nathan同jessie件事搞成咁，其實有daddy issue嘅女仔有冇得救？

廢老IT狗 2023-07-17 03:33:57

睇到啲對話搞到好卑微咁
成班連登仔都話好女仔
但同時又一班話佢堅持揀垃圾mk抵死
然後比人話blame the victim
其實呢個pattern都見唔少

睇返啲資料好似又係單親老母帶大
一係老豆本身係渣
一係老豆走咗佬
呢類女仔都通常性格都幾善良
（起碼係對一般朋友方面）
但都真係特別易沉仆街仔船
特別易比人pua
對住啲pk仔付出所有
然後搞到自己勁卑微

識過兩個
本身啱啱識嘅時候都覺得係好女仔
比條垃圾困係啲toxic relationship入面
覺得勁可憐
明明對感情好認真

後尾兩個都同咗個對佢地好好嘅毒撚一齊
一個冇乜嘢但好似將感情放得好輕
我起初以為只係年紀大咗
冇以前咁戀愛腦
直到佢同我講話對條仔冇心動感覺
話見返條垃圾
發覺自己仲係最愛佢
覺得果個就係佢最重要嘅人
（最慘條毒撚同條垃圾係fd嚟）
著咗舊鞋都算
估唔到條女仲有呢啲諗法…
我做樹窿嘅都忍唔住叫佢清醒啲
然後佢仲覺得條友渣
係因為佢當初唔好搞到佢變渣
所以後來溝幾條女都玩玩吓
覺得自己有責任要幫佢變返好男仔
無論係咪同佢一齊
但點講都好
你講最愛佢果陣已經心理上出緊軌啦
要對條垃圾好
咁你有冇諗過你身邊果個
我最後只係叫佢諗清楚啲嘢再做
有啲傷害做成咗好難回頭
有啲嘢錯咗亦都唔到你後悔

另一個仲離譜啲
直頭帽埋條毒撚仔
比條pk仔係咁pua
條垃圾講緊已經公然溝緊其他女
然後佢都仲話係佢唔想結婚
比唔到人地想要嘅嘢人
唔怪得人哋
依家唔要佢，會覺得對方好慘
到佢真係溝到自然會放手
開頭又係覺得佢好慘
比條垃圾撚狗咁撚
當初我講咗勁耐先勸到佢放手
飛咗條垃圾佢
每次都好地地
然後每次唔夠一個星期
就比條垃圾cool返煲
如是者玩咗幾個月
條仔溝到條新女
一個屈後十飛撚咗佢
仲話對唔住冇認定過佢
已經認定咗條新女
果次佢又喊撚到豬頭咁
我心諗點解果陣點解唔好地地斬纜
係要比人撚一輪再當垃圾咁掉先高興
後尾知道佢同咗條毒撚一齊
好錫佢，個地位完全反轉
條毒撚搞到自己勁卑微
但原來一路都同條垃圾藕斷絲連緊
條毒撚頂帽戴到落腳指尾
直到有日佢終於比條pk仔block鳩埋
我先知呢壇嘢
佢話會暪呢家條仔一世
但會好好咁比返佢想要嘅嘢佢
當係保護佢
然後你老尾一年之後
我見佢果一排又心情低落
諗住開解吓佢
結果同我講
每次一個人果陣
都會諗起同果個人開心嘅日子
會諗當初唔分人手係咪就唔會搞成咁
會諗繼續一齊嘅日子會幾開心
話同佢一齊係日日都咁開心
同其他人冇呢種感覺
諗諗吓仲會喊出嚟
講到好深情咁
仆你個街
旁人一睇就知你比人pua
比舊屎你食你都開心㗎啦
然後我閙咗佢一獲金
之後就疏遠咗好多
都冇再搵我傾過心事
但以我所知佢依家都仲同個毒撚一齊緊
亦都如同當初同我講咁
盡量比佢想要嘅嘢佢
會同佢結婚亦都對佢好咗好多

我知好多人身邊唔係最愛果個
有個人係心入面都無可厚非
但都唔係擺件垃圾吖…
你諗吓你最疼錫果個人
當係公主咁呵護嘅人
原來心入面一路最愛嘅
係當初凌辱佢
當佢係臭四
搞到佢勁卑微果個人
你又會有咩感受

btw果兩條毒撚客觀條件
其實仲好過果兩件垃圾小小
除咗mk啲識pua佢哋
我都睇唔透鐘意佢哋啲乜

睇親啲片
都話daddy issue係red flag嚟
想搵認真關係最好回避呢type女仔
但每次見到佢哋嘅善良比人利用
見到明明唔係佢哋錯
係佢哋老豆造成嘅心理創傷
搞到佢地唔識愛自己
搞到傷害哂愛佢哋嘅人
對佢地好就好似搵自己笨柒咁
可以做嘅係咪淨係得回避？

jessie好可憐
鐘意件垃圾
連人哋當佢atm都會甜笑
最後比人撚到內心崩潰
連條命都冇埋
雖然未必有咩用
但真係好想同呢班人講
好好學識愛自己先
呢個係愛任何人嘅前提
如果盲目去追求被愛
其實只係係度打緊獵
易得到嘅你就睇唔上眼
難得到嘅你先當係寶
我知講經好多時都冇咩用
如果有巴打有實際成功經驗
希望分享下
anyway

唔好比你童年嘅傷口影響你一生
合埋眼，諗返起細個果陣嘅你
當初果個小朋友或者好無助
覺得自己唔值得被愛
抱緊佢
同佢講一句
「無論點我都會咁愛你」

我唔知你哋睇唔睇到
但如果你哋睇到
呢個係當初某個毒撚樹窿
想同你哋講
而又冇講到嘅嘢
對唔住我唔係一個好樹窿
個故事我都有修飾過

塵剎 2023-07-17 03:35:32

tldr

用手機由頭碌到落底都要2秒