Youtuber孝仔Mario旅居系列做得好差

佢每分鐘諗嘢都唔同㗎喇

睇完佢條Q&A真係火滾，當初佢哋決定移民加拿大唔係兩個人傾過之後嘅共同決定咩？佢哋之前係响英國、澳洲同加拿大之間揀，而英國同澳洲佢哋都有stay過一段時間心入面有個底，但最後都決定去加拿大，當時都幾surprise，而我會理解為佢哋呢個決定係有經過大家溝通、分析之後嘅共同決定嚟

跟手個男嘅去咗幾個月就後悔，覺得嗰邊大悶唔啱自己，一句唔該就拋低個女朋友响嗰邊，自己就返嚟拍旅居片，美其名就係話搵到拍片方向，兼想改埋三分鐘熱度性格，但本身呢個決定就正正係佢三分鐘熱度促成，成件事都幾可笑

同埋佢臨走前水Momo開自己channel，由零開始，佢就繼續用舊channel，當時佢話覺得咁樣可以等Momo有返自己風格去拍片係好事嚟，依家諗返其實係佢一早就有呢個諗法，水咗Momo開channel，佢自己跟住走人就可以手握舊channel 個subscribers base嚟拎廣告收入去support佢返嚟「旅居」

其實呢段關係都睇得出momo付出好多，個channel有今時今日momo亦最少有一半功勞，當然兩個人感情事冇得去計數咁計亦好難講對錯，但mario自己成日都把口都講momo付出好多好有功勞，既然係咁就真心希望你可以善待呢個陪咗你咁長時間嘅女朋友/partner

佢都講明10月返去加拿大幫momo搬屋兼處理私人物品，咁都幾可肯定佢唔會再留响加拿大，如果係咁希望佢可以好好同momo道歉，講真咩到時拍片交代都係多餘，某程度上都係俾佢自己一個落台階啫，真係想有返啲承擔似返個男人嘅，就諗吓返到去點樣妥善處理同momo嘅關係，諗吓點樣可以令對方嘅傷害減少啦

睇Momo嘅片，都感受到佢用咗幾多努力去融入加拿大生活同埋令自己變得更好，但同時從佢IG字裡行間亦感受到佢心理同情緒上好大困擾，背後係咩原因唔使多講啦，

最後只係想同Momo講，愛自己多一啲，好好過你加拿大嘅每一日，希望你好快搵到需要嘅安穩

港豬人渣一件
咁樣撚個咁鐘意自己既女仔

呢條仆街含家產有曬計劃當momo condom
當初幾年己經話要幫momo 拍個intro
拍到分都手埋都冇整落去

Can’t agree more

個感覺就係利用毛毛教佢影咗好多靚相
同埋當其時幫手拍片，建立左自己嘅Channel
然之後三月嗰陣時叫佢自己開一個
之後自己走咗去
美其名就話互相成長
實際其實就係賣甩佢

仲有之前口口聲聲講到要追求啲片嘅質素
跟住而家就話冇sponsor就唔出片
因為拍片都要成本
跟住又話因為而家個潮流係要快
所以啲分鏡變到好快
咁先多啲人睇
佢而家完全係為咗流量做
佢完全唔係做緊自己鍾意嘅片

Youtuber 爭取流量
我冇野好講
但係佢唔應該成日包裝自己係有要求
令人好反感

講到底就係極度自私

屌呢個真係好搞笑，由此可見Mario對呢件事究竟有幾上心。退一萬步講就算momo話算唔洗整都好，呢個channel都係兩個人既channel，有啲良心都會拍翻個兩個人既intro掛

你老母都搶人條仔

真，之前好似有條年度回顧有分享係做流量高既片定自己鍾意既片，個時仲信誓旦旦話一定係做自己鍾意既片。你再睇下最新個條既q&a，真係好撚虛偽

加拿大呢邊啲學校嘅study permit holder都可以申請gap year, 但多數人只會take for summer sem only
不過喺加拿大境內唔可以返工

都幾醒
食左個channel 之後就可以周圍玩下拍片"旅居"
真好賺

佢宜家個look好MK

你講起我都記得🙈🙈🙈🙈

但幾好睇喎

雖然我都覺得孝仔幾仆街
但我唔覺得呢個channel 係佢兩個一人一半
講真 會睇得出有Mario 個人風格嘅片會好睇過 兩個加埋嘅片 而佢地個channel啲views都愈做愈低 愈黎愈霉
到分左家 你會發現佢地拍出黎 啲idea同個flow都係Mario 順好多 momo啲片同channel霉唔係無原因
佢兩個都有宣傳 但momo啲片 由idea到佢個人表達能力都有待改善
拍片最緊要係個idea 同個表達手法 能力 flow而唔係點樣影到幾靚幾靚 所以Mario 佔個channel更高 而一開始個channel 都係佢自己名 自己吸人訂閱 都有啲啲成績 中期先加毛毛
講真 呢個年代已經唔係訂閱數高就得 啲片有人睇先得
大把訂閱數高但低views過數YouTuber
至於感情野 就由得佢地 分手呢啲 佢地自己決定 我係旁人無咩興趣加把口

信誓旦旦 古天樂真係唔係無道理

佢仲話收錢幫人剪片

條友一直唔肯拍新片頭，根本一早plan好搣甩momo或者話佢嘅計畫一直都無momo，只係當佢SP+工具人
希望momo十月唔好俾佢嚟分手Q

依家個問題係佢呢個人令到啲片唔好睇 我見到佢就諗起佢嘅自私佢幾咁不負責任 你可以做到睇片decontextualise 呢個人本身 淨係睇到影片入面嘅拍攝手法 題材等等 我唔得 相信好多人都唔得
好多嘢如果撇除嗰個人嘅人格 背景 之前做過嘅嘢 其實咩都得 美心都好多嘢好好食啦 但都大把人唔食
問題係 佢呢個人作為條片嘅其中一個最重要嘅element 我唔可以好似你咁ignore 咗佢 同埋佢做得YouTuber 作為公眾人物 就要對佢平時所作所為負責任 接受批評 接受人哋對佢有期望去改㗎啦 但係佢嘅表現就係Don’t give a shit 一句講晒 蔡明孝 垃撚圾

俾自己男朋友割韭菜

其實係，view數已升，理撚得網民諗咩

其實佢啲旅居片我都無點睇 睇左一條咁多
而佢兩個一齊拍嘅片都愈黎愈唔好睇瑞士之旅個views低到呢 佢地係加拿大做ig live我反而有睇晒
但佢做左咩 令佢人格破產
當毛毛係工具人？ 佢地有講過大家會幫大家剪片 多數唔會剪番自己拍嘅footage
你話留毛毛一個人係加拿大好仆街 聽落我都覺得係嘅
但毛毛接受咪得 或者佢要被逼接受 但關我撚事咩 睇條片都要照顧埋YouTuber 感受
現實係 分左家 對個channel有好處 都翻緊生
但我就唔識欣賞佢旅居系列

其實好明顯毛毛係做攝影師叻 對鏡頭 構圖 幾有sense Mario 係拍片 諗橋 做幕前叻啲 睇佢地簡科就知佢地取向係邊其實

去加拿大嗰排反而係人生低潮
咁英國呢

好撚虛偽條Q&A

條新片係咁叫人subscribe 佢個channel
支持佢周圍吃喝玩樂 WTF?
到底佢努力左係邊 憑啲咩要班觀眾養佢
雖然感情問題唔關外人事
但真係有啲睇唔過眼佢dum低momo一個自生自滅
虛偽 極度自私既人真係冇咩興趣再睇
已unsubscribe

最多人關心有無分手
佢老母又拖下條片