婚展搵photohub紐西蘭婚攝 負評
間野網上冇乜comment, 等我嚟寫第一個
負評
香港攝影師同化妝師問題
Package包左香港都影左輯先,可以學下啲影相姿勢先喎
但香港個攝影師流到不得了
揸住一部fujifilm機就係到影
結果收相嗰陣就呆左,因為張張都唔得
可以影到人都out fo
啲光線一時太白 一時太黃
啲角度又係奇奇怪怪
根本都揀唔落手
個化妝師又係好差
似係妹妹仔啱啱上完堂嗰啲
對眉畫極都係唔對稱,要自己之後再落手畫
啲假眼睫毛出左studio落到街行左一分鐘,就已經開始甩
好在紐西蘭嗰輯先係main dish
香港嗰輯真係收係櫃桶底算
NZ拍攝:攝影師掂,化妝師好唔掂
NZ攝影師好得,啲相影出嚟都好靚,唔洗執都靚
但可惜,個化妝師係大陸女人
個妝化得唔好睇 好老 好娘
啲婚紗晚裝未著好,佢全部都冇提我
全日嘅跟妝,就淨係食完飯補左個唇膏
換髮型又淨係由紥起上嚟變放番落嚟,30秒完
地方拍攝問題
係婚展佢會show好多靚相出嚟引你join
Join完先會知好多地方都影唔到
因為啲地方距離好遠
而拍攝起點又一定要係queenstown出發,所以可以影嘅地方其實唔多
如果想影某啲地方而又好遠
一係要比double價錢join兩日
一係加錢租直升機飛去影
收費問題
佢食水深就一定架啦
開比唔同新人嘅價都會唔同
又會扮到free左/平左比你咁,等你覺得有著數,但實情就係都係貴
日後亦有隱藏收費
例如啲衫只可以租幾日,遲左還就要每件每日比多100蚊,分分鐘又要比多幾千蚊
租車又會分日頭拍輯同夜晚拍攝收費
想同啲動物影相嗰啲又係海鮮價,有時千幾蚊,有時幾千蚊
負責人ixe wxxx問題
好似得一個負責人咁,咩都係佢聯絡
所以佢覆機係超 級 慢,慢到以為係詐騙公司
香港攝影師化妝師同nz化妝師有問題同番負責人Ice講,都幫唔到
因為佢只會跟合約做,唔會理佢搵啲freelance嘅質素
所以,想去NZ影,直接搵當地攝影師好過
唔值得比Icx xxxg/photohub賺中間的差價,因為冇乜服務質素可言