網上流傳一段老鼠自投羅網短片，巨鼠一家八口伴隨著吱吱的慘叫聲，被緊緊的黏死於老鼠膠上，期間還上演鼠大哥在危急關頭勇救家人的插曲。捨身救鼠的光輝舉動獲得網民憐憫。
短片長約1分12秒，可見第一隻老鼠踏上老鼠膠後，幾經掙扎仍未能脫苦海，第二隻老鼠步其後塵也無法脫險。第三隻跑得更遠，但可惜仍然劫數難逃，第四隻出場時如跨欄般跳過同伴身體，最終也投向老鼠膠懷抱。
第一隻老鼠踏上老鼠膠後，幾經掙扎仍未能脫苦海。網上截圖
第二隻老鼠步其後塵也無法掙脫。網上截圖
第三隻跑得更遠，但可惜仍然劫數難逃。網上截圖
第四隻出場時如跨欄般跳過同伴身體，最終也撲向老鼠膠懷抱。網上截圖
接著登場的是一對老鼠BB，牠們不知世途險惡，天真地同步如跳遠般撲向老鼠膠。此時，老鼠膠上已黐有6隻獵物。
老鼠BB不知世途凶險，天真地同步如跳遠般撲向老鼠膠。網上截圖
鼠界出英雄
第七隻現身的老鼠看來是鼠界英雄，嘗試拯救鼠BB和身旁的巨鼠，小心翼翼在老鼠膠邊出盡力拉，卻仍無法將同伴扯離，而且累及自己也身陷險境，如陷入沼澤般一同投入老鼠膠羅網，無法掙脫。
最後出場的第八隻老鼠原本醒目地踏著同伴身體前行，可惜差錯腳被老鼠膠黐著，一失足成千古恨。
第七隻出場的老鼠看來是鼠界英雄，嘗試拯救鼠BB和身旁的巨鼠。網上截圖
第七隻出場的老鼠小心翼翼在老鼠膠邊出盡力拉，卻仍無法將同伴扯離。網上截圖
第七隻出場的老鼠自己也身陷險境，如陷入沼澤般一同投入老鼠膠羅網，無法掙脫。網上截圖
最後出場的第八隻老鼠原本醒目地踏著同伴的身體前行，可惜差錯腳被老鼠膠黐著，一失足成千古恨。網上截圖
網民：覺得係微型傢具
樓主「以一家人最緊要整整齊齊」為題上載短片，回應的網民驚訝，片中的老鼠「大隻過貓」、「大到唔係好合比例」、「咁大隻」、「成隻野豬咁大！」。另有人機警地表示「我覺得係微型傢具」，但有人指，「以前細個跟婆婆住喺黃大仙嗰啲就係咁大隻」。
還有網民好奇「果塊老鼠膠喺邊度買，咁大隻都捉到」、「其實想問下個窿可以出咁多隻」。
有網友見到鼠大哥的救鼠事蹟後感慨萬分，稱「我唔識講，但我覺得好Ｘ慘」、「同感，如果平時見到捉老鼠嗰啲片都仲好似冇乜嘢，但係呢一段見到佢哋成家大細一鑊熟 ，仲要期間一個大走去嘗試救細嗰啲走，結果都被捉埋，好似有點心酸」。
網民：我覺得係微型傢具。網上截圖
網民：以前細個跟婆婆住喺黃大仙嗰啲就係咁大隻。網上截圖
網民：細嗰兩隻好正，一齊跳。網上截圖
網民：其實想問下個窿可以出咁多隻。網上截圖
網民：我唔識講，但我覺得好Ｘ慘。網上截圖
