開關後．上個月再飛台灣處理鼻敏感流鼻水問題
本身鼻甲骨鼻中隔息肉無問題，
又已經避晒致敏源，食晒 Telfast-D,cetirizine,噴晒Avamys等等嘅藥．
睇耳鼻喉醫生買藥唔知用咗幾多錢，
已經變咗短暫而且無効
好耐之前係第二度做過燒灼鼻神經，
以為係剪斷條Vidian nerve,完來台灣醫生話係之前燒灼過而已
運動時同温差大啲鼻水都係瀑布咁流
做資料搜集，見到係日本台灣有手術可以治嚴重流鼻水，而且做咗十幾年
ptt啲人講來講去都係幾個係台北台中做開呢個手術嘅醫生,唔開名喇
手術叫翼管神經切除術 Vidian Neurectomy,
後鼻神經切除術 Posterior Nasal Neurectomy
後鼻神經切除術呢幾年係美國英國都有人係pubmed到有report
https://pubmed.ncbi.nlm.nih.gov/31439065
而之前做睡眠窒息手術個間醫院又無做開呢個手術
所以搵咗另一間更加大嘅醫院做
唔知點解香港又係無得做，問過香港啲醫生好似擋發up風
又因為係香港做睡眠窒息手術前後用咗40萬怕怕，所以都係決定飛過嚟台灣
飛到去見當地醫生,佢地話醫鼻敏感
第一度防線係食Antihistamine,同噴類固醇，避致敏源
第二度係做去下鼻甲骨, 去鼻夾骨黏膜，去鼻息肉同鼻中隔手術
而日本同佢哋，會將翼管神經切除/後鼻神經切除術同上面嘅手術會做埋第二防線
處理非致敏根源嘅vasomotor rhinitis (non-allergic rhinitis)
但翼管神經切除會做完眼乾，因爲翼管神經係連住涙管神經，
而日本醫生十幾年前就改良咗切後少少條後鼻神經,避免眼乾問題
search yahoo jp - 後鼻神経切断術
都有超多日本醫生做
照咗内窺鏡後醫生話啲鼻水真係好多，所以可以接受呢個手術．
佢建議我做晒翼管神經切除術同後鼻神經切除術
仲要完全用激光有距離地剪斷兩節，咁就唔會生返
唔好用有啲醫生單純燒灼或者冷凍條後鼻神經 Cryotherapy (即近呢幾年美國做叫 Clarifix手術)
一來唔太長久，又因爲我特別勁多鼻水，所以兩條神經都切係最徹底
而本身條神經超深，所以佢會安排用 3D Navigation下做，
先做咗CT scan攞咗個影像
現後驗血驗尿等等就過第日就可以做
全身麻醉術後醫生用啲新嘅噴漿止鼻血填料，個鼻孔仲抖氣到，
唔痛，但係滲少少血水出嚟．
第一晚已經即刻feel到無晒瞓覺時鼻水倒流引至咳嘅問題
出院埋單十萬多台幣 (兩萬幾港紙)
第五日開次洗鼻，啲填統料同血焦流出來通番晒
到而家都幾個星期so far都無打噴嚏同流鼻水
不過眼乾啲啲，啲人話要幾個月眼涙先正常返
而家叫舒服返晒
