30歲，加拿大定英國好？

成30歲先搵得25k既工作經驗有咩用過去轉行啦

放心 加拿大唔請男子做admin

工作應該只佔移民考慮既一部份，不過好sure香港啲工作經驗兩邊都會discount 左，如果呢部份比較唔到不如你加埋其他factors 會唔會幫到手？比如天氣，物價，如果諗住以後要小朋友既咁教育都要睇埋。

認真你啱香港多啲
由頭到尾你只考慮事業發展而完全忽視其他因素
好老實大多人向外走之後工作不如以往，以及職場天花板問題都存在
除工作以外總會有理由令人地留底
而你嘅情況勉強去到外面只會日日咒呢樣咒果樣，一年都未必捱到

諗清楚你要乜先
你enjoy香港好方便既生活，幾十蚊已經可以解決一餐飯，得閒就去下高級餐廳食飯酒店staycation，乜柒都有得食，隔一段時間就有錢去旅行，冇女朋友／唔打算結婚，唔會生下一代，重視自己career path，想到左某個歲數就有個收入，雖然香港政府不斷強姦市民意見，但如果你已經幾滿足自己生活既話，建議留港
真係好唔鐘意香港，有女朋友有共識想移而且有打算結婚生仔，但又如果冇另一半，不過接受到一個人on99生活到，或者你又好outgoing，好鐘意周圍識fd，咁去左都唔會怕孤獨，接受到人工大趺/搵唔返之前相關工作既機會，要捱一定時間先有可能有機會出頭，可以試下。
加拿大已經有好多人落左地生活左一排都不斷思考緊去留既問題，你可以自己碌入去world台放負區睇下。

真 一路剩係講工作前期
又怕哂左3年香港經驗 咁留係香港係最好

呢個人工一定係移民拎護照
英國又好加拿大又好
如果做到65歲先退休
個5-6年工作經驗重要咩

香港最好

我冇你咁既幸福煩惱，黎緊我去加拿大如果唔鐘意既就返香港。

唔係好明你係想要移民定想發展career（因為你主要講你career concern），家庭成員、經濟、喜好食物、旅行地方、興趣，你都冇提及，依啲先係移民最大concern 黎架

如果想發展career英國加拿大都唔係你首選 一定會比響香港更霉

不過，如果你係想外國休閑生活，順便搵返25k左右人工（而且甘心一直唔會上到位，好多人直到退休都搵40k樓下），咁英國同加拿大都冇太大分別

去啦
反正2-3萬人工係香港都做唔到啲咩
比無好彩買到樓都供一世
去到搵到份工都生活到
最緊要肯捱幾年

唔明點解冇咗個offer就要轉加拿大得佢一間公司?

一定係英國
至少唔洗同咁多fg同印度星競爭