回憶拍《網中人》天光道朝朝跑發哥稱王晶不時邀拍戲「我睇完之後：『阿晶又重複嗰啲』」

[url]https://www.instagram.com/p/CuE7EX4r3S3/?igshid=YmM0MjE2YWMzOA==
[/url]
Source:娛壹
鄭裕玲 x 周潤發 #TheDoShow
Do姐諗計入發哥跑步團
回憶拍《網中人》天光道朝朝跑
發哥稱王晶不時邀拍戲
「我睇完之後：『阿晶又重複嗰啲』」

#Do姐鄭裕玲 YouTube channel「 #TheDoShow 」首集今日推出，嘉賓是發哥 #周潤發及 #柯煒林，宣傳電影《別叫我賭神》。Do姐呻多次邀請發哥受訪，「又囈（讀音：ngai1）又篩你都唔騷我。」發哥指指鏡頭：「就係等呢個節目。」Do姐無力反擊：「你咁奸狡㗎？」

後來Do姐靈機一觸，想join發哥的跑步團埋身，知情人士給她淋了一盆冷水：「佢話唔係話你跑發哥嗰團，你就可以入到去發哥呢個『中心地帶』，你要喺外面咁樣慢慢跑入嚟…」發哥搖頭：「唔係唔係。其實我哋一跑步，好早已經喺天光道朝朝跑。」他的思緒跑到老遠：「你一套白色我一套白色，跑完我哋去靠背壟道嗰度飲豆漿。」那間豆漿店叫上海美華菜館，說的是79年拍《 #網中人》。

拍《網中人》期間，發哥已經鑽研方法演技，Do姐憶述：「嗰陣流行用wallet，你冇同我講㗎，入面擺咗一張我同你嘅相。」他點頭微笑：「日日都見住你，我掛住你多過掛住老婆..」在她耳邊輕聲說，嚇得Do姐連連罷手：「唔好講啲咁嘅嘢！」發哥大笑：「戲入面呀！」

【發哥冧招 Do姐無力反擊：想鬧你都唔得】
《網中人》那場囚車戲，發哥在車上默默落淚，Do姐在後面窮追，等他回頭。他笑：「我喊到唔識得收聲呀！」Do姐也說：「我去探你監，你都係唔識收聲㗎！」此時發哥向鏡頭外的工作人員說：「呢個女朋友為我仆心仆命，死唔死？」攬實她大啖啜，Do姐投降：「你真係氹死人！想鬧你都唔得！」他還在做戲：「唔好鬧我啦…」

之後發哥細數兩人的緣份。80年有《親情》，木咀輝與彤彤；88年拍《八星報喜》，飄紅、劍郎與Beautiful；92年有《我愛扭紋柴》，飛螢的cockney english跟吳山水的圍頭話令人懷念。他忽然又攬住Do姐，用圍頭話讚美：「呢個女子不得了，又醒目，演技又好，我呢個女朋友冇得頂，我好鍾意佢。但係呢，『時唔時呢』，我離開佢幾年，佢就移情別戀，鍾意子華神，後尾鍾意農夫，而家鍾意小鮮肉！」Do姐笑：「你都大把靚女啦！」「嗰啲過眼雲煙！」

【「阿晶又重複嗰啲，舊時嗰啲…」】
不用拍戲的日子，發哥表示很忙，「我成日好多嘢搞，買啲舊鏡頭返嚟影相，你知我好鍾意影相，我多數用4x5大機（大片幅相機），好嘥時間。喺我呢個階段，唔係咁多人請我拍戲嘅時候，又有跑步又有影相，幾開心。」Do姐露出「講呢啲」表情：「點會冇人請你拍戲呀？」

這時有一個人名冒了出來：阿晶（#王晶）。發哥說：「有啲阿晶成日都搵我做嘅，但係寫好多劇本畀我睇，佢但係…我睇完之後，阿晶又重複嗰啲，舊時嗰啲…」說時眉頭緊皺，「我唔想，我想搵啲啲特別啲，雖然我而家年紀大咗，但係都有唔同嘅表演方式。我唔想第日好似Jane Fonda同佢老竇Henry Fonda咁拍一套《On Golden Pond》（《金池塘》），哈哈哈！」

去荷李活發展，他說只是隨心而行，「好簡單，隨波逐流，好隨心，佢要我去邊度咪去邊度。94年同金公主完約，我覺得有時間要休息下。」他喜歡跟導演研究拍攝手法，至於當導演嘛，沒想過。「導演責任好重，我得閒攬攬錫錫咪算囉！我唔鍾意做啲咁有規律嘅嘢，好辛苦。」

【「發哥同我講過，最緊要跑姿要靚」】
影壇新人輩出，發哥謂現在不會「guide人做戲」，「每個演員都有自己特色，好似呢套新戲，同我阿仔Will（柯煒林）拍之前，我日日車佢同佢跑步，建立一個好好關係。我其實兇佢，叫佢醒醒定定，『讀好啲劇本呀唔該你！去到現場幾百人等緊你，冇人有時間等你演，你整好啲呀！你乖啲喇…』」又兇又氹，Do姐卻說出重點：「你七年先拍一部，你啲後輩都老喇你知唔知呀？」

柯煒林飾演角色李陽是一個「高功能自閉症」人士，發哥欣賞他那種「冇乜嘢」的表情，沒給人「演緊戲」的感覺。柯說：「發哥同我講過，做呢套戲最緊要跑姿要靚，佢第一嚟就同我講…」轉身問他：「你頭先話劇本要睇吖嘛，都唔係！你嗰陣係講話我跑步嘅時候係跑姿一定要靚！」發哥解釋這是角色設計，認為自閉症患者都有其專長，又說：「同埋你跑，我追到你似隻狗咁！」兩人大笑。

大家也想起已故的智叔廖啟智。拍《無雙》（2018）期間，在加拿大，智叔每朝六點就去發哥的apartment等，一齊出發，跑足十日。外面冷得要命，「有一朝我同佢跑到，過咗條橋去咗西溫嗰邊添。佢好開心。之前佢哋可能有啲事情諗唔通，但跑咗之後你見到嗰個人性…」

發哥計劃今年跑10k，明年跑半馬，80歲跑全馬；Do姐嫌半馬太辛苦，她只想跑10K，發哥便約她上大帽山跑一轉。她終於跑到「發哥跑步團」的中心地帶。至於何時再拍戲，發哥想了想：「搵啲製片人呀、搵啲編劇寫個劇本，啱我哋做嘅。再續未了緣。」笑言在圍頭再擺酒，還想起了村裡那頭可愛的臘腸狗。Do姐說好，兩人握握手，

回憶拍《網中人》 天光道朝朝跑 發哥稱王晶不時邀拍戲 「我睇完之後：『阿晶又重複嗰啲』」

airfan

回憶拍《網中人》天光道朝朝跑發哥稱王晶不時邀拍戲「我睇完之後：『阿晶又重複嗰啲』」