【劇透】容祖兒My Secret Live Another Side音樂會討論區 (1)

岩岩一睇先知變左尾場

估唔到會唔接海口個個天后show
（今日大陸都仲宣傳緊個show有佢）

加三
我估佢到時識做嘅，話晒23號場有成千個善長人翁

而家佢成個八月唱五日/六日 先休一日
佢頂到咩

呢個消息咁突如其來
https://www.instagram.com/p/CvE5L_HhSST/

冇時間休息之餘仲要比我地話揀歌唔掂，應該都好大壓力
唔知佢嚟緊會唔會cut短rundown/加多啲backing vocal等佢唔駛咁辛苦

好癲 換個角度
真係睇show都累，何況唱o個個

Sorry祖祖希望你唔好咁自責

佢失蹤咗幾日了都唔知身體仲未ok定心情唔好

擺到明心情唔好啦
成班喺度係咁鬧佢rundown呢樣嗰樣
講真句我睇到啲留言有啲眼火爆㗎
祖祖咁辛苦做33場
你哋係度狂插rundown
咁總有人無親身現場睇過part 1
重溫返幾首都唔過份姐
明白可能今次唔係100%純sidetrack
（唱人壽佢都交代過係佢無留港宣傳首歌）
咁都尊重返少少祖祖意願啦
成晚唱兩三首咪由得佢囉
花咁多心機喺咁細個空間搞咁多心思舞台
又講咁多嘢分享自己
做祖迷係應該欣賞祖祖重覆呢啲野33次
而唔係晚晚鬧rundown
況且rundown不嬲都會有少部份改動
點會同一個rundown 100% run到尾場
Sidetrack演唱會唱幾首main
同Main演唱會唱幾首sidetrack一樣啫
大家咪咁樣啦
講真句頭場fc一大堆出錯悶坐咗幾耐
但係身為鐵粉就係包容佢 當蝦碌
仲會擔心佢正場會唔會搞返好啲機關/音響
場場搏盡做，我哋要好欣賞同支持祖祖至係

我就係無親身現場睇過part 1
所以有幸聽返之前唱過嘅side track好正
正如祖祖一開場講過一句，問有冇人未睇過part 1，之後叫舊朋友同新朋友打聲招呼 歡迎新朋友
頭場fc我覺得幾正，錯有錯着嚟個全場大合唱，個feel好正好感動好溫馨。之後仲補多一個medley俾我地，只此一場，so sweet

我好鍾意聽佢分享以前生活、個人趣事、感情方面，啲talk好搞笑，係有鋪排咁接住唱歌，一啲都唔覺得長同累贅。成晚3個幾鐘入面對眼好專注咁望住佢同聽佢唱歌，完全沉浸喺呢個show度。
雖然有人玩嘢點歌點啲main track，但起碼都聽到《你是我堅強的唯一理由》同《心賊難防》呢啲side track

已睇2場 仲有6場
加油 祖祖 期待之後場次

你睇show係重量不重質? Another side各樣野都強差人意，得出黎嘅結果係得part 1嘅一半，重覆呢啲野33次就會變得好睇?

不過責任又唔係係哂佢身上嘅，成個團隊連埋彭秀慧都係4月先開始plan，得3個月時間，都唔知當初點解要咁急決定搞sidetrack show，part 1都用8個月時間plan先plan到所有野都完美啦

你記唔記得啲人點讚part 1? Wiki都有寫:
「是次演出在製作上可謂一絲不茍，海報方面由林海峰負責設計拍攝，在歌單安排上亦嘗試加入舞台劇元素，邀得本地著名舞台劇工作者彭秀慧擔任導演。唱片監製舒文形容是次個唱乃「前無古人，後無來者；音樂製作人于逸堯指演唱會「證明了這個小漁港的軟實力」；樂評人馮禮慈更直言演出是「香港樂壇演唱會史上一出色、重要演唱會」。」

今次點讚得落?

其實好多不滿都係由fc場開始醞釀
rundown不似預期固然有少少失望
但係未完全足以成為引發爭執既起點
係壞音響令到個show有頭冇尾
然後容小姐同大家講fc場好順利
加埋彭導話fc場係「優先預演」
代表住所謂既「優先預演」係等於彩排?
黎到呢到大家既不滿先一次過爆發

作為觀眾
睇到個咁唔ready既場面之後
再聽到咁輕蔑既說話
難免會覺得鼓譟、覺得憤怒
甚至認為表演團隊唔尊重付費入場既人
所以先會蜂擁而至表達個人感受

作為fans
雖然可以包容當晚種種既不足
但係唔等於要盲目接受
有部分人可能只係得fc場既飛
呢班人對個show既印象
就好可能只係一個唔知做緊乜野既演唱會
咁樣對佢地其實好唔公平
而且試想像下
如果喺其他場次先黎壞音響
啲觀眾應該即刻暴動咁款
絕對唔會係唱多兩三首歌就可以解決既問題

雖然個個都好多意見，有好有壞
但係最終都係想個show好睇
唔想做壞MSL個名
大家都要相信容小姐係知道邊啲意見先有用
嗰日發表完一堆偉論之後
無論rundown又好
定係成個表演既flow都好
大家既意見已經陸續有反映返落個表演到
畀多少少時間觀望下啦

利申 兩次MSL都有入場兼有睇fc場

其實置頂個留言係寫得好好，1.0成件事係有起承轉合，而今次係冇
我哋咁多人所講嘅嘢，唔係亂咁講，而係有根有據去指出有咩做得唔好

譬如做得好嗰part，係咪可以再拉長少少，而唔係有啲唔夠喉嘅感覺
另一方面， Talk位分得太散，入得呢個地方去睇佢演唱會，都係想聽佢講吓自己嘅，分享吓自己嘅嘢，但係唔係斬件斬到咁碎，散修修咁入咗個mood又出咗戲

鬧嗰啲其實真係可以唔使理，嗰啲人完全係為鬧而鬧
其他人表達咗意見，佢哋條Team其實都有聽嘅，都係嗰句，時間唔多，佢哋唔可以一下子改動得晒，呢樣嘢大家都明

好老實講，今次2.0嘅出現
一班fans係完全冇估計過會有多一次機會，可以將一啲以為石沉大海咗嘅歌，放上台聽得到佢唱
大家都係對佢有期望、有要求，不過有啲人嘅表達方式係好差

佢開得34場，大家都係着緊佢、擔心佢把聲係咪撐得住，多過係咪真係有需要去破紀錄，係咪真係有需要喺個咁細嘅場去表演
呢樣嘢，Fans真係會唔知咩

睇咗大家評價同劇透先入場
本身都打定個底可能會失望
但睇完其實覺得overall都好唔錯
當然問題都係有嘅
但覺得無論係踩到個show一文不值嘅
同埋捧到佢天上有地下無嘅都係on9
Rundown嗰幾首大家嫌唔夠side嘅
都好明真係唔想再聽
但以成個concept同舞台設計嚟講
其實都有驚喜同有開心有感動位
個人覺得佢完全冇hea大家
只係個target audience都要照顧埋街客
Feel到個team有聽下意見嘅
希望之後會慢慢再改
不過當務之急都係佢好返最緊要

可能有啲人係因為上次1.0 ，想睇到2.0呢個show，未必太多人睇過1.0，希望大家嘅留言會令你哋明白到，點解呢個演唱會對fans嚟講咁重要

我相信佢經過咁多年之後，佢會知有好多無謂、惡意中傷嘅人，根本就唔係有心俾意見
雖然佢知道有好多人會默默支持佢，但係喺呢啲位，佢都係需要大家企出嚟，話比佢知

無論大家係唔係佢嘅fans都好，大家都要學識唔好咁上心，呢個世界真係有好多無聊嘅人，希望自己影響到其他人

其實係人都知容祖兒一直都好勤力，都係為咗多啲fans可以睇到先頂硬上34場
大家緊張佢身體之餘其實都緊張佢演唱會聲譽
先會有咁多要求高嘅意見
1.0嗰次海量side track但根本好多觀眾全部識唱
以為有1.0經驗佢揀歌會放膽啲，點知今次起碼一半歌你會諗「吓，呢首係side track？」
我估長年fans最失望最唔開心係呢點
原本預期係一場好精緻嘅side track 演唱會，變咗有咁多合家歡嘅歌
嚟緊Rundown應該最多都係改一首半首，希望佢身體健康可以完成埋個演唱會唔好有咩遺憾啦

再延多3場

不如直接取消啦，養好身體先再開

係囉睇見佢都辛苦，死撐住唱何必呢