如果結婚，想細搞，有咩建議？

諗住唔擺酒，因為家人朋友人數少，如果中午酒樓食飯會唔會太寒酸？

過大禮、禮金程序大概係點
大家之前個成日行程係點樣？

簽個紙得啦

睇你想細到點
齋簽紙都可以係細搞

利申唔知

簽個名返屋企訓覺

就咁兩家人食個飯
朋友果啲下次補返

去西貢搞

去酒樓不如唔好搞

去婚姻註冊處 簽紙結婚
想影下相嘅 咪約尖沙咀個間
上午簽完咪係尖沙咀揾地方食飯
揀啲環境靚啲嘅

禮金過大禮 正常係結婚前揾一日送去女家
建議google 一下

金鐘簽字 pp 食lunch

基本上除咗簽紙所有野都可以唔做
你地咪自己同四大長老傾好有咪一定要
淨係安排個啲咪得
你上黎問人哋點做唔錢幫到你
建議你唔好伸手試下google

無問題啦, 人地住又一村啲大屋都係去酒樓搞

唔好結
結得就無一個方法可以細搞
一係搞得唔體面有說話聽
一係比人呃左之後愈搞愈大

(利申：後者)

想要幾細

我真係細到簽張紙食個飯..

咩過大禮 禮金嗰啲形式嘢都唔搞

兩條友傾下自己想要啲咩就得

簽完紙，是但食餐飯 ，唔過大禮，禮金比封利是
食完898 ，搞掂

結婚係你兩個人既事，相方屋企人都好，關人撚事，唔洗諗人地點諗，最緊要你兩個感受係點同想點做
記得以後陪到你行既另一半，其他人都係無關痛癢（係結婚呢件事上）
除非你特別家族，唔搞大會比人追殺啦

上星期新婚黎答你希望幫到你

2月頭求婚，2月中搵人擇日同吉時，因為都唔會大搞，就定咗喺６月中註冊。咁我地選擇喺婚姻註冊處舉行，所以3月頭上政府網站做個擬結婚通知書登記先。呢個登記係有時限(around 3個半月)，太早做唔到，太遲就未必有心水註冊處/日期時間揀，具體你上網站睇返，可以直接打你婚禮日期，佢會話你知最早邊日可以進行呢個登記。

咁由於我已經擇晒日子，不容有失，於是我就揀喺最早可以登記嗰日既早上8點正捕住個網站登記咗，我全程線上進行，但我見人講過話可以打電話都得。之後佢就會出張通知書，話你知邊日同幾點要去註冊處交錢$305。另外佢會Show一個叫「選擇婚禮舉行時間的優先次序」出黎，我準時捕住都係排第2。

到咗可以去註冊處交錢嗰日(都仲係3月中)，記得帶埋線上登記張紙。我差唔多8點50分到場，但前面已經有十零人排隊，我唔知個「選擇婚禮舉行時間的優先次序」排第2仲有無效，勁驚啲人會揀晒我想要既時間，因為我去嗰度得2個禮堂，而每對新人可以用15分鐘，總之嗰段俾人揀咗你就要落下一個time slot，咁好彩我揀到心水時間啦，放下心頭大石，之後就疉埋心水等結婚。

中間既時間睇你地自己使唔使買物資囉，著唔著婚紗/影唔影相等等…你問到先再講，因為呢啲係好個人既野，要做都可以好多野做。去到5月份，當然要安排兩家人見一見面啦，唔好去到結婚當日先第一次見咁生疏，都係中午飲餐茶咁樣，四大長老都好開通，對婚禮無咩好傾，循例見下。

咁過大禮呢啲我都有做既，但都相對簡單，結婚前一個月左右(有擇日)，我地買咗4份生果同4對唐餅，連埋包羅萬有大利是、禮金同餅卡，我同老公一齊拎去我呀媽屋企放低俾佢就完左。過完大禮女家就可以派餅卡俾同事朋友，都收唔少利是架，要派就記得派俾大粒野。

結婚當日都好簡單，只係請親戚同朋友，都50人左右。日頭影少少相，之後入去註冊，再影少少相，親戚朋友就離場架喇。之後當日淨係同直屬家人兩家人飲茶，再去兩家屋企斟杯茶，親戚就後補自助餐，朋友就打後再約食飯。

總結係，好多野可以做可以唔做，又唔需要全部都做，你覺得有意義既咪做囉。好似斟茶呢啲始終叫做新抱茶女婿茶，我都想四大長老開心，咁咪做囉。我諗都算係細搞掛，但都玩足一日好攰。不過我地係有特別因素先要分開黎食飯，否則當日全部人食埋中午其實係唔錯，揀個私人場行禮+食飯，又唔怕落雨，但可能就要搵律師過去證婚囉。

新婚快樂

btw 好有心機ah

新婚快樂

btw 好有心機ah

多謝哦

我識人之前係天台搞。搞到個外父勁嬲。差啲開拖。

係咪話冇翅食 ？食食吓跟住去劈友？