車厘子餅店傳7.20全線結業

車厘子餅店傳7.20全線結業！在屯門、天水圍、葵涌多區都有分店的「車厘子餅店」，最近傳出將於7月底全線結業的消息！車厘子餅店已有30年歷史，一向以街坊價售賣懷舊蛋糕和麵包，三角朱古力蛋糕、荷蘭撻、果占批是不少街坊的童年回憶。消息一出，街坊都大感不捨：「由細食到大，真係超水準好好味！」

最近有街坊發現車厘子餅店多區分店都貼出招紙，其中一張招紙宣佈「結束業務：美樂分店營業至2023年7月20日下午六時」傳出將全線結業消息。


車厘子餅店主打港式懷舊風味，以街坊價見稱，十多年前更曾以「$1蛋撻」為賣點，平絕香港。而且餅店自設烘焙工場，蛋糕和麵包每日新鮮出爐。除了最受歡迎的三角朱古力蛋糕、荷蘭撻、果占批外，火腿蛋包、腸仔包、雞尾包、合桃蛋糕、芝士包、紙包蛋糕等等都是街坊的童年回憶。有街坊表示曾從1988年輕鐵安全廣告中發現車厘子餅店舊招牌的蹤影，可見餅店已經起碼有30年歷史。

消息一出，不少街坊都大感不捨，留言表示車厘子餅店的糕餅一直是童年回憶，大讚餅店出品水準高又好食：「真係好唔捨得，這些年仍常在車厘子買父親節蛋糕和麵包，由細食到大，是很深刻的童年回憶，最喜歡吃新鮮出爐的腸仔包，腿蛋包，菠蘿包，雞尾包，朱古力蛋糕，合桃蛋糕，真係超水準好好味！」、「吓？我接受唔到佢結業呀！我成日去買麵包架。我最鍾意食三角形嘅朱古力蛋糕。」、「又少一個童年回憶」、「呢間真係由細食到大，好有回憶」、「老闆搵夠錢係時候要退休，所以光榮結業都正常🥲，佢陪伴碼頭人成長幾十年！」、「以前落街返學嘅指定早餐……真係由細食到大」、「開張有時，經營有時，風雨有時，結業有時」。

https://www.stheadline.com/food-story/3250308/%E8%BB%8A%E5%8E%98%E5%AD%90%E9%A4%85%E5%BA%97%E5%82%B3720%E5%85%A8%E7%B7%9A%E7%B5%90%E6%A5%AD30%E5%B9%B4%E9%80%A3%E9%8E%96%E8%A1%97%E5%9D%8A%E5%BA%97-%E8%A1%97%E5%9D%8A%E4%B8%8D%E6%8D%A8%E7%AB%A5%E5%B9%B4%E5%9B%9E%E6%86%B6%E4%B8%89%E8%A7%92%E6%9C%B1%E5%8F%A4%E5%8A%9B%E8%9B%8B%E7%B3%95

生意好呀

老細係咪移民

比卡超： 生意好呀

快過凱施？

生意好呀

賣得太平追唔上通脹

見到啲人係幫襯多咗貴價麵包店

前員工
十幾年前岩岩讀完中學第一份工
老闆三兄弟有錢到cls

前員工
十幾年前岩岩讀完中學第一份工
老闆三兄弟有錢到cls

A1 係咁係屋邨商場開舖定死晒d舊麵包店

睇黎港共拿做更多政治野針對所謂既外國勢力同黑暴

原因就係佢地解決唔到經濟問題

cls....又貴又難食
點解會覺得可惜.

連d空氣包都一年比一年縮水

真係keep住走

連鎖麵包店多新口味啲

係無得揀啫

但入面完全無蛋撻同菠蘿包
想食就要去啲高級茶記
例如紅茶，$10/個蛋撻

似係做唔住 呢D咁多年仲要餅舖 係有錢賺既移民賣盤唔會無人接 最多係低市價出讓

依D地鋪多數自己鋪

寧願買連鎖鋪包好過啦

車厘子真係由細食到大，近呢幾年經過成日都見到冇乜人咁，但明明啲麵包唔差，我覺得仲好食過啲大型連鎖麵包店添

不過可能畀人感覺老土同Cheap，所以生意一直都冇啲靚裝修嘅麵包舖好

係咪又軟對抗呀
國安大法後明明全面復甦