咁多位巴絲打，歡迎黎到連登堂參加主日崇拜。
讓我地係靈裏面安靜，預備敬拜我地既主。
（一）宣召
利未記6:7
//6:7 祭司要在上主面前為他行贖罪禮，他所犯的一切過犯就蒙赦免。//
* （回應，詩篇32:1）
//罪惡蒙赦免、過犯被寬恕的人，
他是多麼有福啊！//
（二）詩歌
請敬拜小組。
https://www.youtube.com/watch?v=FUoqvgwTZYc
（三）祈禱
永生既父神，你從遠古就同你手所造既眾生立約，將我地睇做你自己既子民，又藉住主耶穌基督既寶血，堅立你既約，使罪得赦，又差派聖靈住係我地中間，帶我地回轉。我地憑住你既恩典黎到你既面前，願你感動我地，教導我地，使我地成聖，啱晒比你用。奉我地救主耶穌既名，阿們。
（四）訊息
今日講冇一個人中意聽既題目：認罪。
咁點解冇人中意聽都要講？因為呢個係成本聖經最重要既信息既一部分。
一係你覺得有需要認罪，一係你當緊神係講大話。
出左埃及之後，神透過摩西同以色列人係帳幕相會，第一樣係講咩呢？睇返 利未記 頭5章，就知神教以色列人獻祭：教佢地向神送禮物，同教佢地向神道歉既方法。
神派先知講既野，冇野比認罪悔改更大，正如耶穌講過，世人入面冇人比傳悔改洗禮既約翰更大（馬太福音11:11），但連佢都係為耶穌預備道路。
一個好矛盾既現實係，差唔多冇人中意係其他人面認錯認低威，但係差唔多每個人都想聽到得罪佢既人向佢認錯。
我地今日試下係大衛同佢身邊既人身上，睇下認罪係一回咩事。
上回講到撒母耳記下10-12章既首尾呼應，由派軍打亞捫人，到拔示芭前後懷孕，亦都係用「派」字貫穿全段。
A 10:1-11:1 大衛派約押同亞捫人打仗
B 11:2-5 大衛派人打聽召見拔示芭，拔示芭懷孕
…
B’ 12:24-25 拔示芭懷孕生仔，上主派拿單賜名耶底底亞
A’ 12:26-31 約押派人請大衛攻佔亞捫京城
今日會答埋個問題：成件事前後有咩分別？點解有分別？神做左咩？大衛又點回應？
（1）完整經文結構
A 10:1-11:1 大衛派約押同亞捫人打仗
B 11:2-5 大衛派人打聽召見拔示芭，拔示芭懷孕
C 11:6-27 大衛派人召見烏利亞，烏利亞刻苦，大衛派烏利亞送死
X 12:1-15a 上主派拿單傳訊息，大衛認罪
C’ 12:15b-23 上主擊打大衛個仔，大衛刻苦，個仔病死
B’ 12:24-25 拔示芭懷孕生仔，上主派拿單賜名耶底底亞
A’ 12:26-31 約押派人請大衛攻佔亞捫京城
（2）烏利亞同大衛
留意返C段同C’ 段既對應，除左重複出現既「家」（王「宮」、上主「殿」同字），「食」（連埋唔食/禁食），「死」，仲有大衛叫烏利亞返屋企「洗」腳（11:8） vs. 大衛「洗」身（12:20），烏利亞「訓」王宮門口（11:9）vs. 大衛「訓」地下（12:17），等等。
C’ 段，大衛為到病左既仔求神，唔食野訓地下，老臣僕起身勸大衛起身，大衛唔起身，為左咩？
大衛博上主憐憫佢（12:22）。冇憐憫咁殺左烏利亞既大衛，係神面前刻苦禁食，希望上主或者會憐憫下佢。呢個係心入面有神既大衛。
C 段，烏利亞唔落山返屋企，食夠飲醉都係同其他軍官一齊訓自己訓果個位，大衛叫烏利亞落山返屋企，烏利亞發誓唔落山返屋企，為左咩？
經文好有意思，淨係記低左烏利亞講既一段說話（11:11），一開口就係「約櫃」：上主住緊帳棚打緊仗，我同上主同一陣線，點可以落山返屋企同老婆訓？
當時既大衛完全冇諗過神，只係諗住借刀殺人，寫落封信，派烏利亞自己帶去戰場，交比元帥約押派佢去被殺。
咁多位巴打絲打，我地一齊黎聽上主既福音！
有冇諗過，呢兩段個大衛其實係同一個人？無論做左幾咁大奸大惡既事，神都能夠使人回轉悔改。無論呢個係我地遇到既人或者我地自己，都係幾咁大既好消息！
（3）大衛生命扭轉
對神對王忠心既勇士，就咁比大衛殺左同搶左老婆。
公平咩？神呢？神唔理？神唔做野？如果睇到11章唔繼續睇落去，我地可能會咁問。
同樣，當我地遇到唔如意既事，未去到最後一日，都未必會見到神做左既野。但神將所有野都睇在眼內，全部都寫低晒。
上主派左拿單先知去同大衛講。講左一個故事，我地細心睇下。
撒母耳記下12:1-6
//12:1
［拿單的信息和大衛的悔罪］
上主差先知拿單去見大衛。拿單到了大衛那裡，對他說：「某城有兩個人，一個富有，一個貧窮。
12:2 那個有錢人有很多牛羊；
12:3 那個窮人只有一隻小羊，是他買來養的。他照顧小羊，讓小羊跟自己的兒女一起長大。他把自己吃的喝的也餵一些給小羊，讓小羊睡在他懷中，像對待自己的女兒一樣。
12:4 有一天，那有錢人家裡來了客人；他捨不得從自己的牲畜中殺一隻招待客人，卻把窮人家裡那隻小羊取來款待客人。」
12:5 大衛聽了，對那有錢人非常生氣，說：「我對永生上主發誓，做這事的人該死！
12:6 他做出這樣殘忍的事，必須償還他所奪去的四倍。」//
基督教連登堂2023年7月30日主日崇拜：做這事的人該死！（下）
黎啦等你廿幾世紀
51 回覆
17 Like
7 Dislike
（四）訊息，續
以色列人祖宗以牧畜為生（創世記47:3），牛同羊都係財富既一部分，而入到應許既迦南地，雖然有耕田，仍然有養牛羊（有獻祭，又有相關律法）。殺牲畜招待客人（12:4），係當時文化好客既表現。上主向亞伯拉罕顯現果時，亞伯拉罕見到三個人，就好趕咁劏左隻牛整大餐招呼佢地（創世記18:1-8）。
大衛熟讀律法書，知道攞左人隻羊要用4隻黎賠（出埃及記22:1），又知道律法背後神教人行憐憫既精神，因為大衛咁嬲個有錢人係由於佢唔顧惜個窮人（12:6，譯文作「殘忍」），竟然走去顧惜自己副身家（12:4，譯文作「捨不得」）。由大衛既即時反應睇得出，佢真係覺得個有錢人好過份，如果要暫時放低諷刺咁講句，其實佢以上主既心為心。
我地重溫一下 撒母耳記下22章（又或者 詩篇18篇），睇下年輕既大衛點樣係上主面前立志：
//22:26 上主啊，你以信實待信實的人；
你以完善待完善的人。
22:27 純潔的，你以純潔待他；
邪惡的，你敵視他。
22:28 你拯救卑微的人，
敵視並貶低高傲的人。//
大衛講緊佢自己，22:1個標題就講明，呢首係上主救大衛脫離掃羅同仇敵果時唱既凱歌：「我係上主你面前信實、純潔、完善，所以上主你救左我」。
緊張神緊張既野，呢一份情操，恐怕我地冇一個人做得比大衛好。如果聖經只係記低古人既榜樣同鑑戒，我地就大鑊，連大衛都搞成咁，要跟住行善/避免行惡，我地根本衰硬。
黎到呢個位，反思一下。我同得大家講，都同埋自己講。尤其係自認靈命好既巴絲，要小心！記住大衛犯罪既時侯，仍然係好熟聖經，好自然流露到神既性情。
不過經文冇停係呢度。我地一定要睇埋神點樣回應，先唔會睇漏。
大衛通姦殺人，上主睇為邪惡（11:27）。
大衛覺得， 一個做佢做左既事既人，應該得到咩下場？「做這事的人該死！」（12:5）。
全段經文最重要果句就係呢度：於是大衛對拿單說：「我得罪上主了。」（12:13）如果我地聚焦係大衛身上，就係因為呢一句，成件事開始扭轉。
就算我地成個訊息冇野記得，呢一句都要記住。
「我得罪烏利亞了。」唔係呀，大衛唔係咁講。
「我得罪拔示芭了。」唔係呀，大衛都唔係咁講。
大衛係講：「我得罪上主了。」大衛呢個時侯其實仲作左 詩篇51篇，其中第4節講得仲強烈：「我得罪左你，唯獨你」。
我地試下認真咁諗下點解大衛咁講。
佢有冇得罪烏利亞？有，佢侵佔左烏利亞個老婆。
佢有冇得罪拔示芭？有，佢謀殺左拔示芭個老公。
咁點解大衛話唯獨得罪上主呢？暫時想像下大衛唔係猶大同以色列既王，可能會容易明D。做得王，就係全部人都要聽佢講，所有野都係屬於佢，佢想點就點，夾硬攞D野黎點用都得（撒上8:11-18）。去得盡D既話，D人民就要當個王係神咁拜。
問題黎喇。上主先係神。上主先係王。大衛得罪左上主，因為佢應該要跟住上主既吩咐做所有野，但係佢冇跟到。
罪既嚴重性，係我地成日低估，成日淡化。當我地得罪左上主爭左佢野，邊有得還？
我地要知道，犯罪既大衛仍然係我地既榜樣，當然唔係學佢犯罪（我地本身已經夠多），而係學佢睇到，得罪上主個問題大過得罪人無限倍。
當我地離開上主，對自己份人既損失，又點會同到對其他人既傷害比較？冇野可以令到我地同神既愛隔開（羅馬書8:39）。除非我地因為罪自己唔要，唔理。
咁多位巴打絲打，黎聽耶穌基督既福音！
我地靠住佢既捨身，可以同神復和。有左神既赦罪，得罪人既問題一比之下就係無限咁細，而饒恕都由冇可能變成有可能。
阿們。
（五）代禱
求神記念錫巴，使佢得到你既平安，人攞唔走既平安。
求神記念嫲絲，使佢認識到你，認識到你既真理。
求神記念無巴，使佢得到你既力量，由內而外改變。
求神記念救絲，雖然唔完全清楚咩事，但深信你幫到佢，救到佢。
求神記念不巴，做野當中常有你同行。
求神記念口絲，親自帶領佢。
求神記念落巴，無力當中有你加力。
求神記念金C親井I數巴絲，求聖靈工作。
阿們。
（六）奉獻
求獻上自己既主，使用獻比你全人、金錢、同一切合你所用既。奉你既聖名，阿們。
馬太福音5:23-24
//因此，你在祭壇前要獻供物給上帝的時候，要是想起有弟兄對你不滿，
你就該把供物留在祭壇前，立刻去跟他和解，然後再回來把供物獻給上帝。//
邀請主入面既巴打絲打將金錢奉獻，交比致力推動聖經普及教育既：
（1）信望愛 聖經資源中心 （位於台灣） https://www.fhl.net/main/fhl/fhl6.html
（2）中國神學研究院 （位於香港）https://give.cgst.edu/tc/
萬物都係由主上帝而來。
*我哋甘心情願將從主而來嘅還獻俾主，求祢悅納，阿們。
（七）主禱文
我地為到神既係我地心入面掌權，跟住主耶穌既教導祈禱。
馬太福音6:9-13
//6:9 因此，你們要這樣禱告：
我們在天上的父親：
願人都尊崇你的聖名；
6:10 願你在世上掌權；
願你的旨意實現在地上，
如同實現在天上。
6:11 賜給我們今天所需的飲食。
6:12 饒恕我們對你的虧負，
正如我們饒恕了虧負我們的人。
6:13 不要讓我們遭受承擔不起的考驗；
要救我們脫離那邪惡者的手。//
（八）使徒信經
我地同聲誦讀使徒信經。
//我信上帝，全能的父，創造天地的主。
我信我主耶穌基督，上帝獨生的子。因聖靈感孕，由童貞女馬利亞所生；在本丟彼拉多手下受難，被釘於十字架上，受死，埋葬；降在陰間；第三天從死人中復活；升天，坐在全能父上帝的右邊；將來必從那裡降臨，審判活人死人。
我信聖靈。我信聖而公之教會。我信聖徒相通。我信罪得赦免。我信身體復活。我信永生。阿們。//
（九）讀經
請聽神既說話。方便既弟兄姊妹請起立。
詩篇32篇
//32:1
［認罪和寬赦］
罪惡蒙赦免、過犯被寬恕的人，
他是多麼有福啊！
32:2 心裡沒有詭詐、不被上主定罪的人，
他是多麼有福啊！
32:3 我閉口不認罪的時候，
終日哭泣，身心疲乏。
32:4 上主啊，你日夜懲罰我；
我筋疲力竭，像水氣在盛暑中蒸發。
32:5 於是，我向你承認我的罪；
我不隱瞞自己的過犯。
我決意向你陳明一切，
你就赦免我所有的罪。
32:6 因此，所有虔誠的人
都要趁你可尋找時向你祈求；
洪水氾濫的時候，
就不至於被淹沒。
32:7 你是我藏匿的地方；
你一定會救我脫離災難。
我高聲歌頌你的拯救，
因為你衛護我。
32:8 上主說：我要指示你該走的道路；
我要教導你，時時規勸你。
32:9 不要像騾馬那麼無知，
必須用嚼環轡頭管束才馴服。
32:10 作惡的人一定遭受許多痛苦；
信靠上主的人卻有慈愛環繞他。
32:11 義人哪，要因上主的作為歡喜快樂；
所有正直的人哪，你們都要歡呼。//
阿們。多謝主賜下寶貴既說話。
請坐。
（十）報告
（1）成立
基督教連登堂於2023年6月11日成立，本會成立既目的，係希望教會可以入到大家既生活中間，因為有巴打絲打因為各種原因冇參加定期聚會，又有從來未踏足教會既慕道朋友，神想比你地知道：佢冇唔記得你地。
路加福音19:10
//人子來是要尋找和拯救失喪的人。」 //
本會無意取代地方堂會，同時鼓勵各位巴打絲打參加實體崇拜。
（2）招募
本會公開邀請主耶穌入面既巴絲打參與任何崗位既侍奉，包括但唔限於：主席、講者、讀經、領禱、領詩/讚美/詩班/樂器、統籌、招待。
有意一齊係呢D位置敬拜上主既話，歡迎落去圍爐區留返個名，或者直接 email 去 lihkg.church@gmail.com 。
（3）聯絡
散會之後，歡迎大家留低圍爐，分享見證。如果有野唔想公開講，歡迎email 去lihkg.church@gmail.com，我好樂意為你地代禱，或者深入探討信仰同生命既問題。
（4）譯本
本堂現時採用「現代中文譯本2019」作為經文，顧名思義用現代既中文，盡量寫通順既句子，比通用既和合本較多意譯，部分譯名都同常見既有分別，敬請留意。
如有需要，請參考「和合本2010」、「新譯本」、「環球聖經譯本」、「呂振中譯本」、「新漢語譯本•新約全書」、「思高譯本」等。
（十一）祝福
請同心領受祝福。
哥林多後書13:13
//13:13 願主耶穌基督的恩典、上帝的慈愛、聖靈的團契，與你們每一位同在！//
崇拜正式結束。
以色列人祖宗以牧畜為生（創世記47:3），牛同羊都係財富既一部分，而入到應許既迦南地，雖然有耕田，仍然有養牛羊（有獻祭，又有相關律法）。殺牲畜招待客人（12:4），係當時文化好客既表現。上主向亞伯拉罕顯現果時，亞伯拉罕見到三個人，就好趕咁劏左隻牛整大餐招呼佢地（創世記18:1-8）。
大衛熟讀律法書，知道攞左人隻羊要用4隻黎賠（出埃及記22:1），又知道律法背後神教人行憐憫既精神，因為大衛咁嬲個有錢人係由於佢唔顧惜個窮人（12:6，譯文作「殘忍」），竟然走去顧惜自己副身家（12:4，譯文作「捨不得」）。由大衛既即時反應睇得出，佢真係覺得個有錢人好過份，如果要暫時放低諷刺咁講句，其實佢以上主既心為心。
我地重溫一下 撒母耳記下22章（又或者 詩篇18篇），睇下年輕既大衛點樣係上主面前立志：
//22:26 上主啊，你以信實待信實的人；
你以完善待完善的人。
22:27 純潔的，你以純潔待他；
邪惡的，你敵視他。
22:28 你拯救卑微的人，
敵視並貶低高傲的人。//
大衛講緊佢自己，22:1個標題就講明，呢首係上主救大衛脫離掃羅同仇敵果時唱既凱歌：「我係上主你面前信實、純潔、完善，所以上主你救左我」。
緊張神緊張既野，呢一份情操，恐怕我地冇一個人做得比大衛好。如果聖經只係記低古人既榜樣同鑑戒，我地就大鑊，連大衛都搞成咁，要跟住行善/避免行惡，我地根本衰硬。
黎到呢個位，反思一下。我同得大家講，都同埋自己講。尤其係自認靈命好既巴絲，要小心！記住大衛犯罪既時侯，仍然係好熟聖經，好自然流露到神既性情。
不過經文冇停係呢度。我地一定要睇埋神點樣回應，先唔會睇漏。
大衛通姦殺人，上主睇為邪惡（11:27）。
大衛覺得， 一個做佢做左既事既人，應該得到咩下場？「做這事的人該死！」（12:5）。
全段經文最重要果句就係呢度：於是大衛對拿單說：「我得罪上主了。」（12:13）如果我地聚焦係大衛身上，就係因為呢一句，成件事開始扭轉。
就算我地成個訊息冇野記得，呢一句都要記住。
「我得罪烏利亞了。」唔係呀，大衛唔係咁講。
「我得罪拔示芭了。」唔係呀，大衛都唔係咁講。
大衛係講：「我得罪上主了。」大衛呢個時侯其實仲作左 詩篇51篇，其中第4節講得仲強烈：「我得罪左你，唯獨你」。
我地試下認真咁諗下點解大衛咁講。
佢有冇得罪烏利亞？有，佢侵佔左烏利亞個老婆。
佢有冇得罪拔示芭？有，佢謀殺左拔示芭個老公。
咁點解大衛話唯獨得罪上主呢？暫時想像下大衛唔係猶大同以色列既王，可能會容易明D。做得王，就係全部人都要聽佢講，所有野都係屬於佢，佢想點就點，夾硬攞D野黎點用都得（撒上8:11-18）。去得盡D既話，D人民就要當個王係神咁拜。
問題黎喇。上主先係神。上主先係王。大衛得罪左上主，因為佢應該要跟住上主既吩咐做所有野，但係佢冇跟到。
罪既嚴重性，係我地成日低估，成日淡化。當我地得罪左上主爭左佢野，邊有得還？
我地要知道，犯罪既大衛仍然係我地既榜樣，當然唔係學佢犯罪（我地本身已經夠多），而係學佢睇到，得罪上主個問題大過得罪人無限倍。
當我地離開上主，對自己份人既損失，又點會同到對其他人既傷害比較？冇野可以令到我地同神既愛隔開（羅馬書8:39）。除非我地因為罪自己唔要，唔理。
咁多位巴打絲打，黎聽耶穌基督既福音！
我地靠住佢既捨身，可以同神復和。有左神既赦罪，得罪人既問題一比之下就係無限咁細，而饒恕都由冇可能變成有可能。
阿們。
（五）代禱
求神記念錫巴，使佢得到你既平安，人攞唔走既平安。
求神記念嫲絲，使佢認識到你，認識到你既真理。
求神記念無巴，使佢得到你既力量，由內而外改變。
求神記念救絲，雖然唔完全清楚咩事，但深信你幫到佢，救到佢。
求神記念不巴，做野當中常有你同行。
求神記念口絲，親自帶領佢。
求神記念落巴，無力當中有你加力。
求神記念金C親井I數巴絲，求聖靈工作。
阿們。
（六）奉獻
求獻上自己既主，使用獻比你全人、金錢、同一切合你所用既。奉你既聖名，阿們。
馬太福音5:23-24
//因此，你在祭壇前要獻供物給上帝的時候，要是想起有弟兄對你不滿，
你就該把供物留在祭壇前，立刻去跟他和解，然後再回來把供物獻給上帝。//
邀請主入面既巴打絲打將金錢奉獻，交比致力推動聖經普及教育既：
（1）信望愛 聖經資源中心 （位於台灣） https://www.fhl.net/main/fhl/fhl6.html
（2）中國神學研究院 （位於香港）https://give.cgst.edu/tc/
萬物都係由主上帝而來。
*我哋甘心情願將從主而來嘅還獻俾主，求祢悅納，阿們。
（七）主禱文
我地為到神既係我地心入面掌權，跟住主耶穌既教導祈禱。
馬太福音6:9-13
//6:9 因此，你們要這樣禱告：
我們在天上的父親：
願人都尊崇你的聖名；
6:10 願你在世上掌權；
願你的旨意實現在地上，
如同實現在天上。
6:11 賜給我們今天所需的飲食。
6:12 饒恕我們對你的虧負，
正如我們饒恕了虧負我們的人。
6:13 不要讓我們遭受承擔不起的考驗；
要救我們脫離那邪惡者的手。//
（八）使徒信經
我地同聲誦讀使徒信經。
//我信上帝，全能的父，創造天地的主。
我信我主耶穌基督，上帝獨生的子。因聖靈感孕，由童貞女馬利亞所生；在本丟彼拉多手下受難，被釘於十字架上，受死，埋葬；降在陰間；第三天從死人中復活；升天，坐在全能父上帝的右邊；將來必從那裡降臨，審判活人死人。
我信聖靈。我信聖而公之教會。我信聖徒相通。我信罪得赦免。我信身體復活。我信永生。阿們。//
（九）讀經
請聽神既說話。方便既弟兄姊妹請起立。
詩篇32篇
//32:1
［認罪和寬赦］
罪惡蒙赦免、過犯被寬恕的人，
他是多麼有福啊！
32:2 心裡沒有詭詐、不被上主定罪的人，
他是多麼有福啊！
32:3 我閉口不認罪的時候，
終日哭泣，身心疲乏。
32:4 上主啊，你日夜懲罰我；
我筋疲力竭，像水氣在盛暑中蒸發。
32:5 於是，我向你承認我的罪；
我不隱瞞自己的過犯。
我決意向你陳明一切，
你就赦免我所有的罪。
32:6 因此，所有虔誠的人
都要趁你可尋找時向你祈求；
洪水氾濫的時候，
就不至於被淹沒。
32:7 你是我藏匿的地方；
你一定會救我脫離災難。
我高聲歌頌你的拯救，
因為你衛護我。
32:8 上主說：我要指示你該走的道路；
我要教導你，時時規勸你。
32:9 不要像騾馬那麼無知，
必須用嚼環轡頭管束才馴服。
32:10 作惡的人一定遭受許多痛苦；
信靠上主的人卻有慈愛環繞他。
32:11 義人哪，要因上主的作為歡喜快樂；
所有正直的人哪，你們都要歡呼。//
阿們。多謝主賜下寶貴既說話。
請坐。
（十）報告
（1）成立
基督教連登堂於2023年6月11日成立，本會成立既目的，係希望教會可以入到大家既生活中間，因為有巴打絲打因為各種原因冇參加定期聚會，又有從來未踏足教會既慕道朋友，神想比你地知道：佢冇唔記得你地。
路加福音19:10
//人子來是要尋找和拯救失喪的人。」 //
本會無意取代地方堂會，同時鼓勵各位巴打絲打參加實體崇拜。
（2）招募
本會公開邀請主耶穌入面既巴絲打參與任何崗位既侍奉，包括但唔限於：主席、講者、讀經、領禱、領詩/讚美/詩班/樂器、統籌、招待。
有意一齊係呢D位置敬拜上主既話，歡迎落去圍爐區留返個名，或者直接 email 去 lihkg.church@gmail.com 。
（3）聯絡
散會之後，歡迎大家留低圍爐，分享見證。如果有野唔想公開講，歡迎email 去lihkg.church@gmail.com，我好樂意為你地代禱，或者深入探討信仰同生命既問題。
（4）譯本
本堂現時採用「現代中文譯本2019」作為經文，顧名思義用現代既中文，盡量寫通順既句子，比通用既和合本較多意譯，部分譯名都同常見既有分別，敬請留意。
如有需要，請參考「和合本2010」、「新譯本」、「環球聖經譯本」、「呂振中譯本」、「新漢語譯本•新約全書」、「思高譯本」等。
（十一）祝福
請同心領受祝福。
哥林多後書13:13
//13:13 願主耶穌基督的恩典、上帝的慈愛、聖靈的團契，與你們每一位同在！//
崇拜正式結束。
感謝主
「你就是那人！」
當我地成人審判別人我時候，往往都睇唔到自己身上的罪，是常有的盲點。
當我地成人審判別人我時候，往往都睇唔到自己身上的罪，是常有的盲點。
上面無一樣野唔係靠主做
真係，好多時係後來諗返先知自己咩事。
我試得多，聽到人審判都開着警報（諗起之前既post）
我試得多，聽到人審判都開着警報（諗起之前既post）
lm
感謝巴打
呢排斷腳出唔到街，返唔到教會，所以暫時喺度返住連登堂先
呢排斷腳出唔到街，返唔到教會，所以暫時喺度返住連登堂先
多謝巴打嘅信息，無錯我的確係罪人，得罪咗上帝，求神憐憫我
靜喇
主與你同在 
也與你的心靈同在
也與你的心靈同在
又一星期啦，各位弟兄姊妹好
巴打釋經好扎實，叻仔！
微辣已死
但係有無方法擊退無惡不作嘅試家軍同警薯茄？
港豬唔出埃及，做留港撚沉迷愚樂你又點睇？
但係有無方法擊退無惡不作嘅試家軍同警薯茄？
港豬唔出埃及，做留港撚沉迷愚樂你又點睇？
冇左
變咗星期日夜晚7點upload訊息上YouTube，on demand咁睇
變咗星期日夜晚7點upload訊息上YouTube，on demand咁睇
其實有係好啲，不過我哋教會細，冇咁多人力物力
btw移民後其實應該喺當地搵教會先可以紮根
btw移民後其實應該喺當地搵教會先可以紮根
各位平安
樓主係木師？
其實都係值得反思咩係教會
我體會係
教會唔係一座建築物或者法定註冊團體
而係奉耶穌名聚集的社群
我體會係
教會唔係一座建築物或者法定註冊團體
而係奉耶穌名聚集的社群