佛牌討論（正牌）13

請都可以 個價唔算好離地

唔知點解覺得請供奉型
係要天神/佛先正路,唔會請神獸類
例如:牛,猴 哈努曼,山羊個類

有冇師兄有供神獸類?

哈努曼 應該係猴神嚟喎，同神獸應該唔同類？

的確有分別,我指可以放下身個類
又唔多見有師兄供山羊,財龜個類

天神/佛/魯士就見得多,想了解下點解唔供姐

岩岩入左尊哈樂，都幾靚仔呀

等巴打佩戴感受

上面先有位師兄話請咗好多冠蘭

哈奴曼猴神係天神

我都有，感覺唔錯
今年入手好選擇，上年拍賣又係炒，之後最平版本見過500幾

哈樂都應該好近期，不過同意之後唔太值得

抽嘅，係捉人貪心嘅心理，俾幾百蚊，最平版本都有塊牌，萬一係銀係金呢

其實同款嘅牌，你要一塊就夠，同一個師父，同一年，同一法會，同一法相，你要多過一塊，其實就係貪

用貪嘅心理嚟賣嘅牌，幾遠離佛道

其實哈樂都有d問題,好似分2562,2563版

只係無之後個堆咁難分,極懷疑阿贊速整牌無破產個模

唔多信個堆聲稱加拎十年,十五年

正常僧人出牌極少情況係咁

呢堆牌點睇唔似10年15年

師兄講得好好 學佛就係要息滅貪嗔痴

其實出家師父好少講溝女同搵錢，好似龍婆貴話唔會窮，你要睇佢嘅背景，當時泰國係好窮，所以師父指嘅唔係大富，係唔需要再愁生活，有基本保障

佛牌落左馬下神尼法，其實係令人親近你，照顧你，唔係溝女，唔係個個女人會張開腿咁解

佛牌係方便法門，有一定功能，令你有信心，同時解決你問題，等你有時間學佛

請牌強調功能無可厚非，大家都係普通人，但講到自己戴牌信牌，唔供陰，就係行佛道，就諗多左

同時，盲盒連講求信心，集中供奉一塊牌嘅功能都冇，而且加持時間唔長，量又大，目的不純，我當係宗教背景嘅紀念品

抽盲盒本身對我嚟講已經係動咗貪念，所以我從來唔會請

最慘係，師父本心可能係好， 只係想幫寺廟籌錢，同埋滿足善信嘉持嘅要求

好似龍婆匹，啲牌法相多到，又cute版又盲盒，啲牌商仲話佢係龍婆登法脈，其實都係利用師父嘅慈心

但問題連當地寺廟都會出盲盒係供請處比人買

佢地自己都接受左新模式,我好反對盲盒,事關未見一個盲盒包有特別加持/材料

有時候啲理事搞，佢地拎左師父個名搵錢

多啲人知咩事，唔好請就得，冇人請就冇人整

依加網上面個個澤渡金嘅post，都係講幾靚，幾罕有，叫人博特別版，賺錢都俾返少少食相

搞到俗晒
本身係澤度金信徒都咁話

十年前炒龍耐，師父圓寂左就轉阿贊速，只能夠話，澤渡金嘅特性，好適合牌商操作，全面，又冇四面神咁多人識，冇鷹神必打咁單一功能，又冇拉胡嗰類會有禁忌

師兄想問問拉胡有咩禁忌？

不能講人是非

想請教吓師兄 我見澤度金嘅牌上面都有拉胡
咁有無拉胡嘅禁忌？