敏行快跑 胃痛必睇神作 講平庸既人失敗 27歲毒撚面對女神擁有低俗欲望但同時內心純潔

27歲一事無成既低層社畜追求女同事 現實唔會有奇蹟

正如漫畫入面類似意思 : 27年黎一直都唔認真既你 點會贏到其他人 以為突然認真一兩個星期就有用? 你以為熱血漫畫? 大叫幾句就得? 幾歲呀你?

同常見既打飛機漫畫主角唔同 敏行佢無屈機 天才 家底 運氣 咁樣既廢物社畜背景更切合現實 面對既唔係拯救世界呢d同我地現實距離好遠既難題 反而呢d看似平淡無聊既日常對普通人黎講先最折磨 最困擾既問題

寫實既故事 一針一針咁插落你心到 令人胃痛嘔心 主角習慣逃避困難 承認自己有低下既慾望 但同時某方面又高敖地死死堅持 成日無啦啦突然受某種刺激又想認真努力一下 但每次經過一段熱血既努力 最後感動既只有你自己

有d野係你點努力都改變唔到 就係他人
就好似感情台成日都有人開post喊住講明示暗示自己伴侶廢物一般 下面留言總係清一色撐樓主 而共同點係故事永遠只有一半 只有自己既觀點美化成個故事 包裝自己係最可憐既受害者 而現實大部份亦都係一樣 雙面人熟練地斷章取義壓榨 最後餘下既渣滓 只有嘔心同優越感安全感 同一件事 鍾意你既做乜都係岩 唔鍾意你既做乜都係錯 去到尾其實邊個都得 無乜所謂

作者好擅長寫角色既正負兩面拉扯 可憐人必有可憐之處
有相似經歷既你睇完 你會好驚嘆作者捕捉到既細膩位幾咁真實 對現實感到無奈 但莫名其妙地令你開始又好似有返少少力量

如果歡迎來到NHK!係拯救宅男出社會既話 我會話敏行快跑係拯救出社會後既毒撚/普通人 剛出社會抱持天真幻想 結果被現實鐵拳打到呆左 可能你會黑化 好似某角色咁 加入佢地或放棄 但你唔會真正鍾意自己 反而有時不自覺暗地裡羨慕同好奇 點解仲有人好似敏行咁仲keep住呢股傻勁 但同時又好反感呢種自以為是既on9

btw 分兩次睇哂 琴日睇完頭半part 終於知咩叫胃痛想嘔 有d位好正要劇透先講到 好想反駁網上某d心得 套野我覺得真係必睇 由其你好厭倦主流清一色 永遠個底都係超人打怪獸 高富帥點成功屈機 打飛機作品 覺得回應唔到你既話 睇敏行快跑講loser 10卷好短 好快睇完

多謝樓主介紹，啱啱睇完
本身有追開同一個作者畫嘅地下忍者，淨係成班角色鳩打
估唔到作者有畫過依套感情咁細膩嘅作品

感謝 估唔到真係有人會睇 諗住長文無人睇任佢沉算
我之後都應該會睇埋呢個作者其他作品 好似仲有幾套都係類似 咁我應該要skip地下忍者

你睇完覺得點? D劇情
有D位真係捕捉得好正 簡單幾句 一個動作表情就已經咁豐富 好似火車最後果到 一段關係最後往往係忍唔住互相傷害 突然失去常性咩說話都講得出 更賤既係 果D係真心話 而因為你熟悉佢 你最知講咩可以最傷害對方 但最後既最後又好快後悔 因為好似仲愛對方

太胃痛搞不撚掂

地下忍者係搞笑＋打鬥漫畫，有啲位都好笑嘅
但同敏行快跑唔同風格，冇乜劇情，啱唔啱睇視乎你個人口味

我幾鍾意敏行快跑依類咁多挫折嘅故事，唔似其他少年漫畫咁主角努力一陣就大幅成長
敏行快跑感情起伏又夠大，主角一時好順利，然後突然間又落低谷
但我覺得有啲可惜嘅係個故事主題唔夠明確，故事主題講緊個主角起步慢過人所以要急起直追，但劇情上兩次重大挫折（失戀）都係因為主角受唔住誘惑做戇鳩嘢，唔關起步慢事

不過整體嚟講敏行快跑都係好好嘅作品，角色描寫真係好出色
主角嗰種介乎於社會人同年青人之間嘅衝動、千春嗰種雞格都令人印象深刻
同埋我幾鍾意主角同花子一直冇相認返之前見過面

類似風格嘅作品重有腦內格鬥，同樣係講主角遂少遂少成長嘅故事
雖然劇情上冇敏行快跑咁多波折，但主題集中啲
鍾意敏行快跑應該都會鍾意

你會好憎佢又重覆犯錯 但之後又突然醒覺後悔 loser果種時好時壞 矛盾 拉扯
好似現實你想減肥 明知好簡單做運動飲食就得 自我控制就得 但得好少人堅持到 偷食完之後又再努力過 無限LOOP
我諗作者好著眼呢D拉扯位 亦正亦邪既心理狀態 EG後面明知要打交救人 但又淆底走佬
好想搞野 但又想堅持 佢想改變但現實唔係咁易 都係會重覆犯錯
佢呢種平庸人既失敗 反反覆覆 自我拉扯 我諗就係作者想講既野之一

點解鍾意主角同花子冇相認?? 呢段我都冇特別留意
我都鍾意佢寫主角唔特別講咁直白 好似唔解釋誤會 因為解釋黎都冇用 同時又覺得自己真係有D做錯 先搞到咁 果種無奈好真實

腦內格鬥好似聽過下 等陣睇THX

g持，同作者套老處男的春天一直都係我心入面的神作

留名

一零年喺高登已經有人推介呢本嘢
PS:睇晒

睇 叫我英雄

呢套先係世界級

留名

主角同花子冇相認，就好似喺無形中有種緣份，但連當事人都唔知，得有上帝視覺嘅讀者先知，咁寫法幾特別

另外主角又真係有做錯嘅，佢自己叫雞在先，啲女咪揾其他男人扑嘢囉
齋含冇屌就唔當出軌，根本係主角一相情願

太真實，睇自己就得，唔洗睇佢

勁好睇，嗰種心理描繪真係入心入肺，但係個結局好sad

係WO 好似連主角都唔肯定見過佢幾過癮呢下

係啊 寫得好中失敗者扯哂旗果陣就係咁搵藉口呃自己 之後東窗事發就死狗咁後悔

BTW我有D懷疑當初主角唔犯錯 可能佢真係唔會黑化 好似佢係車入面爆氣時咁講
現實既人都係亦真亦邪 本來係正 但見到類似主角D仆街野 之後傷心>加入仆街行列 / 堅持 /躺平 只係佢揀左加入 咁諗既話佢其實都錯唔哂

植村正仆街
究竟佢係一開始就咁bitch定真係探病嗰次之後先黑化

以讀者角度單講證據唔腦補既話 前半段
1.千春的確講明要打電話比主角表白 (證明唔係想收兵）
2.主角比人打到仆街但都冇睇佢唔起 企佢果邊幫佢 係主角自卑暴走
3.酒店事件

冇記錯既話bitch野全部都係之後先發生
個人我估作者係設定千春係之後先黑化 同埋咁樣有趣d
如果角色得純粹既惡同純粹既善 太單一唔好睇
成套都見到作者著墨好多角色既亦正亦邪既行為同心態 矛盾 後悔 改變