點解冇乜日本人投訴「最後武士」散播東方主義？

好容易令人聯想到西南戰爭，但西南戰爭守舊武士本來就唔抗拒用土製鎗炮同歐美列強輸入嘅後膛鎗，佢哋守護嘅係武士階層而唔係建基於歐美東方主義用視覺上凸顯出日本仔對刀具嘅執著

實際上幕府時期已經有唔少武士會買鎗，到戊辰戰爭嗰陣，傾向捉緊日本統治權同天皇軍對著幹嘅會津藩仲向每個年齡階層嘅男性，由啱啱出哂鳩毛嘅細路哥到鳩毛都白哂嘅阿伯都用四聖獸嘅名義編佢哋入伍，冇返咁上吓嘅編戶齊民人口普查經驗其實做唔到呢樣嘢，乜嘢白虎隊朱雀隊青龍隊玄武隊個個都有枝洋鎗同軍刀袋喺身，而且親幕同親皇兩派都有大量西洋巡航艦護港

到土方歲三敗走北海道後仲學哂法國佬嗰套共和制搞蝦夷共和國，又有選舉制又有銀行，後來蝦夷共和國俾日本帝國武統，戊辰戰爭徹底結束，之後先有西南戰爭

結果電影嘅勝元盛次變成日本版嘅 Ratonhnhaké:ton ，最終戰役變成失敗版本嘅「抗現代化神劇」橋段，一班人騎住馬抵受住機關鎗射擊發動万歳突撃然後一個接一個掃低，一個由現代化而且嘅邪惡洋人國度漂泊渡來日本、內心充斥著前半生戰爭罪行內疚感嘅軍人，俾一班野蠻無知嘅東方近乎部落社會嘅軍閥兄弟會所散發嘅「落伍忠義」，「原始豐饒」感動到，仲要教天皇應該點樣做個堂堂正正嘅日本人

都幾好睇
歷史改編姐

你又寫得幾好

西鄉隆盛本身係薩摩既人
倒幕後先反面
本身用鎗炮打完幕府再用刀劍打番明治政府？

真實歷史嚟講，薩摩後來打返明治政府都係有鎗炮就唔用刀劍、有刀劍就唔赤手空拳，兩邊都係優先用洋炮洋鎗戶射

薩摩太細所以彈藥補給唔夠政府官兵多，由於佢哋係曾經係武士（仲要係薩摩嘅劍術）而官兵都係農民出身，要觸發白刃戰嗰陣啲官兵就好似羔羊俾薩摩佬劏，政府甚至要揾返薩摩藩以外嘅舊氏族整編抜刀隊嚟鎮壓薩摩鄉勇，而「抜刀隊」後來都成為大日本帝國嘅其中一首軍歌

盛次個仔喺條街俾班平民出身差佬欺凌、剃走武士頭

呢幕反而係真，廢除武士階層嘅短期結果就係老鼠上桌

利申唔太熟 有錯請指正
我以為薩摩係多西洋西式武器同彈藥，印象中西南戰爭開戰既導火線係政府想運走係薩摩既彈藥，政府認為係屬於政府既。而薩摩既武士認為呢批彈藥係屬於薩摩自己，政府無權拎走。有次政府想偷運比武士發現左，比武士突襲。然後政府就用呢個罰名捉左d薩摩武士。係咁既情況下薩摩唯有起兵，當時西鄉好似都唔係薩摩，焗鳩住上。

拔刀隊征召佐幕派既高手參戰
變左幕末對抗重現