「不予置評」（大概係no comment），佢嘅用詞係「默殺」，全句大概係：「我們認為那個共同聲明是開羅會議的重新演繹。身為政府，我們認為它沒有任何重大價值。我們對此默殺。我們只管邁入戰爭的最後階段。」（結合兩書），呢一個回應其實好模稜兩可，而「默殺」亦可以譯成「不予理會」（大概係i dont care）。