致所有將來想做老師嘅同學

見到好多同學喺放榜之後都問關於做老師嘅資料（e.g. jupas 排Bed、讀咩科報PGDE會好啲、etc.），希望依個post可以盡我所知解答到大家。
------------------------------------------------------------
以下內容分咗3 Part:
1：你真係想做老師？
2：點先做到老師？
3：常見謬誤
------------------------------------------------------------
1. 你真係想做老師？

-唔同老師有唔同答案，有啲老師會好想同小朋友一齊成長，有啲老師會覺得將知識傳授比他人好有成功感，有啲老師會受到自己嘅恩師感染而想將依份心傳承落去，亦都有啲老師單純見人工高當打份工。所有答案都無所謂嘅與錯，但我希望同學可以問一問自己「點解會想做老師」，然後再問下自己「依一個初心可唔可以令你過五關斬六將成為一名比合格更好嘅老師」，無論你初心係咩，只要依個初心可以令你堅持成為一位好老師，就足夠。
------------------------------------------------------------
2. 點先做到老師？
-喺香港做老師最主要有三個方法，但條條大路通羅馬。

A. Bed 教育學士
=>喺Jupas 簡有Bed 嘅學位，比如JS4343 (CUHK B.A. (English Studies) and B.Ed. (English Language Education)) & JS6119 (Bachelor of Education and Bachelor of Science (double degree))。依啲課程會讀5年，但係畢業之後可以直接成為Registered Teacher。依類課程嘅好處係只需過Jupas 一關，唔洗擔心會唔會搶唔到PGDE教育文憑嘅位，但缺點係讀嘅術科內容（啫係中文/英文/科學/地理…）會比真正專修相關術科嘅人少因為你需要喺大學入面條讀教育嘅科目，換而言之如果你讀完決定唔做老師而決定做術科相關嘅行業，你嘅競爭力可能會比專修術科嘅人少啲啲。
*依加需要做啲咩：諗清楚上面果條問題，睇下自己夠唔夠分報Bed，最後放你想讀嘅Bed去A1，等面試。

B. Full-time PGDE 全日制教育文憑
=>教育文憑（唔係新出果隻“應用教育文憑DAE”）係另一個教育局認可嘅師資培訓課程。全日制嘅修讀要求係需要本科畢業（完成學士學位），PGDE畢業之後都可以直接成為Registered Teacher。依類課程嘅好處係你可以有四年時間決定自己係唔係真正想做老師，其間可以嘗試下去機構攞下教育經驗睇下自己適唔適合，更重要嘅係比DSE分數唔夠高報Bed嘅同學一個做老師嘅機會，但缺點係競爭極大，因為會多咗好多大學畢業、未有打算、單純見老師人工高嘅人去爭讀PGDE，亦都有出咗社會幾年想番嚟做老師嘅人報讀，唔單單只係睇公開試成績而決定你讀唔讀到，所以難度都極高。
*依加需要做啲咩：諗清楚上面果條問題，再諗諗自己第時想教咩科，Jupas簡啲相關嘅科目去A1，係四年大學入面揾多啲教學經驗（要入班經驗，私補唔計），可以minor Education，可以retake jupas 睇下會唔會考好啲想教嘅果科，增加PGDE收你嘅機會。

C. Permitted Teacher + Part-time PGDE 准用教師+兼讀制教育文憑
=>其實無讀BEd / PGDE 都可以教書的，只要有學校請你就得，依啲老師叫做Permitted Teacher。好處係唔洗競爭得咁辛苦（因為依加走咗好多老師未fill 番晒啲位，比較易揾到教席），只要揾到教席又表現良好，學校通常會推薦埋你去讀Part-time PGDE，Part-time PGDE係一個排隊嘅遊戲，只要有學校推薦你而又排到你，學院9成都會收你，而且你嘅教學經驗會比讀BEd & full-time PGDE嘅人多，但缺點亦都好明顯，學校會傾向簡一個已經接受師資培訓嘅老師instead of Permitted Teacher再薦佢去讀PGDE，而且Part-time PGDE通常係星期一至五夜晚&星期六讀，你想像一下每日教完班小朋友&比Panel照完肺，身心俱疲+有一大堆Paperwork ，仲要趕去上堂，PGDE放學仲要備課&交PGDE啲功課…而且要讀2年…
*依加需要做啲咩：諗清楚上面果條問題，然後盡力做咗上面嘅兩個方法先，依個係最後迫不得已嘅方法。
------------------------------------------------------------
2. 常見謬誤

A. 老師人工高福利好
答：想發達嘅話老師應該唔適合你，老師只係中產，係無可能發家至富的。至於福利，可以享有24小時對住小朋友、家長、功課、出卷、etc嘅體驗（有番工無放工），係唔係福利就因人而異喇。

B. 做一個好老師好簡單/好難
答：其實做一個好老師一定唔簡單，即使你有心做一位好老師，們現實總會喺關鍵嘅時候打醒你…喺香港做老師，你唔單止係陪伴緊小朋泰成長，你仲需要面對極大量嘅paperwork 、panel嘅要求、唔同嘅家長。你愈熱衷放教育，你愈會做得比基本要求嘅多。但做老師係唔係好難？又未必，番番去第一個問題，只要你嘅初心可以令你堅持到落去，你將會好自然咁去尋找方法成為一個好老師。

C. XX老師好好，我好想成為一個好似XX嘅老師
答：「喺學生眼中嘅好老師」vs 「喺教育本質上嘅好老師」可以有好大出入，依個問題到你真正讀咗一啲教育嘅知識甚至自己成為老師果刻就會明白。而且每個人都有唔同嘅性格、能力、特質，揾到自己嘅教學特色而非盲目崇拜/追隨係非常重要的。

（暫時只係諗到咁多）
------------------------------------------------------------
如果有問題可以隨時留CM，我會盡力解答。
利申：我係行Full-time PGDE果條路

老師係中產
但個中產程度同基層想像中嘅發達無咩分別
基層記得多多考慮

做得要預左國教
同埋會見到啲香港細路講普通話+鐘意大陸野
會見證住香港慢慢重投國家懷抱

個個老師都有車㗎！ 如果再加埋佢投資有啲技巧要發達一啲都唔難！ 我中學有啲老師呀係住 新界的村屋 (過千尺)有車有個戶外bbq場

今時今日仲做老師一係真藍一係港豬一係支那豬
耍唔係就淺黃但為錢跪低
深黃冇可能會做落去寧願轉行賺小D都唔會死頂

炒左dse要上pt degree一定做要入班既 AT / TA
一黎你對住班好弱既細路就會知自己係咪真係想做老師，二黎你會學到野or知你到時要點處理一班廿幾三十個學生

你唔係根正苗紅既，
你預年年簽約、年年無得升，
高薪福利厚，早已安排比三粒星都無，
英文唔識26個字母，繁體唔識睇，
但肯無憂無慮洗人仔女腦既人

而家仲做老師 要教國安法 = 教壞人地仔女
教育局已經講明 國安法要融入各科目

過到自己良心is ok

香港地想做中產都唔易啦
講乜撚發達
洗唔洗咁驚人爭飯食劈頭就話發達唔關人事
想做老師都係安安穩穩架啦

我深黃
你柒咗

讀咩科同你出嚟做咩無關係
夠分就讀bed
唔啱教書出嚟再搵其他工
讀完5年教育學院嘅薰陶
soft skill仲勁過bba

常見謬誤

老師人工高福利好

有咩謬誤入職point17 跟point 升

自己上左岸就勸阻人

呢兩年做老師要多謝移民潮

同樣之後要面對殺校出生率不足就真

至少供樓 年年換iphone 買名牌 周圍去旅行都無壓力

仲要學校有車位（抽車位）養車又平一截

樓主離地L

計劃書就要寫國安教育融入各科
但實行既時候都係睇靠前線既老師

到時有cam
睇下點教

就算未咁快 憎你嘅學生 可以偷錄你上堂講過嘅野
一有少少問題就淨cap 一段
之後去舉報

唔計啲廢人拉低
出嚟啲人都係搵緊三萬四萬

班教畜身在福中不知福貪得無厭就望啲搵緊十幾萬嘅director然後話發達唔關自己事

公道d講以家呢個年代做得老師都一定係大學生
係睇都睇呢張最低個行

有cam 先講啦

基層覺得pt15以上的工叫發達
中產覺得pt15只係中產入門

兩公婆都教畜

想問一下pt pgde難唔難入，係唔係有教席都可以入？dse雞，打算讀engine，以後可能去教elective

PT嘅話要喺一間學校入面做T位/AT位/TA位+學校薦你去讀先可以報，聽過有人排隊排咗幾年都未讀到，因為最近幾年太多無PGDE嘅老師要排隊補讀…，但係上年年尾政府話PT黎緊幾年會開多啲位，但係要留意係你讀完4年undergrad之後露能已經fill up得7788，而且好似幾年後有殺校潮。