香港生仔

見個個post 都話宜家仲生，走左先生，生黎比家用，係咪多數結左婚都唔生？

利申
有生，無後悔，覺得佢呢一代幸福過我果代好多
起碼衣食住行都好過我細個時

同我女人一齊23年
無結婚
有兩個仔
大仔特登番香港生
細仔因為 covid 同一啲原因係澳洲生
最近番香港要同細仔買旅遊保

我個家庭環境同文化 唔洗比家用
日後都唔需要佢比家用，計劃幫佢儲到筆錢夠喺歐美讀4年大學+一般生活費，宜家佢啲利是錢幫佢做定期(連埋自己嘅大數)或其他長期低風險投資plan, 等佢大個 比返佢自己洗

咁你唔係香港生活，係香港生仔生活係咪真係咁唔適合？除咗國教我係同意

我都唔洗比，但我唔係有錢都唔算窮

錢我就無乜打算留比佢，反正佢畢業後都唔會識用錢住，等佢大小小有能力自己搵錢計數，但會留層樓比佢住同供佢出去讀書

我就唔鍾意講門面說話
有嗰句講嗰句
冇比較冇傷害
如果你未感受過小朋友喺外國受教育長大嘅生活
同埋你唔想移民
就唔好諗咁多，留返喺香港

如果你有興趣外國生活係點樣
依家好多YouTube俾你睇
呢啲要你自己做自己感受
你問我同我識嘅人嘅經驗感受
係完全兩個世界無得比
係澳洲好太多
我兩個仔日日都同我講鍾意番學
識人兩個仔係香港讀緊小學跟住移民
兩個仔加父母由 struggling 影響大家情緒
到依家好鍾意番學個改變好大

但移民與否仲有好多其他考慮每人唔同
自己執生

生女會好啲

我由第一胎已經好想要女
跟著第二胎又係仔
依家諗緊博唔博第三個
真係諗爆頭

我無外國生活過，不過去過幾次澳洲都好鐘意，好舒服同意既

我有諗過移民，首選都係澳洲，但我諗目前佢既生活都好開心，做乜要改變佢。

佢宜家返學小學無壓力，佢讀國際學校，有報課外活動都係佢自己揀既，網球畫畫跳舞同英文，其餘時間佢想玩乜都得，個個月有party 去，weekend 又帶佢去玩，日日都係玩

呢度好多人唔係成日都講
有錢就度度都係理想國
睇你嘅行文，移咗都quality of life 未必有大提升(好似係）
咁咪唔好移
但你提到國㪍呢啲形而上嘅嘢
咁要睇你有幾在意
我自己就非常在意
各自選擇啦

國教係介意，但移左都一樣有，只不過個國不同左
HK 國教係叫你愛一個衰人
外國國教係叫愛自己既country，但我唔係belong to there，我都未識你就叫我愛你，好似又怪怪地(係我個小朋友角度諗)

都係每個仔起碼留一層樓
依家已經做到
仲有多間俾自己

好明顯，你係唔認識外國教育
喺形而上嘅認知比較初階
唔緊要，每個人都有自己局限
佢自己有限能力範圍作出對自己最好嘅決定就可以了
我建議你留返喺香港

都係，講多小小外國國教形式上係點

你話外國都有國教所以差不多
又讀國際學校
我估你一係富二代
一係好擅長搵錢
我建議你做返你最擅長做嘅嘢
繼續提供好生活比下一代
好好係香港生活落去
唔好聽啲人講嗰啲所謂道德價值嘅廢話

邊個湊？
你有層樓？

發現今年開始多左人生仔+傾預備生育問題…

我d朋友去左英國，y1-3 果d都會教d細路自己既國家既好之類既野，好多野都係米字旗，潛移默化，我既認知呢類都係國教，要令下一代對佢既國家產生歸屬感

我窮出身，住公屋大，窮童年但開心，宜家有選擇咪比好d環境下一代，之不過係咪香港真係咁唔適合有下一代姐

工人為主，四大會黎玩
叫有地方住

你走唔走？

唔好嘥時間諗咁多
繼續喺香港搵錢比最好嘅下一代
香港其實好適合生下一代
尤其是有能力嘅人
唔好聽其他人講嗰啲咩廢話自由民主
佢哋只係LOSER

香港長大嘅人唔會覺得香港有問題
不過接觸多啲個世界就知其實有好多選擇，香港問題係冇得你揀成為咩人，樓主個仔大左繼續成為樓主咁嘅人，其實對佢地成家嚟講係好幸福冇問題的

咁掂啦