我老豆係咁迫我剪短頭髮

我20歲女，冇錯係20歲

我老豆係一個好硬頸固執嘅人，同埋少少嘢就會發脾氣鬧人，佢一直都唔會好理我其他嘢，唯獨是對髮型莫名其妙好執著
佢就好憎女仔長頭髮嘅，覺得麻煩又嘥時間

我頭髮算中長，去到個胸再上少少。佢嫌我吹頭髮嘥時間，每次見到我沖完涼吹頭髮就會好惡咁話 剪頭髮啊
然後之後又會無啦啦又講 都叫你去剪頭髮
一個禮拜至少煩我4-5次

我每次都唔出聲唔理佢，心諗我20歲留咩髮型關你春事
問題係佢對我其他方面嘅嘢都冇咩好嚴格嘅要求，淨係係咁迫我剪頭髮，煩到死

我哋已經為過呢件事嘈過，我小學六年級嘅時候就係俾佢好惡咁鬧，鬧到我喊，話我唔肯嘗試唔識嘢，然後話淨係要我試下剪短頭髮一次就夠，試完佢唔會再煩我，最後俾佢迫去剪到耳仔再落少少

問題係佢本身就禿頭又冇試過留長頭髮，撚知短頭髮一定方便過長頭髮咩
我真心覺得短頭髮先麻煩，又冇得紮辨，朝早起身時又會翹起晒，長頭髮求其紮完條辨就出得街，但佢就非常固執，覺得我係為咗留長頭髮搵藉口，一定係短頭髮方便d

仲係用緊佢零用錢？定佢會用暴力？

咁你直接屌佢禿頭就咪撚扮識方唔方便啦

btw 小心回力鏢 遺傳

你係唔鐘意短頭髮定唔鍾意俾佢控制住？

俾張相嚟睇下先
Maybe you can have a better daddy

最後俾佢迫去剪


頭髮係你自己 邊有人逼到你
大個女啦唔好搵嘢賴啦

好撚長

唔係，係小學六年級俾佢迫去剪，而家佢只係成日煩我，我頭髮仲係中長

佢有冇控制你阿媽剪乜嘢頭？

兩個都唔鍾意，問題係佢控制欲非常嚴重，我阿媽受咗好多年，佢係非常自大嘅人，如果有人逆佢意佢就會發老脾

我阿媽本身就短頭髮，但如果我阿媽留長亦一定迫佢剪

但係我阿爸本身都係控制欲極大嘅人，好多嘢都會指指點點，好似所有嘢都關佢事咁

唔想俾人控制就要自己反抗
你喺呢度邊會有人幫到你

20歲
仲寄人籬下
又係老豆
點會逼唔到

叫你剪就剪啦

男人老狗留長頭髮

對於控制慾強的人，其中一個解決方法係乜嘢都問佢意見要佢做決定，等佢煩到以後乜都唔想理，只識講是但啦。

利申：見過對控制慾強小朋友，以上方法有 case 得。對大人唔知。

無視冷處理
除非佢痴線到用暴力夾硬幫你剪

短髮控

你係女攞正牌發番佢脾氣
佢又唔會打你 屌到佢唔敢再煩你

20歲唔通老竇拎把鉸剪對住你咩
頭髮喺自己個頭度 點撚樣迫呀

Yes
有邊個老竇會唔錫自己粒女
依家係樓主太弱啦 表現得臭檔啲
你老竇以後聽晒你話添

當聽唔到就得最憎啲人指指點點