小王子畢業袍攝影室黑店 - 大伏 *各位就黎畢業嘅同學仔請小心

我真係好後悔而家先知道有呢個post
雖然好瘀但係我覺得我有責任share我嘅經歷

我上幾個星期同班同學仔因為貪平團購買小王子嘅畢業袍,
質料差都預咗㗎啦但係披肩嘅色差令到我畢業禮當日係好尷尬。
我哋團購嗰班同其他人嘅顏色有好明顯嘅差別, 我爸我媽都話我件披肩有啲肉酸。
喺會席坐低嗰陣時先知大鑊 件袍嘅cutting好奇怪,會箍住對腳所以要抽起件袍, 搞到每次起身同坐低條披肩都會走曬位, 因為唔熟呢行所以唔知點解釋...總之冇理由會坐到好似木乃伊咁!

就唔好講嗰件垃圾畢業袍住, 影相嗰邊仲激氣!
冇計都又係怪我貪平, 初時上到去影樓都覺得幾大幾靚, 好多人排隊等影相...

可能係太多人嘅關係, 攝影師好求其咁同我全家影咗一個鐘頭之後就有一位sales大咗我哋去另外一間房s坐低同我講影相package。 其實影緊嗰陣時我都知唔對路因為免費影相點會幫我影一個鐘呢? 其實影相之前我都有問咗幾次影相係要幾錢, 但係嗰度啲職員一直都話唔使心急一陣會有人詳細咁解釋畀我聽... 諗返轉頭其實係迴避緊我嘅問題, 其實佢哋一直唔肯透露package嘅價錢係有原因因為真係太撚貴! 一般嘅同學仔聽完一定會走, 但係佢哋嘅營銷手法就係等你影完之後令到你少好多理由去唔要啲相。

聽完啲價錢之後真係畀佢嚇親...
10張相要二千幾蚊四
10張相要四千幾蚊
七千五百蚊就會有曬所有Softcopy同埋包一個好cheap嘅相框( 淘寶應該唔值30蚊)!

其實你又會問點解我呢條水魚係條咁蠢嘅水魚呢?
當時家人有兩個老人家喺度, 好辛苦先至可以一家人上嚟影相, 雖然冇做research但係都冇諗過影相嘅package會貴到咁離譜。最大個伏就係呢啲價錢永遠唔會喺網上或者宣傳單張裏面見到,
只見到嘅就係好平嘅畢業袍同埋免費影相, 嗰二百蚊嘅留位影相費都唔會講 (留位影相要留位費仲點會係免費呢?) !

呢位sales hard sell嘅情況下我屋企人畀佢遊說最後畀咗7500蚊 ( 張單據我仲keep住 )其實我老豆都已經想撳住我阿媽叫佢唔好買, 但我阿媽喺不知情嘅情況下俾個sales氹, 話出面其他影樓影相都係咁貴同埋冇佢咁多景, 佢仲係咁話老人家咁辛苦上到嚟影咗咁耐梗係要買多啲㗎喇...
最後我媽用咗佢嘅積蓄畀咗7500蚊買佢嘅package C。我同屋企人喺嗰一刻畀佢hard sell嘅情況下真係唔夠定力,買完之後其實我哋個個都好後悔.比較個出面影樓嘅價錢同埋package都冇佢一半咁貴, 質素亦都唔會輸蝕好多,有啲仲靚過佢。

我寫緊呢個post到而家我都仲未攞到我幾個星期前影嘅相. 所以就好奇上網睇下有冇其他同學仔有相同嘅經歷. 今次真係出事見到咁多同學仔話收到個相非常之唔值同埋唔會精修。

我同我家人真係畀今次嘅經歷激死. 同期嘅同學仔去咗其他畢業袍店去幫襯 都冇我咁唔開心嘅經歷. 千祈唔好好似我咁做唔夠research, 盲中中咁上咗去做水魚。

真係唔好貪平 …最平嘅永遠都係最貴

真係好後悔去咗呢間咁嘅黑店
大家千祈唔好再幫襯小王子

有其他好似我咁嘅經歷可以喺度搵到：
https://lihkg.com/thread/2584648/page/1
https://lihkg.com/thread/2224511/page/1
https://ladies.discuss.com.hk/viewthread.php?tid=27789876

#小王子畢業袍黑店 #小王子畢業袍大伏 #小王子營銷手法有問題 #小王子畢業袍奸商

10張相要二千幾蚊四
10張相要四千幾蚊

?

$7500 wor

呢間野不嬲伏 用免費5張呢個噱頭呃人上去影相
影完成個鐘頭之後先同你講成七八千蚊一個package
唔買又唔好意思 年中唔小水魚就咁送錢畀佢洗

俾錢人影畢業相咁戇居咁嘥錢

有幾可翻睇啲相，咁自戀
一街都大學生，ive HD又有畢業袍

講左成幾年
google求其search都有伏
仲可以有人中伏去影埋相
攞左件野就好走啦

絲打好慘
利申受害者幫推一下 真係cls

#小王子 #小王子畢業袍 #小王子畢業袍黑店 #小王子畢業袍大伏 #小王子營銷手法有問題 #小王子畢業袍奸商

所以話自己或者屋企人冇自制力嘅，就千祈唔好貪佢個影相服務

人哋又唔係強逼消費嘅，但係自己/屋企人一定要夠定力囉，一係就唔買，一係買一兩張算數

push

兩年前本來我淨係買個plan係二百幾蚊影幾張就走

佢夾硬迫我留咗喺度影咗兩個鐘頭，最尾我一張都唔要，錢都冇畀到就冇再覆佢哋

$7500成家人都冇人話到事咩？一聽就知on9先會比啦。揾個屋企人邊走邊屌 其他一齊跟著走咪得

要推到上報，係咪呢間？

推 中過伏

推 中過伏

係

當年顧客
袍好好彩冇事幾靚仔
相我自己冇去影但朋友影左
仲俾左9000買package
理由都係因為約哂成家影相好難得所以照買
我就咁聽都鄧佢肉赤

團購過呢間
因為無諗住影畢業相 所以攞袍個陣直接推咗佢個免費影相
之後間唔時星期六日朝早就會打嚟叫我快啲約時間影相

上咗去調戲完個妹豬sales跟住直接走

會報東張？

.

推

幫推

只係唔明
成日話唔好意思唔買
你上去前都預左係免費，點解最後人地叫你比錢你就比？仲要唔係一個平既價錢

去gym買30年會藉、美容院比人sell幾十萬package個啲人本身都冇諗住做水魚架
所以係話佢手法好有問題囉

無圖講經咩