[ViuTV] 2130-2230 全民造星V (137) 7月16日十強總決賽 導演曾偉樂正仆街

如果我自殺死咗，我絕對唔希望我阿媽或阿姨或密友將我生前與男友的私人對話公開俾人睇，更何況係俾全港大眾睇。
另外，向女朋友借錢或攞錢，係啱？係唔啱？關其他人乜嘢事？有冇人知道前事及後續？佢之前有冇俾過/借過錢俾女友？佢有冇諗住遲吓還？大家知唔知真相？就算佢真係諗住借錢唔還，係人格有問題，又何須大家咁興奮去指責？
而向女朋友提出分手，更加唔到外人議論。佢係想和平分手，佢話”please let me go”, 而女方唔 let him go, 誰是誰非，兩個人的私人感情糾纏，有必要公諸於世嗎？
無錯佢選擇參賽成為公眾人物，令大家彷彿自覺有權對佢嘅事情發言，但除咗個別人士識得正面客觀去發表意見之外，好多人係發瘋地一見到有料爆出，便急忙擁上去踩一腳，用惡言譏諷（甚麼”賤呢”,”乞兒”), 人身攻擊，無質素又無品！網上暴民呢個名詞，所指嘅大概就係呢類爭住走出嚟判罪Nathan 的諸君各位！