經歷過1980-1990年代尖沙咀請入

一片旗海

東記、斜路、凱撤、新花都，仲有最出名嘅大富豪同中國城

以前 ikea 向而家 dutyfree 個位。

以前有中國城大富豪

香港皮草

以前𡃁仔年代剛出黎做野裙埋班浦鬼，七點零點八點放工成班就先食晚飯，跟著落機鋪邊打機邊等其它人，等齊人就先去附近 apollo caton hot grossip 呢三間 disco 巡迴，邊間好玩就留耐 d，冇咁好玩就轉場，到左三點零又約好另外剛放工既 friend 浦另一轉，五點零就去堪富利士道食豬骨粥，通常黎親呢度食野一定又撞到剛剛浦完既朋友，跟著又雞啄唔斷又 social 一大輪，冬天都還好 d 冇咁早天光，夏天就一天光就要飛返屋企訓幾粒鐘八點起身又返工，如是者高峰期係晚晚都係浦到天光。

好細個嗰陣去過

巴打真老鬼, 有冇成日撞到陳百強

陳百強呢 d 應該落 dd 多，應該唔會點過海浦。

尖東老泥妹

曾經賺得多過Pizza Hut 嘅連鎖薄餅餐廳，但已經離開香港市場多年，喺美國都收緊皮
https://youtu.be/BbI3zOm2BkE

以前尖東出奇老鼠上層餐廳下層係遊樂場，有碰碰車玩，通常溝得掂條女坐隔離一定可以食硬波餅。

八九十年代海港城用米色咖啡色主調，再茶色玻璃，雖然昏暗但好好feel，尤其自動行人通道會經過一列向廣東道茶色玻璃窗。

天祥百貨有2層，87年新年有一層間咗個地方做迷宮，消費滿若干就可以入去玩，盡頭有個財神同你講恭喜發財，仲送張彩色電腦相。87年電腦相係用帶打印，一粒粒印喺電腦A4紙上面。

地下有未第一次撤離香港嘅無印，啲嘢勁貴但人山人海。

disco勝地

以前多酒吧, DISCO, 夜總會, 所以都幾雜
以前落D成日見人打交

我冇經歷過80-90年代尖沙咀
我而家30頭
我十幾歲嗰陣試過喺尖東盪失路
見到有間舖頭 門口好神秘
有d女著和服喺門口招呼緊一班男人入去
因為我望到少少裝修 裝修都幾豪華
而家諗番起應該係夜總會 應該係香港最後一間高級夜總會

正確地點我真係唔記得
但一定記得係尖東同埋間舖出面有的咪錶位

落過幾間D都撞過蔡一傑, 佢真係會出舞池跳舞, 個人都幾NICE幾玩得, 同啲人攬頭攬頸一齊跳舞

半島中心地庫嗰層，90年代係開滿晒電腦舖頭
嗰陣想買 notebook ，全香港睇咗好多地方
喺半島睇咗部 Epson ，386SX 4MB 20MB 灰度 LCD ，講價講到 $19000
極度掙扎，個 sales 話我行出舖就冇呢個價㗎啦
不過最後都係冇買

後來電腦舖摺下一間摺下又一間，不過有一段頗長時間，入面都仲有四五六間，到咗而家好似只剩番唔知一間定兩間，個場變到噏噏耷耷，一浸茶樓霉地氈味

去加拿芬道金星打完機再行去厚福街街尾食車仔麵加碗番薯糖水
俱往矣

嗰期尖沙咀都係陳惠敏話事

離地鋪其實係睇你收入而定

名店區一樣係名店區
90年代廣東道海港城都一樣係比西人行
星光行地下仲要賣古玩同中藝

尖東夜總會時代咪又係離地
老闆先入到去玩

荷東 Disco

來到尖東蒲
去邊間Disco

以前帝國中心有戰棋研究中心

以前華懋戲院播社團教育電視

以前尖東有夜總會例如BBoss

八十年代尖東好多嘢比細路, 一家大細多.
尖東玩完食完就行去海運, 有玩具反斗城, 記憶中大過而家起碼一倍, 總之一落第一條電扶梯, 左手邊已經係反斗城入口, 右手邊就係超大間嘅歡樂天地...