點解我地會比美國超越左

清朝之前古代每個朝代我地都係no 1，點解會比美國超過

你講咗答案 就係因為清朝

No.1係咪學校教你？

美利堅船堅炮利
你幾時超越過人地？

有冇睇過黃飛鴻 芝麻功夫再好都敵唔過洋槍

清朝喺歷史上只係屬於踩多一腳嘅角色真正嘅元兇係蒙古帝國。蒙古帝國之前嘅宋朝係中國文明最優秀嘅時期，由當時嘅茶具、茶藝水平可見一斑，好彩後來日本人抄咗過去日本，形成今日嘅日本茶道。但宋朝嗰個點茶法係屈曬其他文明嘅茶藝，只係後來蒙古鐵騎征服之後失傳咗。去到明朝退化成泡茶法，即係我哋今日沖茶嗰種方式。

宋朝喺書畫、陶瓷，以至貿易、金融發展亦係歷代之冠，中國歷史上冇一個朝代嘅對外政策及得上宋朝咁開放。

蒙古帝國唔單止毀滅咗中華文明最精彩嘅部分，亦同時終結咗伊斯蘭嘅黃金時代，自從蒙古人攻破巴格達嗰一日，伊斯蘭教喺歷史上再冇領先過耶教，伊斯蘭教開始漸漸變得封建，守舊。

蒙古帝國征服其間亦運用咗原始生化武器，就係將死屍用投石器拋去城牆另一邊嘅敵人，呢種瘟疫攻城法十分成功，呢種瘟疫喺歐洲漸漸變種成黑死病，最後殺滅歐洲超過三分一人口。

蒙古帝國對人類文明嘅破壞不可計量。

原來係咁 我中學中史得半個學期 真係唔熟

因為當年美國登月接觸到外星人
聽講2024年,美國會再次登月
登完月之後,科技亦會再次起飛

任何一個朝代的文化都沒有科學發展的空間，因為總有套哲學強迫人接受，根本容不下求真的思想發展，一個思想沒有自由的地方是注定墜落。

我哋現代華人，不論係海外定海內，對於皇帝嘅印象往往係明清時代嗰陣留落嚟嘅印象，就係皇帝可以一個人話點就點，掌握生殺大權，一個人可以推翻曬文武百官嘅意見，邊個再嘈就斬邊個。事實上喺蒙古帝國之前，皇帝嘅權唔係大家想象中咁大。

蒙古帝國之前嘅中國皇帝，其實真係比較似歐洲嗰種貴族勢力同君權互相制衡嘅情況，雙方都無絕對優勢可以話曬事。

唐宋時代嘅廷議風氣就非常流行，文武百官自己傾完再交俾皇帝決定又得，皇帝又可以俾意見交俾文武百官討論又得，重點係朝廷最大嗰幾個官，例如係首相（宰相）一致同意之後，可以將皇帝嘅敕令駁回，即係話唔係皇帝話點就點，當中原因就係朝中龐大嘅貴族勢力令到皇帝有所顧忌，蒙古帝國之前嘅中國朝代嗰種運作同歐洲嗰種其實差唔多。後後明清時代嘅中央集權亦係中國歷史上最強勢嘅時期，呢度又係另一個故事。

我哋係邊個？中國？香港？定乜嘢？

你應該認識明朝時對理學的爭論，對於那時的人來說，最熱衷研究世事的學者，世界觀都是被儒學扭曲。
無論是甚麼思想，都必先套上某種哲學解釋才去研究，這是由統治者控制思想帶來的後遺自發文化問題，是思想控制的間接專制，不是直接的表像可以解釋。