如果對港大精算 JS6729 有興趣可以入一入嚟，有啲咩想問呢？
可能有用嘅資訊：
1. DSE有幾多分先好嚟讀？
At least 數學M2兩科5*，唔係會讀得好辛苦。
如果唔鍾意計數，千祈唔好入嚟！
依度係計數，唔係Proof嘢，鍾意數學嘅建議讀數學系
2. 值唔值得入？
基本上想做到精算試，考試係不可缺少的一環
只要你見到人哋IG去旅行嘅時候，都肯拎起部iPad溫精算試，已經贏咗大部份人
如果肯用你人生嘅五至六年不斷考試，基本上就可以50k以上，睇你肯唔肯取捨
而家HKU有SOA (美國嘅精算學會）UEC可以豁免四份卷（In total SOA 有總共九份卷），可以話真係易行好多。(SOA Pass Rate 平均around 50% )
HKU都有IFoA exemption（英國嘅精算學會），可以豁免6/13份卷。（讀埋Master就only剩返兩份卷要考）但係IFoA出名難pass rate 低，所以可以話冇人行呢條路。
（IFoA Pass Rate 平均around 40-45%）其實仲有CAS（美國嘅精算學會，But for General Insurance），不過香港冇咩人做General Insurance，大部分都係做Life，所以冇乜人考
留意依家SOA CAS 得兩份卷 (P FM)重疊，所以最好盡早決定做Life / Non-Life
3. 難唔難讀？
見仁見智，有見過好多人高分入去都讀唔掂，又有見到掹車邊嘅人讀得好好（甚至Dean List）。
不過要預咗人哋BBA求其讀都有 A range，你就死做爛做都得B range
；隨時唔做精算想轉返出去，GPA都唔夠人鬥
。。。4. 畢業情況
依幾年多人移民，所以entry level空缺比較多；不過啲大project都wrap up 緊，唔知道會唔會爆和；留意2022年HKUST開咗Actuarial track
, 加上香港都有好多offer Actuarial Master 嘅大學，所以隨時每年都有成300個人同你爭Fresh grad 位。聽講依家市價大概24-28k，平均入行都有4-5份卷
5. 男女比例
大概7:3，但係唔好咁高期望
6. Appendix: FM BB 未必睇得明，不過有興趣都可以睇吓其實讀緊咩
其實學咁撚多野就係學緊點幫一件保險產品定價。
*: 重要‼️(VEE / UEC)
Year 1:
a)讀下啲Econ*, Acct*, 基礎Math course,
b) 基礎嘅Prob&Stat (出名難同多人fail）
c)一科計吓present value, bond, duration嘅Stat course*
Year 2:
a) Life Con I (based on mortality 計下Insurance, Annuities, Premium 幾錢）*
b) Prob&Stat II (計吓MLE, Cramer Rao, Confidence Interval etc.)*
c) Corporate Finance*
d) Stochastic (計吓Poisson Process 排下隊，Brownian Motion 點fing）
e) Derivatives (期權, Forward, Interest Rate Swap, Black Scholes Merton Formula, Delta Hedging）
f) Linear Models (Linear Regression), Time Series (Predict吓啲stock price點fing)*
g) Python (Programming)
Year 3:
a)通常第一個sem會gap sem去保險公司/諮詢公司做Actuarial Intern（有啲公司會出return offer，不過極難）
b) Credibility Theory and Loss Distributions (公司有粒公數，咁我哋會睇吓個policyholder 有"幾可信"，睇吓用幾多公數，用幾多policyholder嘅experience；繼續MLE, 都會學下點estimate Mortality Rate）*
c) Life Con II (Life Con I 嘅黐線版）
d) Statistics for Risk Modelling (學下啲machine learning method，撚下R) *
Year 4:
Core course:
a) Risk Theory (計吓Deductible, Policy Limit, 學下a,b,0 discrete distributions etc., 睇吓risk measures (Value at Risk, Tail Value at Risk, CTE etc.)) *
b) Financial Econ I (Binomial Tree, Black Scholes Formula and Equations, Interest Rate Models, Hedging etc.)
有啲free elective 揀吓：
a) Further Contingencies （新名係Advanced Actuarial Modelling) (學下embedded options, options 喺保險產品嘅應用）
b) Fundamentals of Actuarial Practice (actuarial control cycle, 會有個project去設計一個insurance product)
c) Pension (新名係Life Con III) (計吓退休金）
d) General Insurance Reserving and Ratemaking (General Insurance 包括旅遊保，車保 etc., 睇吓methods on determining IBNR reserve, loss development etc.)
e) Financial Econ II (Measure Theory, Brownian Motion, First principles 咁derive Black-Scholes)
唔自爆
