警世！嚟緊會去婚展嘅新人必睇！！！

你係點中伏法，可唔可以講多少少？同埋點樣食水深法？

係 後悔 唔應該貪方便

例如加拍星空，photohub 要收5000 OT錢
但事後發現原來攝影師+化妝師只係會加埋收百幾蚊NZD，即係唔夠HKD 1000
Ice 仲要仆街到明明天氣預服係話夜間落雨 ，前一晚仲說緊我地拍星空，話如果真係落雨都可以退錢

有錢就要比人呃十萬八萬？仲要一肚氣？

我事後響IG 搵得我個攝，發現佢原本有個固定化妝師成日出現響佢IG
但就唔係幫我地化果個
懷疑個伏伏地既化妝師係Photohub 搵俾佢

我自己經驗係 我透過其他人share知道Alexander Hera係伏 但當時未有太多資訊知道Heywedd 同其他店都係佢地旗下 所以中左伏 所以share中伏資訊係好重要

而我而家自己做法就係除左share仲嘗試緊take其他 action 唔再係簽咩保密協議 成唔成功唔知 但唔做一定唔得 然後比佢地繼續依個loop

不過我見佢寫明如果天氣唔好會退錢既…
佢地影出黎既相質素如何？

結婚根本就on9啦

到時要退錢都唔知要搞幾耐
影出黎就好既，同埋個攝影師好易配合，影全日都唔攰
同之前個巴打一樣，個化妝伏伏地

同埋Ice 係完全幫唔到手

本身我地仲考慮緊加唔加星空同埋坐直升機，其實係咪乜都唔加最好

係囉 ！ 拎住一部fujifilm咁嘅細機，揸流攤到呢

我諗我應該同你係用同一個攝影師黎

我知加5000蚊唔合理呀，所以我係簽約前同佢講數，最後加千幾蚊就影到啦 🤓🤓🤓 超！級！靚！

過兩招黎可以點講數呀唔想成日比佢食住

婚展除咗酒席同餅卡，全部嘢都係伏嚟

直升機我冇加，太貴啦。依家天氣差，冇乜雪，影唔到ice show出嚟啲相嘅效果
我加左影馬。佢唔係馬場到影，係個馬主拖一隻白馬出嚟大草地到影，我影嗰日隻馬係狂dup低頭同hup眼瞓，影出嚟唔好睇🥲

我腐前有上網搵到new Zealand啲攝影師quote過下價錢。嗰邊大約係萬中至萬尾，包化妝婚紗，唔包油畫相簿。
Photohub最後我比左三萬三左右，都係包化妝婚紗，仲有香港嗰輯兩個鐘影相（雖然好垃圾），仲有油畫相簿嗰啲（我仲未整，唔知質素）。所以我諗佢有賺，但又未去到食一半咁多嘅。

油畫相薄我估佢都係淘寶整，好平之嘛

想分享吓 不過可能好長
今年去婚展都差啲中伏！
一入去就見到佢大大個檔
仲未開始行就有個肥佬講普通話嘅
行出嚟門口懶熱情咁帶咗我哋去佢個檔到睇
一坐低就兩三個鐘走唔到

開頭俾你睇嘅package多數都萬幾到二萬幾蚊
一路sell一路減價 睇你邊個價錢會落搭
我同男友第一次睇婚展 呢個又係第一個接觸嘅檔
唔想一入去就要決定要比錢 想再行吓先
佢就不停咁話反正間間差唔多但佢哋乜乜乜比較好
我話埋我唔舒服想走 男友準備拉我起身走
條友仲即刻拉個咩高層定總監嘅女人嚟繼續sell
不繼轟炸你耳朵 最後將個萬幾蚊package講到9800定8800咁上吓
跟住俾張紙你填聯絡資料
要填名呀email電話之類 下面就係佢一路sell一路剔嘅items
我男朋友仔細睇 張紙係寫住類似合同嘅字眼
最下面就係簽名作實 我哋即刻乜都唔寫落去

其實我哋一開頭都有同個肥佬講過
我哋本身真係淨係想簽紙就算 呢刻未必會考慮影婚紗相同擺酒住 入嚟婚展真係只想了解吓比較吓先 都係想繼續睇吓先
個肥佬仲繼續chur我哋
仲話如果呢個價錢都唔ok, 一係俾6千蚊當係簽紙當日租衫（一/兩套婚紗+一套西裝）嘅訂金
如果最後決定會join pre wedding package呢筆錢都可以當係細訂

最後我哋都係唔想一入嚟就俾人劏
不停話唔考慮 真係起身走人
個肥佬同個女人即刻變臉
黑晒面咁話：算啦咁係我哋無緣份唔留你喇

仲有期間個肥佬成日有意無意搭我膊頭同哄到好埋咁講嘢
又話當我係女咁唔想我俾其他檔口揾笨
屌你老母咁你就chur鳩我哋兩三個鐘揾鳩我哋笨

後尾google呢間嘢個名先知係黑店
仲對對新人同一package都收唔同價錢
根本就係海鮮價 睇吓出幾錢你肯落搭咁

你簽左約未 ？ 我係婚展後拖左佢幾日，不斷話貴 要考慮下，佢先慢慢平比我，我先簽約。簽左約我諗佢唔會理你，因為佢已經賺左你筆大數

我地三萬六加多萬八蚊簡埋係當地結婚，唔知算唔算貴？

仲有響d 新人group 聽到有人中左伏
一日package plan 左去影 Lake Tekapo
同photohub 簽左約之後， Ice 先話Lake Tekapo 太遠要兩日一夜package 先影到
但係對新人就係為左Lake Tekapo 先去NZ 影，真係吹到啤一聲，唔知佢地最後點

我三萬三計埋租馬同影星空，同埋當日攝影師架車。日頭佢包嘅，係夜晚影星空無啦啦要加多幾百蚊租車，見少錢我廢事同佢嘈。
我覺得貴唔貴都唔緊要，主要嘅NZ攝影師係真係得！
我依家拎番600幾張nz嘅原圖❤️，同200幾張嘅香港原圖🙈，又唔會話渣都冇
Photo hub至少唔係詐騙，暫時只係覆得慢，overall我覺得又還好（暫時），不過又未好到會大大力推薦比朋友🙊

樓主就真係慘啦，真係可以比heywedd搞到婚都結唔到，已經唔係單單錢嘅問題了 🙈 希望樓主可以成功 ！

Tekapo唔會影唔到，因為都揸到車去影，只不過會蝕晒啲時間係揸車到。
我覺得tekapo冇咩特別好影，可能係因為我去係秋季冇魯冰花睇。queenstown附近都好夠影。
我嗰陣都係比佢好多地方吸引到，但的確nz好大，好多地方都靚，真係唔會影得晒。嗰陣我有諗過影兩日，但ice quote我影第二日要加多兩萬幾蚊，我覺得完全不合理。惟有我係前後嘅旅行中，自己再自助影相 ，出嚟效果朋友都話ok可以擺到相簿架 😂 nz影風景多，自己再諗下構圖同點樣擺個pose, 張相就會見得人😂