30/6當晚 我發左2個夢
第一個夢係有關我舊公司同埋舊同事
我地同平時一樣做完野後行入左間屋
係要行過一個黑的通道先會入到個廳
廳入面係木裝修 似係舊屋咁
但我無注意到個廳既其他地方
因為我一入眼就係廳既右手邊係一個大櫃
大櫃上面有神枱 神枱無燈
神枱入面有一塊好大既神主牌
似有3張4A大
上面係有字的 但我認唔到係咩中文字
係夢入面我都無去理 但大概既形係直寫既中文字
約有20-30個字 左右都有 但中間係空白的
有一把中年女人既聲音 叫我係神主牌上寫字
但我一啲都係驚既感覺
好似接到order就點頭就開始寫
寫到一半有人伸手擦走左我寫既字
同點左2支香 插係個櫃既2邊
就有一把聲同我講
［廁所有人做雞］
甘第一個夢就完左
到同一晚第二個夢
我夢到細個成日去玩既一個呀sir屋企的門口
係我地成日一齊玩的空地
夢入面的天空黃黃舊舊甘 似係就落雨
我估似係黃昏時間 無太陽的
我見到一位過左身既鄰居
（佢係10年前左右過左身）
我地細細個成日一大班人係街到玩
又會去呀sir屋企一齊打機
佢係門口有啲嚴肅甘跟住我行
佢唔係我印象中既樣 但我可以見清楚佢個樣
我好直覺咁叫佢個名
仲有啲開心咁問佢 你還好嗎？
佢好正經甘答我
［我一路都係你地身邊，係呢到］
之後佢好嚴肅咁同我講
［我殺左人］
但我好似係當佢係講笑甘 叫佢行去呀sir屋企
行入屋入面有人企起身同我地say Hi
過左一陣 我就離開左間屋
鄰居跟住我行出去
佢再同我講
［我殺左人，人地爺爺去問米，搵到雞但搵唔到屍體］
之後佢大聲甘強調［雞下面有屍體啊］
我地行左幾步 我再見到另一位中學同學
（佢係早3年前因病過身，佢都係我地細個既共同玩伴）
我地3個企係一個路口 路口有對住廁所
之後我中學同學就講左一句
［我地等緊xx，佢遲到]
（xx係我鄰居，仲健在，仲住緊我附近）
跟住我就看到xx係廁所行過
之後我就夢醒啦
因為呢2個夢太奇怪，我一起身就寫低左
交代返自己背景
我無宗教信仰 屋企人會拜神
人生除左夢到過一次親人 就無夢過過左身既人
今次發左個甘既夢 我自己都嚇親 但無話好驚既感覺
有無人試過？你地有咩解決辦法？
有冇大師可以解解疑惑？
