同男朋友未拍拖之前係機友，一次面都未見過
早幾年係打機DC度識，我同佢連埋成班Friend一齊玩某隻MMORPG玩得好癲
會約埋一齊開game打裝打高難度副本
玩熟左好多時都成班人一齊吹水
間唔時都會聽到佢同佢EX(當時女朋友)既"逸事"
話說佢同個EX拍拖10年，同居2年
佢係極度遷就+縱女朋友既人，為左準備同EX結婚問親戚借錢買左層樓供緊
佢中意打機砌模型，EX唔中意佢打機砌模型，同居時逼佢賣左D遊戲機，而部PC係以處理公事為由先有得留低
同居初時佢買模型返屋企，個EX就會鬧佢又買D垃圾返屋企，比個EX鬧多幾次，佢就唔再買模型
平時佢就只可以夾個EX出門返工/唔係屋企既時間先可以搵我地打機/做自己野
有時打打下機佢EX突然早左返屋企，就要即刻熄game然後mute mic & DC
有時佢EX發脾氣既話重會搞到佢消失幾日唔出現
而佢EX近年中意左追星，某12個人啦下
然後有咩event呀戲呀就會逼佢同自己一齊去影相打卡無得Say no
試過有一次佢話同EX講掂數，比佢打兩個鐘機，之後就會去陪個EX
點知佢同我地打打下機，比人話佢打機唔陪自己，就強制熄撚左個Router
結果佢戈晚嬲到PK，重要去氹返個EX，但件事就笑到我地PK，到今日重笑緊
佢講個EX亂9發脾氣已經係家常便飯，佢就要成日扮死狗去氹
我地成班友就當食花生咁食成日笑9佢係廢柴老婆奴
然後有一日，佢話自己又同EX嗌交，我地以為佢又好似之前咁會死狗氹返人
點知佢竟然答我地唔想返屋企唔想再見到對方
一問之下原來個EX又因為極小事發佢脾氣，好似話係影相影得難睇，個EX唔收貨
我地聽完當堂嚇一跳
然後得啖笑
之後果一晚佢PM我，話真係忍左EX好多年，唔單止我地表面見到個EX做既野
其實咁多年黎，佢個EX唔止一次話要分手，成日都用分手去威脅佢，佢地都離離合合好多次
而且佢EX唔止一次背住佢識過第二個，一分手就去拖第二個
到之後同居除左要忍佢EX既脾氣，重要放棄晒自己D興趣，本身佢都以為自己一世人就係咁同個EX過
直至打機識到我，佢先知原來可以有女仔可以同自己咁夾
講完一輪佢話佢會同EX分手，然後黎追我
我果一秒既反應係: 大佬你唔好痴線啦，我地見都未見過
佢
: 我好認真架，我差唔多30歲，就黎要結婚成家，而家分手都唔知幾時先再搵到第二個，你覺得我同你講笑?我
: 咪玩啦，你諗清楚先啦，成十年感情，唔講了然後我就急急腳end左個topic
點知過左一排，佢係打機個DC度公佈佢同EX分左手，好笑既係，個個都係度覆一句: 恭喜晒
然後佢真係用左成個月時間日日搵我同追我
最後我都沉埋船，應承左同佢一齊，而家同居緊，日日一齊打機鳥
講完
最後都只係想奉勸大家一句，唔適合既人真係趁早分手，浪費自己19幾年青春委屈自己真係何苦，只要有心，真係下個會更好
題外話: 唔知係唔係想報復啦，佢個EX就極速搵左個新既，然後大左肚結左婚
最最最後，睇完勿相認THX
