杜汶澤接受訪問指自己不只是台灣人更是香港人 以香港人為服務對象 又指自己唔熱衷政治

【新移民－杜汶澤專訪】
2020 年 11 月，杜汶澤告別出生、長大、成名的香港，登上往台灣的班機，《喱 Show》亦全面移植台灣，一年後創立飲食品牌《小杜良品》，賣鴨血、鵝油麵有聲有色，這幾年香港移民者眾，如杜汶澤般撈得風山水起又人所共知的，似乎沒有多少個，「好難話自己真係撈得好掂，你咁問我只能夠話我好窮。」
「真係窮？」
「梗係唔係窮啦，講就咁講啫，謙虛吓你真係信，我都知你唔信。」
移民近三年，杜汶澤住在台北內湖區一幢獨立屋，台灣傳媒的形容是：豪宅，日常在網上分享的多是在台灣的生活體驗，不時成為台媒八卦娛聞，而他本人一直無再踏足過香港，是不想、還是不能，抑或是風險考慮？杜汶澤說，是無諗過，「移民呀嘛，我暫時無需要返香港。」
很多港人移民後總帶著鄉愁如無根浮萍，杜汶澤卻似乎飄得很爽，「我都係香港人…同時間又係台灣人啦﹐你講點去定義一個人，我相信英文會準確啲，就係 base in taiwan。」
做個快樂新移民，杜汶澤有一套想法。
＊＊＊＊
「呢度有間火鍋店叫無老鍋…我上去一次要影廿張相，因為佢哋已經當撚咗，嚟台灣見到我係流動景點，鐘唔鍾意都打個卡先，好過去中正紀念堂呀屌。」顯然杜汶澤也很清楚自己的市場定位，「我嘅正職唔係演員，或者電台主持或者 KOL，我正職係搞笑」，而他要逗笑的對象，永遠是香港人，無論他們身在何處，「只要我仲係識講廣東話，對我嚟講就唔係一個大問題」，他的食品生意客源亦以香港人為主，例如增胖麵早前打入日本市場，旋即搶佔當地暢銷台灣食品榜，靠的都是當地香港人，「唔通日本人無啦啦會買咩。」
為了延續市場價值，移民落腳處杜汶澤認真諗過，「首先係睇咗加拿大先，未必咁啱我，比較啱鄭經瀚、彭浩翔個啲，可以約埋 Q 仔（黎則奮）去食好嘢」，言下之意上岸退休之地非首選，「我要搵一個，我仲搵到食嘅地方。」
要繼續搞笑和靠搞笑搵食，台灣就是結論，「喺英國我做咩生意啫，有時差，你笑人都笑慢九個鐘就死得啦。」早年曾經因口不擇言得罪人多，杜汶澤近年說自己收斂不少，但作為搞笑藝人，講到興奮處仍不改本色，「有時見到啲移民撚，學人笑鳩人，你笑阿肥媽，點知一瞓醒，家強閪咗啦，笑。」
「你臨瞓出咗個 post：『肥媽 on9』，一瞓醒，要出個 post：『我 on9』，屌你老味。」
講到尾，杜汶澤認為一切都是條件問題，人如何因應自己的條件揀出路；但不幸的現實，似乎不是人人有他的條件，可以在異鄉找定位？
「佢本來都搵唔到，唔走都搵唔到㗎。」好串，但也不無道理，「我喺英國見好多後生仔，我好支持佢哋去，佢話『杜生我喺呢度份工無前途』， 我話『你喺香港有咩屌？你原本都無㗎啦。』」
＊＊＊＊
不過話又得說回來，要做個快樂新移民，現實搵食是問題，放下香港這個心理關口可能更難過，「你唔好咁冤氣啦男人老狗。」
和杜汶澤這個訪問，地點是台灣北投一個佛學中心，杜汶澤偶爾會用來做辦事處，每個星期六，會在這裡教打坐、分享禪修，拍照時從他眉語之間，似乎多了一點祥和，莫非就是傳說中的放下？
「我只係肥咗好多。」杜汶澤笑著說，「感情創傷嘅嘢，無辦法咁易唔記得，如果你可以咁容易唔記得件事，呢個世界就無失戀啦。」他的看法簡單直接，就是既然選擇離開，就不必覺得愧疚，「你唔使驚自己唔記得㗎屌你老母，老人痴呆症咩。」
「老佛爺唔撚係日日擺係個口度俾你講，係喺個心入面尊敬，所以走咗就唔好咁冤氣，好好生活，搵錢嘅搵錢，讀書嘅讀書」，杜汶澤覺得，人很容易為自己設一些想法的圈套，移民之後都要「不停做啲嘢」，「令自己覺得自己好似好有義氣咁，唔需要㗎。」
所以，杜汶澤開宗名義，表明自己是在台灣搵食的香港生意人／搞笑藝人，「掠水就固之然，梗㗎啦，同時你食得開心、節目你睇得開心咪得。」
後記：我討厭政治
和杜汶澤的訪問輕鬆愉快，金句連連，但對政治議題他似乎興趣缺缺，甚至說自己討厭政治。吓？
「我對一啲政治議題有睇法，唔等於我熱衷政治。」杜汶澤甚至說「睇唔起」靠政治食飯的人和一眾政治 KOL，「喺我眼中，我只係一個有感受嘅人」，而他和其他很多香港藝人的分別，是他會將這些感受說出來，「因為大部分香港 artist 都係白痴，佢識柒咩，唔識咪唔講。」
結果這就令他變得「政治化」，例如很多年前梁振英的女兒梁齊昕質疑他「拍戲應該返去拍戲」，不應評論政治，「咁我去到街市，『阿姐唔該要斤芥蘭』 『你係拍戲㗎嘛，返去拍戲，買芥蘭做咩撚嘢？』」
「我都唔係好明，有咩衝突？」
但口說討厭政治的杜汶澤，又隨即比較起台灣香港，說天下無樂土，每個地方都有缺點；既認為不需要特登做些事以顯義氣，但又做了「高雄台港文化交流協會」理事長，搞獎學金予在台讀書港生，杜汶澤說原因「點講都無所謂」，只要幫到人就 ok；早前林景楠轉做污點證人，他立即割蓆，小杜良品全線從阿布泰下架。
不是不談政治嗎？
「而家係講緊生意，因為要發展網上生意，你當我第一日做訪問呀，哈哈。」
「咁呢個係商業決定，唔係政治決定？」
「唔係，係一個個人決定，我突然之間唔想喺實體店度賣。」
又吹佢唔脹，或許有些事真的不用經常掛在口邊，做好自己較實際，「學葉劉話唔好撚再話自己係黃店啦，你好食先有人幫襯㗎。」
「啱呀，Regina，Yes you are damn fucking right。」

其實佢都幾多嗲下
靜少少會好啲

接受，得閒買盒支持

最後問佢係咪政治考慮即刻又縮
杜狗真係世界仔嚟
係有啲人天真到
一直相信佢企喺我哋嗰邊

又變返香港人

本來以為又係個d讚佢文，但睇睇下似明讚暗踩

你認係台灣人就得
咪再借香港人3個字點點點

又變返香港人同篇訪問認左佢都係靠香港人做佢客仔養佢

台灣排斥移民港人時佢咪靜

佢緊係想咁 食兩家茶禮
肉撚酸 最憎呢種人

佢賣咁嘅價錢邊有台灣人買

寄人籬下有啲政治取態唔夠膽支持香港人我理解


但係做到佢咁肉酸真係好嘔心

真 奶台奶得好肉酸

王喜單野佢唔出聲咪得囉，講埋啲咩台灣無欠香港人

篇文話自己香港人同話用英文講得精確d話base in Taiwan 但明明之前話自己台灣人同come from Taiwan

見人就講人話

人地比共共 封殺時, 你地做緊乜撚野? 佢老奉要討好大家

無人叫佢講好話，但自己就咬佢恩人劉德華就話因為黃藍先咬咪顯得好笑

所以得人因果就應該千年記, 假如他日劉殺人放火, 也應記當年滴飲水之恩, 不能有道義之表態.

劉華做咗咩仆街野先？