大家樂美心富臨等七一設優惠 張宇人:全單七一折無可能 「我諗我啲老友支持者會走曬」「係咪要所有嘢都要七折呢 我睇又未必」

本周六（7月1日）為回歸26周年，行政長官李家超早前稱餐飲業界推出七一優惠。今日（6月29日）自由黨張宇人聯同飲食界代表舉行記者會 ，宣布有近1,500間食肆將於七一當日提供優惠，參與集團包括大家樂、美心及富臨等，惟大部分食肆只提供指定菜式或餐飲七一折。有記者問到為何不提供全單七一折優惠，張宇人指並不可能，「全單七一折我諗我啲老友、支持者會走曬」，又反問「大家開心呢，去食肆食到你鍾意食啲嘅嘢，係咪要所有嘢都要七折呢？我睇又未必」。

https://www.inmediahk.net/node/%E6%94%BF%E7%B6%93/%E5%A4%A7%E5%AE%B6%E6%A8%82%E7%BE%8E%E5%BF%83%E5%AF%8C%E8%87%A8%E7%AD%89%E4%B8%83%E4%B8%80%E8%A8%AD%E5%84%AA%E6%83%A0-%E5%BC%B5%E5%AE%87%E4%BA%BA%EF%BC%9A%E5%85%A8%E5%96%AE%E4%B8%83%E4%B8%80%E6%8A%98%E7%84%A1%E5%8F%AF%E8%83%BD

「飲食業慶回歸優惠活動」由香港飲食業聯合總會、現代管理（飲食）專業協會、香港餐務管理協會、香港餐飲聯業協會、稻苗飲食專業學會、 香港日本食品及料理業協會、香港日本料理店協會及優質旅遊服務協會8個協會主辦，現時有共1,452間食肆參加。

多間大型連鎖快餐店及餐飲集團均有參與，包括大家樂、美心及富臨等。部分七一折優惠菜式包括大家樂快餐的「七一回歸冬瓜盅二人小菜套餐」、美心MX的「燒味菜脯香蔥炒蛋系列及去骨海南雞系列」、美心Food ²的「鮮茄焗豬扒飯及去骨海南雞餐」、炑八韓烤「棉花糖夾心餅」、牛角「西冷／肉眼」等；富臨集團則推出「71優惠象拔蚌」，折實424元1條。此外亦有商户提供其他優惠，包括肯德基「$26超勁辣黃醬雞卷1件」、麥當勞「$11菠蘿吉士批2件」等。

張宇人指業界原擬於第二期消費券派發當日舉行優惠活動，「喺消費券時間搶你錢」，惟獲「通知」後提早於七一舉行。

被問到為何不提供全單七一折優惠，張宇人指並不可行，笑言「全單七一折我諗我啲老友、支持者會走曬」。他續反問：「大家開心呢，去食肆食到你鍾意食啲嘅嘢，係咪要所有嘢都要七折呢？我睇又未必」，又笑稱若有餐廳只做蛋撻七折，自己「唔介意食多幾個，聽日先減肥」。

香港餐務管理協會主席梁振華指，在短時間內能召集七個商會合作，張宇人居功不少，期望市民「開心啲，正一開心香港」。他強調是次活動並無政府提供資助，是業界自發提供折扣優惠，形容今次「豁出去、唔賺錢」。

美心集團代表Mabel指，美心集團約超過50間分店參與，包括美心MX、美心Food ²以及can.teen，各分店會因應優惠推出而預較多食材。惟她介紹時一度口誤稱「希望同全港市民歡度國慶」，並即時「補鑊」更正為「慶回歸」。

晚晚都十一折賀國慶添

牛角黃到呢

KFC -「$26超勁辣黃醬雞卷1件」
未食過，聽個名都覺得係垃圾食物，賣淨尾無人要嗰啲

食蕉啦MX，元氣就話啫，孤鬼寒

嗯，你說得對

做一日七折好似去死咁
擺明就係比李軍政長官迫住做

將D賣剩蔗做71折
引班傻仔去狗衝正價食埋其他野
食完班傻仔仲覺得自己賺左

$11菠蘿吉士批2件
不如7.1一件算啦

我賀71突登出去消費
已經出左雞, 你班資本家出碟鼓油都唔得, 你係咪中囯人呀

同超哥唱反調..搞軟對抗

當你周圍地方去過（even大陸），就知道香港嘅價錢同質素唔成正比得幾嚴重

軟對抗

邊啲老友

年年七一都七一折

咁唔出去食啦

一定係被迫

軟對抗

我幾鐘意食

外賣71折會唔會好啲，唔會佔用鋪位