就算係全香港最勁嗰個人教你，你心態未準備好，其實未必幫到你。說到底，你點學點準備先係最重要，接下來想講講收到比較差嘅成績，你可以有咩準備
1. 你覺得自己準備唔夠，定係臨場失手？
2 準備唔夠
2.1 邊一份卷準備唔夠？
2.2卷一
> （範文）係咪無背熟？
>（範文）會唔會係純背但無了解過範文入面架構同可出題方向？
>（白話文）平時明唔明佢講咩？
>（白話文）平日拎唔足分時有無睇清楚自己答案同MARKING之間嘅差別？
>（文言文）有無了解過解文嘅基本方法？
>（文言文）做PAPER時有無多留意文言文題目嘅TIPS？
2.3卷二
>（記抒描）有無研究過描寫手法同題目關係？
>（記抒描）有無準備好唔同題材立意同昇華嘅步驟？
>（記抒描）有無背好自己準備嘅句子／修辭／橋段？
>（論說文）有無溫熟古今中外例子？人／事／語？
>（論說文）有無準備過推論步驟？
>（論說文）有無試過用說話題目去鍛鍊論點說服力？
2.4卷三
>（綜合）有無研究過四枉評分嘅細節？
>（綜合）了唔了解整合同拓展嘅分別？見解論證同整合拓展分別又係咩？
>（綜合）有無分析過lv3,lv4,lv5,lv5*,lv5**嘅差異在於邊度？
>（綜合）有無背定實用文文言字詞／四字詞修飾字句？
24DSE 作為新制第一屆，過往改制第一屆都會放水，呢個都可以參考一下。
實用文同綜合分別不大，所以只要你知道如何準備綜合，難度其實係低咗嘅。
反而閱讀卷同乙部作文競爭更大，需要準備更多去突圍而出，呢點都要考慮一下。
3 臨場失手
3.1 到底心理壓力從何來？
個人建議：先定一個時間（例如一個月）解決心理壓力嘅來源，唔好諗點準備DSE先，就算你點準備都好，準備途中或再考嘅時候，就會好似創傷後遺症咁再次將你擊倒，搞清楚自己心理壓力係邊度嚟。
問多自己三個問題：
3.1.1 究竟係驚緊咩？
3.1.2. 係有人／事好影響你？
3.1.3 可唔可以擺脫到？
以上嘅問題如果你有一半都無考慮過，你中文科仲有可能升分，你未盡全力又點能夠認輸呢？
上面嘅問題亦同時係一個溫習嘅方向，你可以跟住每一份卷，每一個問題去制定你學習計劃
不過Retake唔係唯一出路，要睇返自己嘅分數同埋意向
唔少科目都可以靠ASSO駁上去/HD畢業都高人工穩定再補返個ＤＥＧＲＥＥ亦可
但假若你決意RETAKE，就請你抬頭把視線放在天空，AIM HIGH，FLY HIGHER
成日有人話中文科靠運，其實每一科都靠運，越努力嘅你，越幸運！
唔好因為放榜成績而去決定你自己嘅價值，年紀尚小，自己價值嘅仲有一年、兩年、十幾年、幾十年比你去決定！
無盡全力嘅比賽，永遠都未打完，只有心裡認輸了，才真的輸了。
RETAKE用你一年，入錯科係一世。
歡迎有咩問題再問我，
希望幫到大家
利申：2021DSE 兩個補習學生由大Grade 3升5*同4升5*（前者閱讀4升5** 作文2升5 綜合3升5*；後者作文2升5*）
2022DSE 補習學生總成績lv3上5**
呢幾年都幫過Retake由3升5同 細卷lv1升5*，仲有好多Retake成功例子
揀啱方法學 中文科都唔係想象中咁困難
加油
