李思捷套綜藝show都幾撚老尷

最遠的距離 · 2023-07-09T21:17:34+08:00

今日屋企人喺廳，所以逼住要睇TVB套思家大戰啦，有一幕係李思捷問個嘉賓「香水要用嚟噴喺邊度」，個嘉賓答「手臂」，但係之前已經有人答過「手」所以應該唔啱。喂大佬唔啱你咪講，佢係都要勁大聲講：「我再問多你一次，香水要用嚟噴喺邊度？」個嘉賓都幾堅持，咪再講多次手臂，其實呢個時候氣氛已經好差，個嘉賓塊面都紅晒好尷尬，佢仲要走埋去搭着個嘉賓膊頭，再問多佢一次「最後一次，向上要用嚟噴喺邊度？」個嘉賓最後改口講腳踝……睇到呢度我已經心諗做乜鳩，已經唔係唔好笑咁簡單，係直頭feel到嗰種壓迫感，上個遊戲節目都要俾你撚。第二個環節係開口中，只要講中大多數人都有講過嘅答案就可以有分咁啦。輪到頭先嗰個嘉賓，佢重複咗之前人哋講過嘅答案，跟住李思捷語氣勁惡咁講：「再講過！」個嘉賓已經笑唔出，我就直程由頭到尾都冇笑過。一路去到個show完，嗰個嘉賓都係尷尬苦笑，我真係睇得好辛苦。個節目摺咗佢啦，李思捷你學唔到美國人嗰種幽默㗎喇。