喇，A1呢就搏啲，A2就揀個同自己分數差唔多既，A3就揀個穩陣啲既，咁你就確保一定有offer，揀得唔好呢，隨時大學都入唔到架～
你又有冇諗過點解佢地要咁講？佢地講既野究竟建基於乜野事實基礎？
可能你地六年中學以黎都冇睇過，我地一齊睇睇JUPAS其實係點玩既：
https://www.youtube.com/watch?v=E0LWl2I7jbU
哇屌成十五分鐘，飛機都打到幾架啦，撚洗睇你條片咩。
都知而家啲後生仔冇耐性架喇，俾個懶人包你啦：
每個課程會根據各自既計分方法，將所有報左名而又合資格既申請人，根據得分高至低排序，而呢一個排序並不會考慮申請人既志願，即係Banding A1-E20
補充兩點：
一）計分方法唔係直接等於你DSE既分數，仲要睇埋該課程有冇科目比重，考慮你面試分數之類，大家應該都明白
二）合資格既意思指：
一）符合學位最低收生要求（即係你報大學學位就要有33222）
二）符合該院校最低收生要求（例如中大、港大規定只收BAND A，或者有部分課程規定要BAND A先有面試機會，如果你唔擺Band A就好大機會直接俾個科排除）
而每科會按自己既學額劃線
即係如果課程A係收100個人既，就係最高分既頭100個劃條臨時取錄線
如果課程A對個100學生而言，已經係最高志願，即係頭100個都擺佢做A1既話，就會收晒個100個
俾個例子大家，如果有位學生Tommy仔擺課程A係A2，課程B係A1，而佢既成績都同時足夠俾兩個課程取錄，咁系統就會編佢入課程B，唔難理解丫夠分一定係睇Banding先。
但係本身課程A都收佢架喎，咁個學位俾邊個？系統就會自動將條臨時取錄線向下移，俾返排第101位既學生，如以類推。
只不過，如果Tommy仔唔夠分入課程B(A1)，夠分入課程A(A2)，點算？
佢會照入A2，因為本身佢已經係取錄線入面，無論佢排Band幾，亦都無論有幾多個其他人擺左個課程做A1，只要Tommy仔比班柒碌高分，佢都會被取錄。
所以，最簡單最簡單咁諗：
如果你夠高分，擺幾後佢都係收你
如果你唔夠分，擺幾前都係冇人收
一個你比舊年UQ高三四分既科，唔洗擺A3架，因為就算你擺係E20，你夠分都係入撚硬。
咁點解你要用一個A3位，放棄其他你爭得到又有興趣既科？記住一個位就係一個機會，唔好輕易浪費。
好多老師其實都冇做足功課就教人架，點解佢地會講返一開頭個段說話？
因為佢地以為大學聯招同中學派位一樣，志願行先囉，柒撚懞懞咁
