排球少年世一運動漫

覺得雙子係加速成隊烏野進步嘅工具

我覺得雙子好睇d

我反而調返轉，開頭個種主角死衝動，嘈喧巴閉，到慢慢知道排球唔係只係得扣殺，要學接波，要洞悉球場發生咩事，到最後要識得照顧自己身體。

睇落佢好似無敵，但佢訓練嘅時間，基本上係所以人中最高，放學，夜晚，訓練營，暑假，集訓，到大大小小排球比賽，最後沙排都玩埋。

如果現實係咁，我都相信排球能力唔會差得去邊。

喺動漫開始，希望可以好好咁喺動漫結束
真心唔介意等，橫掂都等咗咁耐。
第四季啲分鏡同畫質有啲失望
千祈唔好好似黑籃咁，無啦啦最後嗰場先至黐咗線

排球唔係睇結果，每場比賽嘅過程先精彩
睇幾多次都唔會厭

最癲係作者原本漫畫個結果接現實東京奧運
嗰屆日本男排仲要打得幾好
每次見到西田跳起都起哂雞皮

啱啱係vnl九連勝緊 睇個勢下屆會更好

講起拖有套叫dear boys就真係拖到癲
89年做到而家

排隊比賽規則令到套野無咁好睇
基本比賽一開始會有啲悶，就算領先一局甚至兩局你都會覺得對面會追番最少一局，因為佢係動漫
當然整體上都係佳作

咁都唔係slam dunk 個個都係有得打波既
四眼仔 魚住呢啲都唔會打啦
我都好中意睇排球少年 但一樣賣青春熱血姐
運動番唔賣青春熱血就食屎啦 你咁講blue lock 仲屈機啦

排少 最正係連非主角群 都好有故事


烏野班後備全部都有英雄時刻

青椒蘆薈世二

最記得有集守護神的英雄

就算場上無攞分 幫到隊友成長 都係英雄

我心目中最愛真係衝鋒21
打神龍寺同王城根本世一
講戰術 真人戰術 玩心理戰
講誇張特技又有 講熱血唔撚駛講
講情節 果時真係睇點會估到 打神龍寺真係吹完場再吹返後4秒 打王城漫畫係自殺得分 動畫係進比人推留1秒 門太永遠都有驚喜 其他配角都會有場比賽for 佢地成長 講絕望壓迫力 冇一個boss 好似進同含咁 咁撚完美 之後暴走就冇計啦 迫作者畫既
所以做唔到世一都正常 但都係最愛

SD就熱血得濟又感動 細個睇冇咁感觸 會覺得熱血想寺打波 大個睇再睇 你會想喊 SD 先多角色既描寫
仲要創左個運動番熱潮 歷史地位同影響力
根本得足球小將可以相比
要講世一影響力 SD同足球小將有排都未比人超越到
上面有人話SD 剩係識賣青春熱血
我睇SD 會不停翻睇反而係因為佢既感動位
三井既故事 佢打翔陽 最後冇晒力換出場 坐係出面 拎住罐野 連力都冇 開都唔開到 之後喊果到 我睇一次就眼濕濕一次 佢果種冇力感 自責 後悔年少既不智 大個睇 就會好深感受 亦都令人好懷念細個 呢個先係運動番精髓

排球少年我都好中意 角色鮮明 又有好多熱血位
但作品內容 套路都係一般大眾熱血番 有勁敵 打全國賽 輸波不甘 再復仇成功 etc
套路都係大同小異姐 但熱血就係熱血 好睇都好睇
個人最愛果3場 雙子 貓同烏鴉 鷗台
但單講影響力 真係做唔到世一 但做自己心中最愛果套有咩所謂

講創新 blue lock 仲刷新你五觀啦但套野主題改5人足球好啲

魚住?切下魚生叫交代左呀?
排球少年月島成篇補完佢由唔打波去到畢業後仲有打聯賽
日向最冇條件打到最遠
西谷最有天份但有其他人生選擇
以上邊d野係slam dunk有?
我有撚講過排球少年冇青春熱血
我係講緊排球少年唔止青春熱血

牛島話自己好波唔係因為有幾熱血同努力 係因為人生好運
slam dunk仲停留係一星期射二萬球

日向邊到冇條件16幾 摸高可以3米幾
無限體能 跑得跳得 已經怪物黎
我又冇反排球少年 咁事實佢都係一套熱血運動番
套套除左春青熱血 都有其他野嫁啦 排球只係對佢地大個既描寫多啲 SD 只係冇寫返啲人大個做緊咩 唔覺得會因為咁 套野就會升華幾倍嫁喎
SD 都會有好多熱血以外既事 只係你睇唔到姐 得20000球
三井冇力自責後悔 四眼仔知道自己唔會再好似其他明星球員咁繼續打落去 魚住一樣講左冇得再打做球員 仙道咁撚勁 但偏偏全國唔出名 記者都心有不甘 SD 寫多啲當下佢地既感受 到你大個睇再睇 初聞不明曲中意 再聽已是曲中人 SD 就係有呢個感覺

以事論事 排球我都好中意 你覺得係個人最愛都冇問題
但論全球影響力 SD 同足球小將真係世一ma
仲要以咁新技術之下 排球第4季都做到咁崩 事實係有佢不足位
你呢啲起晒鋼咁 一定非黑即白既衝動撚 點同你溝通

"仲要以咁新技術之下 排球第4季都做到咁崩"
依句有D搞笑, 崩係睇技術咁簡單?

龍珠超動畫,當時技術一定好過GT 同 Z,
龍珠超點只崩咁簡單

2套都係各自體育項目數一數二既作品,
上個世代出到SLAM DUNK 絕對唔係易事
排球少年令到讀者認識排球都唔係簡單
做咩一定要話對面廢?
排球一定無籃球咁普及
排球少年係一本好好既入門

題外話: 睇香港電視直播真係好好笑
你只會不停聽到 :叉燒, 錯對換人, 超手, 背飛... 依堆字

非黑即白嗰個係你
唔係話SD只有青春熱血
唔係話排球完全冇青春熱血
係程度問題

你覺得三井四眼仔魚住呢d就係係夠立體叫交代左?
講到尾咪喊囉自責囉後悔囉
最後出黎講一句我係永不放棄既男人完場

我只可以講佢人物塑造同敘事同排球唔同水平
你口中講既 SD 全球影響力最大? 又如何
1.籃球本身人氣唔同 你咁比較已經唔公平
2.SD早過排球廿年出世 傳播率已經唔同
3.邊樣高質素唔係睇影響力

最後覆你排球既問題
1.日向的確係冇天份 現實未出現過有人米六打到職業聯賽
跳得幾高都唔得
2.動畫組有問題 關個作品同故事咩事?

產生不了共鳴，亦都無係文章內學到啲咩

btw 多謝分享

又想睇多次漫畫了
月島開竅嗰段真係正到起雞皮

聽講blue lock好gay
gay到我唔太敢睇

滿月
因為呢一話而鍾意月島

正正常常㗎 中二病無腦爽番嚟
係啲人戴有色眼鏡睇先會覺得gay