召喚lihkg所有學神/P牌巴絲 (111)

咁方便

油塘最難係啲路人
屌佢老母紅燈都衝出嚟

一緊張好易死火

緊記：
停車步驟
爬點/cut線步驟
開車步驟

練熟啲就得

推
如果想2轉1 嘅話需唔需要好快？
有時又唔想停車純粹收慢

考定練？
油塘好多廢老

有冇人真係做到每一郁個呔就望鏡
法國好易拉親

ching 平時應該少練條腰同膊頭

毒撚對電腦邊洗做體操
但好奇怪 我每次扭呔都會郁埋極力子個位
搞到明明時快時慢

不過真係要望鏡擰頭唔洗下下扭軚都做既
係開停車 過線 過燈位先要姐 正常行車最多幾秒望一次左右鏡就夠
係咪講緊泊位掉頭果陣?
我師傅教就吊岩極力子就鎖死個肌肉唔好郁 用右腳break 去控速

2波都可以好慢⋯ 唔駛轉一波。

一波通常只係想上斜夠力（所以轉返上忠義街時一定轉一波上。）

或想係平地或上斜時吊極力子用。（例如，塞車、開下、停下、開下、停下。）

如果你想減慢，直接用2波都ok。因為可以直接用2波停車。

而落斜係唔可以吊極力子！

點講好呢
我油塘返試場過完迴旋處
咁右轉嗰陣前面架車行好慢
我開始feel 到架車係咁震

高波轉低波要預返一架車車位？

哦。
其實係咁，你即係要吊極力子控制車速。咁就要轉1波啦。

我唔會計一個車位定兩個車位先轉。
只會預計個情況。
例如，如果知道前面開始塞（好似你要入迴旋處時），咁可能係相對遠嘅距離時已經減慢車速（例如唔俾油或俾少少brake），到引擎轉速差唔多低（我少睇咪錶，通常聽引擎聲同埋感受車速），就轉一波。轉完冇耐就吊極子慢慢控制車速，可以慢到溜前。
如果要停，就Brake、極力子一齊踩。架車就停曬。
如果路面Ok，就鬆極力子，俾啲油快過，再轉返2波。呢個情況就好似入迴旋處前架車慢溜，見冇車，就即俾油入迴旋處。一氣呵成。

今朝考廢牌1 take過
希望各位巴打都順順利利

點睇個師傅最後一堂先話三手掉頭每一手要拉手制

我喺新觀駕考b部係要咁做
每一手做完都手制空波

拉埋又冇壞嘅

換咗師傅有教到呢點
棍波車個優點就係用極力子控制車速
踩高踩低咁

窄路調頭嗰part 真係教得好好多

不過唔知係上一個師傅教錯定我記錯
成日都會空波先手掣

基本上所有停車就要拉

佢一開始話預停十秒先要

其實拉咗係保你唔溜前/後
同埋俾隻腳休息吓

次次學完車對腳好似操完腳咁

十秒定三秒
正常多過三秒就要唔係就肥

如果空波先手掣，入空波時，架車嘅制動只得你隻右腳踩緊嘅Brake。咁你隻腳有乜郁動，架車就會溜前、溜後。

如果手掣先空波，你架車就會有腳Brake、手掣lock住架車。之後先入空波。就算你隻腳有乜郁動，手掣Brake都可以好好咁鎖實架車。安全好多。

一定要記實係「手掣、空波，手掣、空波」。

我師傅頭幾堂，次次停車都叫我「手掣、空波，手掣、空波」。要我記到入腦為止。

平常正線，因塞車而咁做，都冇乜問題。

但如果你三手軚中，你咁做嘅同時，又要望三組鏡加盲點。成件事咁複雜，你唔拉手掣，阿Sir會覺得你心急，安全意識唔夠。

如果顧得掂咁多動作，都還好，否則唔覺意做錯一個步驟，都幾危險㗎。

知道
但有時拉晒手掣架車都會郁啲啲
搞到都唔知係咪拉到實晒架車

老撚都大大力拉左先 確保真係拉實哂 唔係一次溜後就係咁先
架車又唔係你既 唔洗同佢咁錫車喎