一嘢過搞掂晒唔使煩，點知係煩惱嘅開始
報咗幾間，上網搵咗星匯潔淨環控有限公司，
見佢報價正常，已經唔係特別平，FB又幾多like,應該安全啦。
點知佢哋做嘅清潔出晒事，清潔完當日佢要求即刻檢查，之後簽紙核實，當時清潔完上到去只係見到兩個鐘點姐姐攞住塊布抹下抹下，收我$3700都好似伏伏哋，心諗可能好有經驗，好俾心機做呢，之後摸吓啲窗同枱，根本無抹就扮抹咗，即刻叫佢抹返，雪櫃都叫佢再抹（最後發現係無抹到），咁見佢補抹返就ok簽紙。我認我係心急咗，無認真檢查，係自己衰。
去到執嘢落啲櫃就出事，原來啲櫃有好多貼紙，黐住啲位置方便組裝師傅裝嵌，嗰兩個姐姐搣完啲貼紙就算，啲櫃全部都黐笠笠，勁多膠紙漬，因為肉眼睇唔到，要用手摸先知，連座廁都係咁，我當然聯絡返星匯，叫佢哋處理返。
等咗一日，佢哋嘅回應就係：
「您好 感謝閣下耐心等侯🙇🏻♀️事件已反映予管理層及已向清潔人員了解，因清潔服務是一次性的，當天閣下亦有進行驗收環節並有提醒如沒有問題才簽收作實的🙏因如簽署了服務簽收紙，等同於服務已完成及檢查，實在抱歉🙇🏻♀️」之後我去佢哋Facebook 投訴，佢哋即刻block晒我，電話又block埋我，就唔再處理，當無事發生，宜家仲煩緊點整走啲膠紙漬，唉…
大家記得認住呢間唔負責任嘅公司，
唔好再俾佢呃！
星匯潔淨環控有限公司
