長期鼻塞，去左台灣做手術

是咁的，我長期鼻塞，試過哂噴鼻、洗鼻、中醫、天灸都冇乜效。上網research過鼻中隔手術之後已經決定會去做手術。

本身諗住喺香港私家醫院做手術，不過受依個post啓發，發現台灣手術技術似乎更好。

飛台灣做耳鼻喉睡眠窒息手術分享(執香港ENT醫生蘇州屎)
https://lih.kg/3392651
- 分享自 LIHKG 討論區

一番research之後，最後決定搵台灣最勁嘅李達人醫師做，佢最出名就係小S都係搵佢做鼻中隔手術。

喺長庚醫院國際醫療中心嗰網留左資料之後，極速收到回覆，畀左基本資料同我個情況之後，即日醫師已經睇左我個case同confirm可以去台灣做手術。醫院有個案管理師會幫手安排行程同答問題。問左需要留台灣一個幾禮拜之後，我就買左月尾機票。

台灣行程

星期一，門診見李醫師檢查，然後各種手術前檢查(CT, X光, 抽血)，再門診見李醫師一齊睇CT圖，confirm第二日就做手術。

個案管理師喺醫院全程陪住，負責哂所有行政程序包括各種排隊同插隊，所以唔使半日就搞掂所有野。

星期二，手術，全身麻醉，唔使住院。

星期三，覆診，醫師清理鼻入面分泌物，基本上已經可以用鼻呼吸。

之後Week2 嘅星期一、星期二覆診。本身星期二醫師冇開門診，但因為我第二日就返香港，所以佢特登借同事門診房嚟睇我。

手術費用：50萬台幣。門診同其他檢查：3萬幾台幣。

感受
如果你想手術效果最好，搵李達人係最好嘅選擇。佢手術唔止係鼻中隔同鼻甲，仲包括鼻閥重建，我research喺香港做嘅手術完全搵唔到依樣。而李達人有寫文章講鼻閥其實對鼻塞好有影響。本身以為要住院，但發現李達人做嘅case大部分唔使嘅時候都有啲驚訝。咁都証明佢對要做嘅case有信心，唔會有大出血。

有問過個案管理師，似乎唔多香港人識搵李達人做手術。所以分享我嘅經歷畀大家，如果有保險或者負擔到，而想搵個最好嘅醫生做手術，絕對可以考慮去台灣做。

留名 ! 巴打

係咪斷到尾?

啱啱先做完手術，答你唔到

至少宜家個鼻好通。

香港試過做，岩岩做完個鼻通到太勁，少少頂唔順。
半年後打回原形

恭喜巴打、最緊要一次過做得好
鼻閥重建已經偏向做返好鼻孔個型狀 ，同擴大個空間?呢啲複雜啲鼻整型，應該無邊個香港私家會做．有做夾埋都應該會貴過搵李達人

之前同你交流過話做翼管神經阻斷術，最後我上個月尾都去咗台中慈濟醫院．佢有位醫生專做鼻敏感手術，價錢平好多，只收咗二萬尾港紙．
不過全程無人幫，自己左穿右插不同部門麻煩少少
(專科姑娘有少少態度)

飛台灣做鼻敏感流鼻水手術分享(翼管神經切除/後鼻神經切除術)
- 分享自 LIHKG 討論區
https://lih.kg/3435700

同一個手術長庚張伯宏quote 我成8萬．

睇到你個價錢，諗一諗如過唔經國際醫療中心，而走去佢哋醫院個網約見醫師，跟local 條隊，只不過張單係自費．可能個價錢會平好多?

搵左最勁嘅醫生做，如果都咁快打回原形，我唯有認命

50萬台幣好貴下
呢d簡單野就算去到新加坡應該都搵到教授級做
你本身鼻敏感?

我又係長期鼻塞

我有保險可以claim到大部分，所以冇諗咁多。

經國際際醫療中心，佢會當VIP，全程係咁插隊。而且臨尾覆診嗰日唔係門診日，都係因為係VIP，醫生先特登睇我。

李達人出哂名先咁貴，其他醫師應該平啲。如果冇保險的話，我都未必搵佢做。

李達人都係教授級，因為佢做鼻中隔出哂名先咁貴

想問兩邊專科training時間有咩分别，真心想知

見到呢個post即刻鼻塞

留名

巴打其實係咩病而長期鼻塞？

我之前長期依賴安鼻靈，點知搞壞咗個鼻（醫生話說明書寫明唔可以用超過七日，我仲要長期使用，超過七個月）

當我停藥，轉用另一隻鼻藥，即刻斷尾

請問係咩鼻藥？

鼻中隔彎曲+鼻甲肥大。物理性阻塞，好多人都有，只係程度問題。我個case係嚴重，影響生活，噴鼻冇效(因為根本藥噴唔到入入面)，所以決定做手術

想問下巴打係買邊隻保險,黎緊都想去台灣開刀

公司group medical. 買保險問題要搵返相熟人士