呢2年由CCCU轉到去UOW
始終啱啱轉名 冇人討論
見今年新campus落成
就開返個討論區大家討論下～
常見問題 Q&A
Q1. 點解要讀副學士？
A: 為左入返UGC ，雖然HD都有機會升到但係Asso升學率一定係高d。 如果你想讀完兩年就做野 ，一定係揀Higher diploma 。
Q2. 點解要揀UOW?
A: 所謂「三大CC」之一（HKCC, HKUSPACE，CCCU）（依家轉咗名），80%升學率，但今年冇升UGC數據，前2年係43%，承繼城大課程結構，質素有保證。 就以社會科學學部為例當中有唔少科目升學率都超過70%
Q3. 揀科時應以該科的升學率高低為最大考慮？
A. 升學率固然重要，但UOW每科平均都有三成幾升UGC率，最緊要係睇你對果科有無興趣 。
Q4: 聽講cccu賣盤喎，咁我即使入咗嚟讀，咁我係咪Cccu學生？冇城大張cert？
A： 冇錯依家已經改咗名UOWCHK，一定冇咁多人聽過㗎喇，但一間學院嘅reputation由師生一齊創造出嚟。如果決定讀呢間，不妨當自己係學院一份子，做好自己，因為你都有份影響呢間學校嘅聲譽㗎！不過如果係為升學就唔需要太擔心，轉咗名之後升學率冇受影響，反而比起CCCU嗰陣升咗少少，可能因為少咗人啦～
Q5. 我有一科1左，讀唔讀到UOW?
A: 中、英文兩科必須有2或以上，要再加三科有2或以上先讀得，即係數/通識/選修科是但一科等1左都唔緊要（除左一d有講明既科目，例如雙語對語文程度有較高要求） 
Q6. UOW個新Campus有咩設施？
A: 新Campus啲設施都幾齊嘅，除咗基本4間演講廳同課室之外，仲有好多skill lab嘅房，好多學科都有，可以去佢哋官網睇下。另外仲有8240呎圖書館，舞蹈室、健身室同音樂室。
Q7. 屋企窮但又想經Asso升返上UGC學位，點算？
A: 學資處幫到你，家庭月入及資產唔過限額的話係會批Grant Loan比你埋學費讀，（視乎你窮成點，可能批你75%學費免還）唔洗還的  ，仲會借生活費比你（要還）渡過呢兩年，所以比心機D。而屋企唔合資格但又唔夠錢讀既同學可以揀免入息審查貸款即Loan，呢個係要還錢。
學資處Grant Loan http://www.wfsfaa.gov.hk/sfo/tc/postsecondary/fasp/overview.htm
Q8. 咩叫大O細O( Camp) ?
A: 大O就係指UOW有d Society搞既聯科Ocamp，細O 係指一個學科自己幫新生搞，規模較細，亦通常較平，因為有心既師兄會盡量壓低價錢吸引新生  。
Q9. 去唔去Ocamp好？
A: 我自己就建議唔使去，你有料嘅話唔使識人人哋都會走過嚟黐住你。不過如果係都要講嘅話，去Ocamp有助搵Groupmate，可以比到好多有用建議你，同埋識frd囉…
Q10. 開左學咁唔好彩遇到freerider咪爛GPA？
A: 首先Group project有freerider係可以向tutor投訴，開學會提同學紀錄低各人工作量出席會議次數以至whatsapp紀錄作證據。而Tutor認為證據確鑿時會比個I（Incomplete） 佢重讀呢科   。而且Group Work只佔約30%分數而Exam通常佔30-50%，你做多左代表你認識多左個Topic，exam會有更好表現。
Q11. UOW Interview洗唔洗著西裝？
A: 唔使
Q12. Interview有咩問題？
A: 通常會先叫你自我介紹下，問你對一單今年熱門而有關本科的新聞既睇法，然後小組討論。好簡單的，Asso唔係Degree，係收你錢比你讀，唔需要太緊張。Asso入學好易，佢要確保收生足夠收你錢。但讀起上來就唔易，上左船就無得返轉頭。
Q13. 英文唔好會唔會唔夠其他人競爭？
A: Asso真係咩人都有，有DSE廿幾分衰中文既人，有讀過恆管／Asso／Ive既人，個人認為英文有3應該可以應付Asso既課程，而拎2既一定要加倍努力學英文，因為無論做咩Course work (寫Assignment，考試寫Essay) 英文語文能力一定係其中一個評分標準，英文2唔努力可能會唔夠人爭。始終都係大學入門，有機會入大學year3，notes都睇唔明又點高分？
去到收offer階段你就知IELTS6.5有幾重要
Q14.Retake定係讀Asso好？
A: 唔敢亂答，有人差一兩分有人差七分都話Retake，只可以話睇你鐘唔鐘意DSE果D考試同學習方式、科目同適唔適合讀，Retake唔代表你手上有上年個分再升分，係由0考起，有機會跌分，咁就一年。DSE一試定生死，Asso就有50%分數都係平時寫Assignment做Presentation拎既，考試範圍又會話埋比你知，提早準備，講學習氣氛一定係輕鬆D。不過Asso你讀唔上返UGC就無回頭路，只可以揀自資學士課程，亦唔建議雙修因為兩邊D課程都好花時間讀，二揀一啦最好。
Q15.仲有冇13醫？
A: 有，繼承返CCCU傳統，UOW係有13蚊睇醫生(Out patient scheme)，可以喺港島或者九龍青衣共10間UMP Medical centre睇。一日睇一次，一年最多睇20次。我成日請SL都係靠呢個scheme
。另外有98蚊睇20分鐘session嘅牙醫，一年可以睇2次
Source: 不靠譜久村聖
Modified: 係咪撩鬼攞命呀
