（求過來人推介）有冇濕疹患者睇中醫好番

我D濕疹係做運動出汗之後最嚴重

其實我都好驚
我上次睇完中醫之後發出黎好勁
差D要入醫院果種
跟住我就怕左中醫
不過我真係好厭倦西醫果種治標唔治本
宜家嘗試下學樓上D巴打話齋跑下步 谷下D濕氣出黎

我case同你一模一樣, 由出世到武肺前未試過濕疹, 上年打完第三針之後中, 期間無咩病徵, 隔離左10日先1條線, 我係去到隔離後期, 第7,8日, 覺得腳面開始痕, 初頭以為張床唔乾淨, 但武肺好返之後愈黎愈嚴重, 基本上除左塊面, 頭皮, 細佬, 手掌, 腳板底之外, 全部都係濕疹, 我用過:
-california baby-->無咩用
-aveeno eczema therapy-->又貴又廢又立
-country comfort herbal savvy 沒藥, iherb有售-->初頭好似有啲用, 但好油, 同埋都立立地
-Qv潤膚乳液,萬寧有售-->類似CeraVe 藍色, 但我覺得CeraVe好啲
-曼秀雷敦AD軟膏-->一啲都唔止痕
-連登cream CeraVe 藍色, 萬寧有售-->初頭用呢隻, 因為萬寧有得買, 潤, 唔立, 還可以
-CeraVe 紅色 (Itch Relief Moisturizing Cream)-->主要靠呢隻, 初頭用止痕效果明顯啲, 可能後尾用慣左/濕疹好返啲?, 效果無咁明顯, 早晚一次, 香港無行貨, 唔係咁多地方有賣, 我後尾都係美馬買
-CeraVe 紅色 (Itch Relief Moisturizing Lotion)-->無Cream咁杰, 主要出街用
-WholeLove Plus愛完全全植物醫學級益生菌元配方400億-->呢集係保險agent介紹, 本身諗住問佢有咩皮膚科醫生介紹, 同佢講左我情況, 佢話之前有個客又係咁上下, 食左呢隻好返好多, 叫我都試下, 我試左又好似慢慢有好轉, 但唔肯定, 因為我同時用緊CeraVe 紅色, 所以唔知係咪因為益生菌
我發緊期間都有睇過西醫中醫, 西醫淨係開抗敏藥+類固醇藥膏, 幫唔到, 中醫就睇過兩個, 兩個都係睇左一次, 可能長睇先有用, 唔肯定
我最嚴重嗰時瞓着都痕醒, 而家除左大髀有啲之外, 其他地方就已經好返晒, 我相信黎緊嘅冬天先係考驗

中西醫都睇過其實效果唔大，中醫話身體濕重主力幫我去濕毒，但去極都話仲有，西醫淨係開類固醇，有用但斷唔到尾，長期用都唔係辦法

之後無再睇醫生，靠戒口同運動而家好咗八九成，係轉天氣同埋偶然一兩餐食得放肆啲會輕微復發

人人體質唔同，我覺得自己啲濕疹特別受腸胃狀況影響，所以盡力避免食啲會令自己便秘同埋積聚濕毒嘅嘢，最緊要全戒凍飲，係少好多樂趣但鬼叫自己身體係咁

我試過
-ovelle 潤膚膏 --> 無咩用, 止唔到痕 勝在夠平, 幾十蚊一大樽普通潤膚膏
-椰子油 --> 止唔到痕
-QV 潤膚乳液 --> 呢個好似好D
-鱷魚油 ->止到痕不過好臭
-牛屁油 --> 無用
-Cubed Cream --> Cream 好用過油
-藍艾菊潤膚軟膏 --> 呢個止到痕 味道仲香D
-膠性銀凝膠 --> 呢個我覺得幾岩我 清爽滋潤
-永久花凍膜 --> 呢個初初用會少少那 不過那完就好快止到痕
-first aid beauty cream --> 呢個要睇人 我聽過有人敏感 但呢個係我極度乾既時候 厚敷係好好用
用過咁多款之後發覺油類野係唔岩我 愈整愈痕 係要D好清爽既先岩我
宜家so far 無乜紅腫 反而係會好乾 要成日補cream
塊面乾到紅曬 係公司都要勤力補cream

一停食西藥 停搽類固醇就爆？

西藥我都已經唔係食類固醇
係消炎藥黎 不過一唔食 就會開始紅腫 同痕

睇咗幾個中醫都冇乜效咁 戒口戒到懷疑人生 淨係牛奶一樣已經夠晒煩 要完全戒得清真係好難

個人濕，免疫力差，就好容易有濕疹。
瞓得好，食適量，勤出汗

最近心情同身體都好差，啲濕疹狂出。呢個星期叫個調返好。

睇中醫食中藥初期係有機會爆得勁，要食多幾劑同覆疹，由啲爛肉變番正常一般都只少個半月（唔R的話）好番都要覆多兩三次，去濕好重要。

排汗，焗桑拿，做運動（係要真係爆汗果隻
）

戒甜戒凍戒煙戒酒戒夜瞓
戒口就必須！

祝早日康復

1. 食omega-3 supplements
2. 食益生菌
3. 買Cerave潤膚膏搽

中醫咁快好真係好大機會溝左類固醇

都有機會係類固醇上癮反彈
因為你有紅皮又用過類固醇
紅皮係類固醇反彈其中一個症狀

唔覺意食咗就算，同埋試吓食少啲，六七成飽。
真係要食得好清，盡力啦，起碼海鮮唔好食住

搽椰子油加cream
椰子油係好，但唔持久，同cream一齊搽可以潤耐啲

樓豬試吓去同仁堂買 防風通聖丸,
聽講幾有用

問題係我以前塊面會出汗
宜家濕疹之後D毛孔好似塞左
就算我做完劇烈運動 塊面都只係谷到好紅 但唔識排汗
我應該點谷番通D毛孔

我個頭都係唔識出汗，應該都係有問題。。。。

中醫好多智商税黎就算要睇，睇政府資助中醫已經夠晒，唔好諗住可以醫好你，最多用嚟調理身體。
https://cmk.ha.org.hk/zh-cht/services/GovtSubsidisedCMServices#

自己買消風散飲，加搽藥膏staquis，再日日做1至2個鐘運動（重點），3個月後你就會好返。

幾多個月後既效果？

利申，我自己同幾個都有濕疹嘅fd 都係咁好返
最嚴重出水起泡，痕到仆街
而家轉天氣有時會翻發，但係好細，過一兩個禮拜就好返

我嗰陣係搽亞麻籽油
總之類固醇就係垃圾

運動能醫百病

樓主最近濕疹有無改善？