見到最近有個火車站嘅上蓋項目商場開業，我就醒起我有個未搞掂嘅鐵路上蓋物業，所以就的起心肝搞掂晒成個項目嘅外觀設計，順便post比各位會員評價下
不過今次就唔記得搵埋班friend一齊起，於是乎我就自己一手一腳完成晒成個project，留返下個project先成班人起，不過我又順便幫個項目改咗個名：
流星花園 Stelle Paradiso
始終一個人力量有限，未必每個地方嘅設計都可以盡善盡美，希望各位比下唔同方面觀感嘅意見
用步移法帶各位遊覽下，所以第一個睇嘅地方就係屋苑入口
今次呢個私人屋苑都係有六座，其中四座係結構上相連，所以總共有四個結構物，而外觀同內園設計方面都採用木系風，特別係平台嘅休憩空間
作為一個鐵路上蓋物業，當然要比高貴嘅住戶喺私人空間享受生活，所以就設有一個infinity pool嘅泳池同綠意盎然嘅園景
順便用第一身視角感受下園景嘅其中幾個角落
鐵路上蓋物業固然唔少得基座商場，不過商場內裝只係完成咗中庭嘅開放空間
個人對香港嘅倒模商場無乜好感，所以就吸收咗Tokyo Midtown嘅設計靈感，順便整咗一個天幕，令個中庭可以喺有日照嘅時候利用自然光做燈光
唔少得嘅固然係統計數據同地圖
嚟到呢度，回應返上次各位喺臨夏邨個post比嘅comments
Q: 「好想入去參觀
」 A: 多謝支持，我哋都希望遲啲比到大家一個難忘嘅第一身體驗
Q: 「得圖冇得玩？
」 A: 好快有得玩！Spawn點工程已經達到80%嘅進度，而個server最近都搬咗去性能較好嘅新host同埋開始升級做1.19，搞掂晒plugin同地圖嘅issue之後，下次出post就可以連埋IP比各位
Q: 「大癲，有冇片？」
A: 成班friend都係唔太識剪片，而我又希望再整靚啲先整條片showcase下，所以要再俾多少少時間我哋打磨下
最後，都係嗰句，希望各位可以支持下我哋嘅Instagram page
https://www.instagram.com/nighttown.mc/
