我大佬琴日去完動漫展
返到屋企成條奄春咁
我就問一問佢發生咩事
佢就話琴日係動漫展經歷左人生既一切
佢由係灣仔地鐵站上電梯就開始同人迫
佢就覺得好似當年既一條精子
係精子呀！你明唔明到底幾多人
經歷幾小時掙扎，終於感受到會場既冷氣
無錯，係只係冷氣，連個門口都未見到
就好似你考完DSE但係未有jupas offer咁
入到會場就知道世途險惡
同你競爭既人係無少過，只係大家一齊困住係同一個空間到
佢感到氣餒，疲乏同絕望
忽然，係芸芸眾生當中
萬綠叢中一點紅
佢見到一個閉月羞花，修長美腿，黑長直既工作人員
簡直就係見到佢既理想
我大佬用盡二十幾年既勇氣
蝸牛行路咁大聲咁同佢講
「可唔可以同我影張相？」
佢講完都無期望過會有得影
竟然！個工作人員聽到
仲話「好呀！」
我大佬既靈魂從此就寄人籬下
當個工作人員同佢合完照消失係人群
我大佬驟然發覺
「無拎到佢contact」
而家返到屋企佢剩係set左個女仔做佢既wallpaper
冇計可施 想幫A0大佬完成心願
求各位大大幫手搵到圖中女子電話
