撞車 Claim保險一問

早前比部貨Van逆綫抽頭撞埋嚟
右前門/ 右沙板/ 頭泵把/ 一隻軨 全部花/凹晒
之後對方撞咗落欄杆
差人嚟到話佢撞到政府公物冇得私了

即日口供落晒 差人話對方都認
不過即場唔太合作 報稱車cam壞唔肯比等等
不過自己有晒頭尾cam 睇到晒件事所以無問題

自己有全保 不過條熱線禮拜一先開工

想請教下各位Ching
打算返原廠整，駛唔駛自己另外再搵公正行睇咗先？抑或叫廠報價比保險就得/ 保險另外會搵人落去睇？

如果判咗屬對方責任，我嗰邊全保公司係咪會幫我追晒對家份保險？我唔介意等/比住先，不過想知係咪通常都追得晒
不過最尾NCB/ 差價/ 墊底嗰啲係咪另外再要小額錢債追佢，抑或保險公司會幫我搞埋？

中間如果要租車揸/ 搭的士/ 搭巴士火車嘅話，keep齊單係咪通常都claim得足？

感謝各位Ching解答

頸痛腰痛...

claim得足就唔好諗咁多
7-8成算唔錯
仲要成件事搞幾年

睇醫生啦，你架咩車，唔洗係咪都原廠

如果你用自己份全保，保險公司會claim咗俾你先，同埋佢會代你追討返對方/對方保險公司，但成個過程可以歷時可以兩三年，因為要經過法院判決，而呢段時間你續保係會冇哂NCD, 但如果法院判你贏，之後係可以攞返哂啲NCD, 但當中果兩三年你交多咗既保費好多保險公司都唔會退還，所以你自己權衡吓用唔用自己份保險

有買全保可以俾保險攪，整車錢要自己俾左先，NCB會扣晒，撈頂會照加，等官判完，對加賠埋錢就比返晒NCB賠交多左既撈頂錢你。

如果知到贏硬可以交俾公正行，影相800-1200，抽水20-25%，整車錢都係自己俾左先。

租車搭車單全Keep，合理既多數可以Claim足，但對家保險多數叫你打個折。

如果只買左3保就交俾公正行做。

就算你啱晒 全保只會追到90-95%左右賠償
淨低果啲要自己硬食

有頸痛睇醫生
attendance cert 都俾咗差人

車就日本幾年車
不過屋企人就話反正都要搞claim手續
想返原廠執返正晒佢

返原廠嘅話要自己食折舊

搭車嘅話，要扣返你原本揸車嘅成本，的士計嘅話你預7折啦

但都要睇返你用車嘅習慣，你本時Sunday drive開你唔好預可以變日日的士

聽你講諗住返廠
想問吓你部車有幾新？點解咁問？

因為保險賠償有個因素叫折舊
例如你部車三年，當保險公司計 30% 折舊，你整咗十萬，保險公司就只賠七萬，餘下你要自己硬食。

宜家有部份保險，有首年零折舊，甚至首三年零折舊，咁就返廠整都無咁蝕。



最後當你決定返廠整，廠會識幫你走流程 claim 全保。
1. 影低所有損傷，保留車 cam 片並 backup 好，有時啲嘢好邪，無咗條片就無咗。

2. 唔好再揸，除咗去車房，無謂俾對家藉口唔認損傷。

3. 通知保險公司發生咗事故，宜家部車係廠，廠會出報價單，保險公司會派人/公證行睇吓報價合唔合理，ok就會出開工紙整車。未有開工紙前千祈唔好整部車，否則賠唔足就自己攞嚟。

4. 保險公司會同你對數，墊底、折舊等等

5. 如果最後你勝訴，保險公司會幫你追對家

6. 正如其他師兄講，法庭未判前，你嘅 NCB 會被 hold，續保會貴咗

7. 租車睇返保險公司條款，有啲只 claim 到七日

8. 的士單，保險公司唔一定幫你 claim 對家



除咗車嘅損傷，人身損傷都有得 claim，最好事發當日去急症室睇醫生留個 record 先，再搵律師諮詢你嘅權益。

巴打你肯定冇唔舒服？ 睇下醫生穩陣啲

巴打你肯定冇唔舒服？ 睇下醫生穩陣啲

我6月頭比人撞早幾日先整返架車等保險做野都5個工作天,再等公證行影相上單...等開工紙
墊底就佢判左可以拎返....
拆舊就冇,所以點都係會唔見錢

淨係折舊都唔見左2皮幾

其實如果出街外車房都要食折舊？
純粹係車房會識點做等你蝕少啲咁解？

本身每日來回新界北-九龍
我見自己份保單本身保 租車嘅 80%、$4000封頂/ 或者 $2000 的士
係咪就算多過上面呢兩個數 最後都可以再Claim對家？

其實七年車 不過屋企人就話咁樣撞唔知有冇內傷 想返原廠就由頭到尾執好 同埋諗住會執得好啲
車而家擺返屋企車位 未動手拎去車房/廠
諗住工作日問清楚保險同喺度睇下各位Ching意見先


醫生睇咗 不過其實都係比得一兩日病假
其實有得Claim啲咩醫療費用 唔係實報實銷？

折舊嘅產生係因為你用新零件去換爛咗嘅舊零件。

如果你車房用舊件/拆車件去整，咁樣就可能無折舊

其實你係幾耐之前撞車
報左俾自己保險公司知未

其實係今日
打咗去保險公司條24小時熱線
佢叫話禮拜一辦公時間再打上Office

用邊間保險公司 Provision會有差異 處理唔係好同

想問下如果係咪一定要律師幫手先claim到Pain suffering loss of amenity

保險只會包整撞到既部分，冇撞既唔會包
唔係諗住唔關事既花凹都包埋嘛？

另外仲要計埋零件折舊
計返架車咩年份，再睇保險保幾多
如果10年8年車返完廠整絕對會claim唔足

我就係試過諗住贏硬，又唔想搞自己份全保
所以搵公證行
係就係贏晒呀
但條7頭死都唔肯賠
寧願搞佢自己個信貸紀錄都唔賠錢
預著呢d真係吹佢唔脹

跌左幾千蚊整車當買個經驗囉