(AV女優Event遊記) 6月咁熱去日本見11個女優+少量美食+夜景

有吖好抵睇

出埋part 2希望會多啲人睇

23/6， 今日同樣都係黃昏先至要返嚟玩Event，日頭時間就決定要去渋谷買另一個我好鐘意嘅日本女子組合，日向坂46成員加藤史帆出嘅寫真集：






點解要專登出去渋谷買呢，係因為HMV SHIBUYA有限定封面同埋呢間HMV間唔中都會搞AV女優嘅見面會，當然尺度就一定冇AV碟鋪咁大啦




買完書就上網㩒下附近有咩好食，搵到一間喺SHIBUYA STREAM附近嘅漢堡飽，食返一餐西餐：


ザ グレイトバーガー スタンド （THE GREAT BURGER STAND）
東京都渋谷区渋谷3-21-3 渋谷ストリーム 1F


（冇記錯好似係1700円嘅Double Burger。）

今日要見兩個女優，喺見第一個女優排隊嘅時候，我又撞返上次10月嚟同我傾咗好耐AV女優嘅日本哥哥仔。

哥哥仔：哦！又係你！？
：！乜你又喺度！！
哥哥仔：你又嚟日本見女優！
：笑什麼畜生.jpg你咪又係喺度排隊見大波妹！

我地兩個傾下笑下，排隊嘅時間過得特別快，今日第一個見嘅係上次都有去佢寫真集event嘅SOD巨乳女優，恋渕ももな（戀瀏桃菜）



上次佢嘅寫真集event冇影到佢著水著，所以今次專登返嚟覆啅我初時仲以為佢係M Cup，跟住日本哥哥仔同我講原來佢已經升咗上O Cup對於望慣港女身材嘅我，有啲好似見緊外星人咁嘅感覺

唔講咁多，睇相：



呢場活動仲有一個特別嘅地方，就係兩個在場嘅SOD Staff都係女仔嚟，莫非女子社員系列係真嘅？於是傾計嘅時候，就意外地有一段咁樣嘅對話：

：恋渕小姐你好，上次我有嚟你嘅寫真集event，今次專登再嚟見多你一次。
：你真係好，多謝你。
：直接咁講有啲唔禮貌，不過恋渕小姐身材真係好勁香港女仔都冇你咁犀利。
：唔緊要多謝你嘅讚賞
旁邊嘅工作人員：嗯...好似我呢啲就係香港女仔嘅身材...
：我唔係咁嘅意思姐姐仔我唔係笑緊你

希望我唔會俾SOD blacklist啦


（「多謝你讚我身材好！希望你會一直鐘意我啦...」by 戀瀏桃菜）

合照只有一張，所以砌個心就算：

影完恋渕之後我就趕去另一場event，又係另一個我之前見過嘅女優，Moodyz專屬嘅宍戸里帆佢仲記得我係第二次嚟佢嘅event，讀得書多嘅大學生記性真係好





（今次呢套衫好睇過上次嗰套。）

合照除咗我個指定pose之外，仲有上次嗰個郁都唔郁，成碌木咁嘅pose：




傾計嘅時候：

：今日我呢件衫呢，係日本嘅一個故仔入面嘅角色，每年男女主角只可以喺七月見一次面...
：哦～我知你講緊乜嘢，中國都有呢個故仔（七夕個日文我鬼識咩）
：真係嘅！？呢件衫就係嗰個公主會著嘅嗰件衫嚟！


（「好開心今日見到你，下次再見～」by 宍戸里帆）

宍戸里帆係一個相當健談嘅女優，嚟緊佢同另一個巨乳女優中山ふみか喺8月有共演，鐘意大波妹嘅朋友唔好錯過


（MIDV-431 むっちり巨乳と敏感おま○こでドバドバ連続ヌキしてくれるハーレム風俗フルコース 専属W巨乳初共演 宍戸里帆 中山ふみか）

夜晚同一位嚟咗日本做嘢嘅香港朋友（佢追波多野結衣）食咗一餐沖繩料理，就完結咗成日嘅行程


（冇拎葵司立牌過嚟用住miru頂住先）

成場公開收錄大概係兩個鐘頭，八木奈々作為主人家當然係首先出場，喺開始錄影之前就有一段咁樣嘅小插曲：

主持人：八木小姐你今日著條裙好靚喎不如企起身俾大家睇下
八木：嗯～～我日日都係咁靚架喎～～（企起身轉咗個圈，全場拍哂手掌）
八木：大家真係好人俾啲嘢大家睇（八木忽然之間烏低身夾胸，台下面成班大叔即刻wow wow）

怪唔知得八木紅得咁快真係了解啲大叔FANS想睇咩

成個公開收錄頭半part就係一齊睇返當日錄散步外景嘅片段，之後兩個女優就玩遊戲，包括拗手瓜、黑白配、同埋傳氣球呢啲比較簡單嘅game；之後就到影相環節，因為坐得比較偏，又冇長鏡，所以只可以咁影：

到合照時間，因為想爭取多啲時間同佢地兩個傾計，於是我叫工作人員影即影即有相，八木係第一個同我影合照：

：你好你好，我係香港嚟嘅新東寶。
：Hello～影相你想要咩pose？
：不如就砌個心啦。
：好吖～係呢，香港人點樣講「砌心」？
：通常會講「心心」（廣東話）咁樣。
：哦～～心心！心心～！（廣東話）

我諗淨係呢幾句大家都應該feel到八木喺FANS應對呢方面玩到幾熟手，由我講係香港嚟到佢諗到話題，前後唔夠兩秒，已經可以令到FANS對佢好感度大增。


（除咗砌心之外就係用返八木個招牌pose，佢個名「奈々」日文發音同數目字7一樣，所以就砌個7出嚟，不過其實唔係應該跟佢個姓一樣砌8比較啱啲咩）

至於古川呢：

：古川小姐，好耐冇見。
：...！係你！你係新東寶！你又專登喺咁遠過嚟！
：仲記得我個名古川你真係好
：上次直播講錯咗你係台灣嚟，真係唔好意思。（事緣有一次佢開直播我入去打招呼，佢記錯咗我係台灣人）
：唔緊要唔緊要，好小事啫上次你用廣東話寫blog呢件事，香港好多朋友見到都好開心。
：真係嘅！？咁就好喇！


（同埋我仲同佢講，8月台灣TRE成人展都會過去撐佢場總之我要捧紅古川）


（日文叫ハーレムショット，即係後宮攝影，再簡單啲嚟講就係同哂全部嘉賓一齊影合照。）

而事後兩個女優都有影低收咗嘅禮物放上Twitter，我揀咗兩盒餅俾佢地一人一盒，紅色俾古川，綠色俾八木：

https://twitter.com/yaginana0903/status/1672556970489040896?s=20


https://twitter.com/honokafurukawa5/status/1672514100772114433?s=20

完場喺門口送埋兩個女優走之後（八木見到我嗰時仲喺度不斷心心心心），我就出發去橫濱參加另一場event，主角係Prestige今年2月嘅新人 ，個名叫鈴の家りん（鈴之家鈴），無論日文定中文佢個名都非常橋口


（如果要歸類嘅，佢應該算係童顏巨乳女優）


（當日嘅另一場活動佢著嘅水著。）



影相嘅時候就已經覺得，點解呢個𡃁妹好似冇乜表情咁嘅莫非聽到我係外國嚟所以好緊張？

於是喺傾計嘅時候：

：你好，今次係我第三次嚟橫濱，橫濱真係好靚呢～
：哦...哦
：（轉另一個話題）係呢，鈴之家小姐知唔知橫濱有部好大部嘅高達？
：哥彈？
：唔係唔係，係高達，咁樣樣嘅。（即刻上網搵相俾佢睇）
：哦...哦
：（又唔得？又轉另一個話題）鈴之家小姐係咪關西人嚟？聽你講嘢好重關西腔。
：係吖，我係關西人。
：...
：...

都算係我去過傾計時間最odd嘅一個event我諗爆頭都淨係諗到呢啲話題喳


（「記得睇下我喺新呢套作品出汗出得幾勁吖～」by 鈴之家鈴）

之後就喺橫濱影咗一陣夜景：










旅程嘅兩個大目標都已經完成，心情都輕鬆咗唔少，飲少少酒之後就返酒店瞓教了

25/6，今日冇event去，係徹底休息嘅一日，瞓到下晝1點幾先出門口，本來諗住去神田嘅鬼金棒食個拉麵，點知又係咁多人排隊



就喺我仲煩惱緊點解決食晏問題嘅時候，忽然之間諗起，相澤南以前好似有喺自己個Youtube Channel介紹過一間喺神田嘅麻婆豆腐餐廳：

https://youtu.be/8fSjVs10XWY

抱住但試無妨嘅心態，我就決定去聖地巡遊一下：




麻婆豆腐TOKYO 神田本店
東京都千代田区神田司町2-4-2 ME神田司町ビル 1F

因為唔知佢有幾辣嘅關係，於是我就嗌咗個小辛嚟試下：


（王道の四川系辛シビ東京麻婆豆腐 小辛 1000円）

呢兜麻婆豆腐好食到不得了，相澤南介紹嘅果然有水準不過小辛真係冇咩感覺，下次可以試下嗌中辛，利申平時喺譚仔嗌開雞肉腩肉麻辣三小


（順帶一提相澤南呢個癲婆係食30辛同50辛嘅）

而喺相澤南條Youtube片入面就有提到，如果落單嗰時同店長講你係睇咗相澤南條片而嚟嘅話，店長會送返一個杏仁豆腐甜品俾你食不過條片都成半年前，唔知呢個推廣仲生唔生效呢


（喺條片嘅description有寫呢一個合作推廣）

於是：

：Er...唔該。
：21314，請問客人要啲咩？
：是咁的，我係想嚟食相澤南嘅豆腐...唔係唔係我係睇咗相澤南條片所以專登嚟呢度試下麻婆豆腐，想請問而家仲有冇嗰個送杏仁豆腐嘅推廣？
：哦，有吖，可以幫你安排。

於是喺食完成餐麻婆豆腐之後，店長就送咗個杏仁豆腐甜品俾我食：




原來豆腐都可以咁好食食落有啲似豆腐花嘅感覺，不過個質感冇好似香港食嗰啲咁樣，一入口就散哂，果然相澤南冇介紹錯下次嚟東京一定要再嚟食相澤南（推介）嘅豆腐

食完豆腐之後，嗰日東京天氣實在太熱，頂唔順返酒店瞓晏教，等太陽落山先再出嚟

黃昏時分就去咗中野行街：





又到咗上網搵下有咩好食嘅時候，發現原來中野有一條飲食街，入面超多嘢食，揀咗一間評價唔錯嘅試下：



GEN (手しおごはん 玄 中野店)
東京都中野區中野3-36-4


（初夏のときめき定食 1380円）

（非常足料）

返酒店之前就去淺草影下相，夜晚少人好多，行又行得舒服，影又影得舒服

Part 2嘅內容就係咁多喇剩低兩日嘅內容嘅聽日下晝再出

推一推

推咗先 好長睇唔晒

所以我要分part出

Support

Lm

佢都知你係PR

正皮for真係多圖