飲茶日
當日有幾個舊同學出嚟，其實氣氛都唔錯，可能大家耐冇見，有講有笑，同一般聚會冇分別，都係講下近況果d野，到果個老闆同學講近況，一開始講公司先，話之前公司好多同事離職（睇返佢仲Po過上Fb放負）
新請既人又好快走，生意又轉差，同埋之前開左個新品牌3間鋪都冇咩生意，想用另一個方法營運，目標要做到特許經營，之後又講下屋企，一開口就直接話同左個小三生小朋友，大家都呆一呆，因為佢冇Po過自己小朋友嘅野去Fb。
我：吓！咩話？小三？
老闆：係呀，生左兩個月，遲d帶個b出嚟比你哋玩。
我：咁老婆知唔知呀？
老闆：知呀，我定期比錢佢就得，佢又覺得冇問題。
同學A：係邊度識呀？
老闆：落bar飲酒識
同學A：有冇諗過離婚？
老闆：因為佢曾經幫過我事業所以唔捨得離婚。
同學B：搞d咁既野呀，你hand唔handle到兩邊呀？
老闆：而家多數理小三同個b先，有時間先陪老婆。
同學C：佢以前唔係咁架，讀完個課程變左咁，仲搬返去屋企人附近住，都唔知佢痴左變條線。（同學C係佢出生入死好朋友）
老闆：係呀，有個獅子會朋友叫我讀，本身都冇興趣又冇時間，因為有個會友讀完變到人生好積極，咁我就去讀，讀完覺得課程幫左我，幫我諗通左，做人就要有目標同諗方法去解決，我覺得你哋都要讀下，可以幫到你哋，個課程有3個階段，第1個係講突破，蛻變仲有個唔知係咩，年幾前讀已經唔太記得。
同學B：咁你好忙喎，仲邊有時間搞壇生意？
老闆：所以都想搵人幫手，仲諗緊點好。
大家都知佢入過精神病院到有自己生意呢個人生經歷都好經典，估唔到而家再黎多個大轉變，飲茶變左記者會咁，大家都將焦點放晒係佢度，佢又問下我哋做緊乜，之後就同我同同學C講...
老闆：不如咁，查理斯王子同呀C過黎我公司幫手，比幾間新鋪你哋打骰，一齊拍住上，實現夢想。
同學C：我唔啦，上次同你講過，做左咁多年野唔想轉環境。
老闆：咁你呢查理斯王子？
因為我咁啱搜集資料準備去洗腦課程做記錄所以知老闆果個係洗腦課程所以都唔敢講太多，但又想了解佢同埋公司發生咩事，因為原本好地地，
點解公司生意轉差？
點解同事係咁離職？（包括高層）
點解要同小三生小朋友？
點解同屋企人關係好左？
所以我就決定套佢料，睇下有冇機會記錄一個上過洗腦課程既老闆會唔會受到影響。
我：乜咁睇得起我呀，但要再傾下詳細想點幫你先，我自己都忙緊好多野。
老闆：咁搵日上我公司參觀同傾下囉。
我：好呀。
返到屋企我就問同學C
